امریکہ سعودی تعلقات نیا موڑ
اشاعت کی تاریخ: 10th, February 2025 GMT
اسلام ٹائمز: اسرائیلی وزیراعظم نیتن یاہو نے دو ریاستی حل مسترد کرتے ہوئے سعودی عرب کے اندر فلسطینی ریاست بنانے کی تجویز دی ہے۔ اپنے دورہ امریکا کے دوران اسرائیلی میڈیا کو انٹرویو میں اسرائیلی وزیراعظم نیتن یاہو کا کہنا تھا کہ فلسطینی ریاست کا قیام اسرائیل کی سلامتی کیلئے خطرہ ہے۔ نیتن یاہو کا کہنا تھا کہ سعودی فلسطینی ریاست اپنے ملک میں بنا سکتے ہیں، سعودیوں کے پاس بہت زیادہ زمین ہے۔ اسرائیلی وزیراعظم سے سوال کیا گیا کہ کیا سعودی عرب کیساتھ اسرائیل کے تعلقات کیلئے فلسطینی ریاست کا قیام ضروری ہے۔؟ اس پر نیتن یاہو نے کہا کہ فلسطینی ریاست اسرائیل کیلئے خطرہ ہے۔ ان شواہد کو دیکھتے ہوئے یہ توقع بعید ہے کہ نئی امریکی انتظامیہ کیساتھ سعودی عرب کے تعلقات ٹرمپ انتظامیہ کے پہلے دور حکومت کی طرح ہونگے۔ تحریر: امیر علی ابو فتاح
ایسا لگتا ہے کہ نئی ٹرمپ انتظامیہ میں امریکہ اور سعودی عرب کے تعلقات 2016ء سے 2020ء تک کے ٹرمپ کے پہلے دور حکومت کے جیسے نہیں ہوں گے اور حال ہی میں ان تعلقات میں کئی چیلنجوں کے آثار نمودار ہوچکے ہیں۔ صدر کے طور پر اپنے پہلے دور میں ڈونلڈ ٹرمپ نے سعودی عرب کے ساتھ تعلقات پر خصوصی توجہ دی۔ یہ توجہ سعودی عرب کے بارے میں ٹرمپ کے اقتصادی نقطہ نظر اور سعودی ولیعہد محمد بن سلمان کے امریکی حکومت کے سیاسی اور سکیورٹی مقاصد کی بدولت تھی۔ اب ایسا لگتا ہے کہ ٹرمپ کے دوسرے دورِ صدارت میں ٹرمپ تو سعودی عرب کے بارے میں وہی معاشی نظریہ رکھتا ہے، لیکن امریکی حکومت کے بارے میں محمد بن سلمان کا سیاسی اور سکیورٹی نقطہ نظر تبدیل ہوگیا ہے۔
ٹرمپ نے سعودی عرب سے مطالبہ کیا ہے کہ وہ امریکہ میں 1 ٹریلین ڈالر کی سرمایہ کاری کرے۔ بن سلمان نے اس مطالبے پر یہ ظاہر کیا ہے کہ وہ صدر ڈونلڈ ