شہر نبویؐ میں اتنے دن گزرنے کا پتہ ہی نہیں چلا ۔آخر کار یہاں سے رخصت ہونے کا دن آ ن پہنچا ۔میں نے مسجد نبویؐ میں نماز ظہر ادا کی۔ جلد یہاں دوبارہ آنے کی دعا مانگی۔ پیارے نبی ؐ کی مسجد پر ایک الوداعی نگاہ ڈالی اور ہوٹل کی سمت چل پڑی۔ وقت مقررہ پر کوچ آئی اور ہم دونوں اس میں سوار ہوکر اس مبارک شہر سے روانہ ہو گئے۔شہر نبویؐ کو خدا حافظ کہتے وقت دل اداس تھا، تاہم اس بات کی خوشی تھی کہ ہم مکہ مکرمہ جارہے ہیں۔کوچ پاکستانی زائرین سے بھری ہوئی تھی۔ کچھ دیر سفر کے بعد ہم میقات پر پہنچ گئے۔ میقات اس مقام کو کہتے ہیں جہاں سے حج یا عمرہ پر جانے والے زائرین احرام باندھتے ہیں۔بس کنڈکٹر نے مائیک پر سواریوں کو کچھ ہدایات دیں۔ سب کو آدھ گھنٹے کا وقت دیا کہ احرام باندھ کر واپس آ جائیں۔ میں اور فہد صاحب بھی بس سے اترے۔ مسجد کے غسل خانوں اور وضو خانوں کے باہر خلق خدا کا ہجوم تھا ۔ وضو کرنے، احرام باندھنے اور نوافل کی ادائیگی کے بعد ہم واپس بس میں آن بیٹھے۔ کچھ دیر انتظار کے بعدسب مسافر واپس آ گئے تو بس چل پڑی۔ بس میں لبیک ، اللھم لبیک ، کے ورد کی آوازیں سنائی دینے لگی تھیں۔ راستے میں ہم بھی تلبیہ کا ورد کرتے رہے۔ تلبیہ کا ترجمہ ہے کہ ـ، ’’میں حاضر ہوں، اے اللہ! میں حاضر ہوں، تیرا کوئی شریک نہیں ہے، میں حاضر ہوں، بے شک حمد و ستائش ِ، نعمتیں اور فرماروائی تیرے ہی لئے ہے، تیرا کوئی شریک نہیں‘‘۔ تلبیہ پڑھنے کی نہایت فضیلت ہے۔ حضور ؐ نے ارشاد فرمایا : جو مسلمان یہ پڑھتا ہے تو اس کے دائیں بائیںزمین کے آخری کونے تک تمام پتھر ، درخت اور مٹی کے ذرے بھی تلبیہ پڑھتے ہیں۔ بذریعہ بس مدینہ سے مکہ جانے کے لئے کئی گھنٹے درکار ہوتے ہیں۔راستے میں دو تین مرتبہ مختصر پڑاو کرنا پڑتا ہے۔ گھنٹوں سفر کے بعد ، مغرب کے وقت بس ایک پاکستانی ہوٹل کے سامنے رک گئی۔ یہاں بھی کنڈکٹر نے ہدایت جاری کی کہ آدھ ، پون گھنٹہ بعد سب لوگ بس میںواپس آجائیں۔ سب مسافروں نے یہاں کھانا کھایا۔ چائے پی۔ نماز پڑھی۔ اور بس میں آن بیٹھے۔ بس ایک مرتبہ پھر روانہ ہوگئی ۔ تازہ دم مسافر اب گفتگو میں مصروف تھے۔ پچھلی سیٹ پر بیٹھے کچھ پٹھان مسافر اپنے موبائل پر سیاسی حالات حاضرہ کی خبریں سننے لگے۔ پھر وہ با آواز بلند ملکی سیاست پر بات کرنے لگے۔ قومی سیاست سے مجھے نہایت دلچسپی ہے۔ تجسس سے مجبور میں نے بھی اس عوامی گفتگو پر کان کھڑے کر لئے۔ ان مسافروںکی سیاسی پسند میرے سیاسی خیالات سے مطابقت رکھتی تھی۔میں کافی دیر دلچسپی سے ان کی گفتگو سنتی رہی اور پھر میری آنکھ لگ گئی۔
طویل سفر کے بعد بس مکہ مکرمہ کی حدود میں داخل ہو گئی۔ بخیر و عافیت یہاں تک پہنچنے پر میں نے دل میں اللہ پاک کا شکر ادا کیا۔ اس روئے زمین پر واقع کوئی شہر، کوئی جگہ، کوئی مقام مکہ مکرمہ سے زیادہ برکت اور فضیلت والا نہیں ہے۔اس شہر کی حرمت اور فضیلت کا اندازہ اس بات سے لگائیے کہ یہاں میرے رب کا گھر یعنی بیت اللہ قائم ہے۔ قرآن حکیم اور احادیث مبارکہ میں مکہ کی فضیلت کا بیان ملتا ہے۔ قرآن پاک کی سورۃ البلد میں اللہ پاک نے اس شہر کی حرمت کی قسم اٹھائی ہے۔ کتنا مبارک ہے یہ شہر جسے میرے رب نے میرے پیارے نبیؐ کی پیدا ئش کیلئے پسند فرمایا۔ یہیں میرے حضورؐ کا بچپن گزرا۔ یہاں آپؐ کو نبوت عطا ہوئی۔ اس شہر میں آپ ؐ اللہ کا پیغام لوگوں تک پہنچاتے رہے۔ یہاں حضور ؐ نے اپنی زندگی کے کم و بیش 53 برس گزارے۔ چالیس برس کی عمر میں حضورؐ کو نبوت عطا ہوئی۔ اس کے بعد آپ نے تیرہ برس تک اللہ کا پیغام لوگوں تک پہنچایا۔ اس عرصہ میں کفار مکہ حضور کو ہر طرح کے ذہنی اور جسمانی مصائب سے دوچار کرنے کیلئے کوشاں رہے۔ آخر کار ایک دن حضرت جبرائیل ؑ نے حضور ؐ تک اللہ کا پیغام پہنچایا کہ آپ یہاں سے ہجرت فرما جائیں۔اللہ کے حکم پر حضورؐ نے اس شہر سے ہجرت فرمائی۔
شہر مکہ سے حضورؐ کو نہایت محبت اور عقیدت تھی۔ مدینہ آنے کے بعد بھی آپ ؐ مکہ کو یاد فرمایا کرتے تھے۔ آپؐ نے اللہ رب العزت کی قسم کھا کر ارشاد فرمایا ، اے مکہ، تو اللہ تعالی کی ساری زمین سے افضل اور اللہ کو ساری زمین سے زیادہ محبوب ہے۔ اگر مجھے تجھ سے نکل جانے پر مجبور نہ کیا جاتا تو میں ہرگز نہ جاتا۔ مکہ کے امن کیلئے حضرت ابراہیم ؑ نے دعا کی تھی۔ قرآن پاک کی سورۃ بقرہ میں اس دعا کا ذکر ہے کہ اے پروردگار! اس شہر کو پر امن بنا دے۔ مکہ واقعتا ایک پر امن شہر ہے۔ حرم کی حدود میں ہر ایک کو امان حاصل ہے۔ صرف انسانوں کو نہیں، حیوانات کو بھی۔ حرم مکہ میں شکار کی ممانعت ہے۔
مکہ مکرمہ میں داخل ہونے کے بعد بس نے تمام مسافروں کو باری باری مختلف ہوٹلوں کے سامنے اتارنا تھا۔ کچھ مسافروں کے ہوٹل حرم شریف کے نہایت قریب تھے، کچھ کے دور اور کچھ کے کافی دور۔ ہمارا ہوٹل حرم کے قریب تھا، لہٰذا ہماری باری کافی بعد میں آئی۔ مجھے یہ دیکھ کر نہایت افسوس ہوا کہ بس کے ڈرائیور اور کنڈکٹر کا رویہ مسافروں کے ساتھ مناسب نہیں تھا۔ یوں لگتا تھا کہ وہ بہت جلدی میں ہیں۔ مدینہ میں مختلف ہوٹلوں کے آگے سے مسافروں کو سوار کرتے وقت بھی ان کا یہی رویہ تھا۔ ابھی مسافر اپنی سیٹ پر بیٹھتا بھی نہیں تھا کہ ڈرائیور بس چلا دیتا۔ ایک بوڑھا مرد اور ایک خاتون جس نے بچہ گود میں اٹھا رکھا تھا وہ گرتے گرتے بچے۔ اس موقع پر مجھے کنڈکٹر سے کہنا پڑا کہ وہ خواتین اور بوڑھے مسافروں کا تو کچھ لحاظ کرئے۔ مسافروں اور کنڈکٹر کے درمیان کچھ تلخ کلامی بھی ہوئی۔ مکہ میں بھی ڈرائیور مسافروں کو ہوٹل سے دور اتارتا رہا۔ مسافر اس پر احتجاج کرتے رہے۔ کسی کو بھاری بھرکم سامان سمیت سڑک کے دوسری طرف اتار کر مشورہ دیتا کہ آگے ٹیکسی لے کر جائیں۔عمرہ کے تمام سفر میں یہ ایک افسوسناک تجربہ تھا جس سے مجھے دوچار ہونا پڑا۔بعد ازاں میں نے متعلقہ نمبروں پر بس کے عملے کی شکایت بھی کی۔ تاکہ آئندہ وہ اپنے رویے سے باز رہیں۔ عمرہ کے بعد مجھے کسی نے بتایا کہ پاکستانی عملے کا عمومی رویہ یہی ہے۔
بہرحال اپنا ہوٹل آنے پر ہم بھی بس سے اترے۔ ہوٹل اچھا تھا۔ حرم کے قریب تھا۔ ہم پیدل چل کر حرم میں جا سکتے تھے۔ ہر دس پندرہ منٹ کے بعد ہوٹل کی بسیں بھی حرم جاتیں اور وہاں سے واپس آتیں۔ یعنی آمدورفت کا نظام نہایت عمدہ تھا۔ اس طویل سفر نے ہمیں تھکا دیا تھا۔ لہٰذا فوری طور پر حرم جانے کی ہمت نہیں تھی۔ ہم نے عشاء کی نماز ہوٹل کے کمرے میں ہی اداکی ۔ سوچا کہ پہلے چند گھنٹے آرام کرتے ہیں ۔انشااللہ تہجد کے وقت حرم شریف میں جا کر عمرہ کی ادائیگی کریں گے۔
ذریعہ: Nai Baat
کلیدی لفظ: مکہ مکرمہ کے بعد واپس ا
پڑھیں:
ڈیڑھ لاکھ ہنر مند افراد کو روزگار کیلئے بیلا روس بھیجیں گے؛ وزیراعظم
اسد ملک: وزیراعظم شہباز شریف نے کہا ہے کہ دورہ بیلا روس اچھا رہا، ڈیڑھ لاکھ ہنر مند افراد کو روزگار کے لیے بیلا روس بھیجوائیں گے، بیلا روس کی زراعت کی صلاحیتوں سے فائدہ اٹھائیں گے۔
وزیرِاعظم شہباز شریف نے لندن میں صحافیوں سے گفتگو کرتے ہوئے کہا کہ بیلاروس میں بننے والے زرعی مشینری کے جوائنٹ وینچرز پاکستان میں بنیں گے۔ انھوں نے کہا کہ اللہ تعالیٰ نے پاکستان کو معدنیات کے خزانے عطا کئے ہیں، بیلاروس میں مائنز اینڈ منرلز کے حوالے سے مشینری بنانے والی فیکٹری کا بھی دورہ کیا، اس شعبے میں بھی انشاء اللہ تعاون بڑھائیں گے، ڈیڑھ لاکھ ہنر مند پاکستانی نوجوانوں کو بیلاروس میں روزگار کی فراہمی کے لیے بیلاروس سے ہماری مفاہمت ہوئی ہے جو ہم انشاء اللہ بالکل میرٹ پر بھیجیں گے۔
امریکا جوابی ٹیرف کو مکمل طورپر منسوخ کرکے باہمی احترام کے راستے پر آئے، چین
شہباز شریف نے کہا کہ پنجاب اسپیڈ جو تھی وہ بھی پاکستان اسپیڈ تھی جو اب سپر پاکستان اسپیڈ ہے، میاں محمد نواز شریف کی ہی قیادت میں ہم قوم کی خدمت کر رہے ہیں، ترقی کرتا ہوا، خوشحالی کہ طرف تیزی سے بڑھتا ہوا پاکستان انشاء اللہ ہماری منزل ہے۔ انہوں ںے کہا کہ اجتماعی کاوشوں اور پوری قوم کی دعاؤں سے شبانہ روز محنت کر کے یہ منزل انشاء اللہ حاصل کریں گے، میں نے ہمیشہ کہا ہے کہ افغانستان ہمارا ایک ہمسایہ برادر ملک ہے۔ہمیں ہمسائے کے طور پر ہمیشہ رہنا ہے، یہ ہم پر منحصر ہے کہ ہم اچھے ہمسائے کے طور پر رہیں یا تنازعات پیدا کریں۔
سنکگران فیسٹیول؛ تھائی لینڈ قونصلیٹ کراچی کل سے دو روز کیلئے بند رہے گا
وزیراعظم نے کہا کہ افغان عبوری حکومت کو ہم نے متعدد بار یہ پیغام دیا ہے کہ دوحہ معاہدے کے مطابق وہ کسی طور پر بھی افغانستان کی سر زمین کو دہشتگردی کے لیے استعمال ہونے کی اجازت نہیں دیں گے، لیکن بد قسمتی سے ٹی ٹی پی، آئی ایس کے پی اور دیگر دہشتگرد تنظیمیں وہاں سے آپریٹ کرتی ہیں اور پاکستان کے بے گناہ لوگوں کو انہوں نے شہید کیا ہے۔ انہوں ںے کہا کہ میں یہ سمجھتا ہوں یہ قربانیاں جو پاکستان کے عوام، افواج پاکستان، پولیس اور دیگر قانون نافذ کرنے والے ادارے دے رہے ہیں، یہ رائیگاں نہیں جائیں گی، افغانستان کو میرا ایک مخلصانہ مشورہ ہے کہ وہ فی الفور ان دہشتگرد تنظیموں کو لگام ڈالے اور اپنی دھرتی کو ان کے ہاتھوں استعمال ہونے کی قطعاً اجازت نہ دے۔
سندر ؛ مرغیوں والے مزدے کی موٹر سائیکل کو ٹکر ؛ ایک شخص جاں بحق ،خاتون سمیت 2 زخمی
شہباز شریف نے کہا کہ آج اوورسیز کنویشن کا آغاز ہو چکا ہے اور الحمدللہ یہ بہت بڑا، تاریخی کنوینشن ہو رہا ہے، اوورسیز پاکستانی اپنے گھر پاکستان میں تشریف لا رہے ہیں، دن رات محنت کر کے اوورسیز پاکستانی، پاکستان کا نام روشن کرتے ہیں اور ہر سال اربوں ڈالر کی ترسیلات زر بھجواتے ہیں۔ انہوں نے کہا کہ اس سال اوورسیز پاکستانیوں کی بھجوائی گئی ترسیلات زر میں کافی اضافہ ہوا ہے، کنونشن ان سے بات چیت کرنے کا بہت شاندار موقع ہے، کنوینشن میں اوورسیز پاکستانیوں کے جائز مطالبات کو غور سے سنیں گے اور ان پر جس قدر ہو سکا تیزی سے عمل کریں گے۔
اسرائیل جنگ ہار چکا ہے ؟
بانی پی ٹی آئی نے عالیہ حمزہ کو پنجاب میں فیصلوں کا اختیار دے دیا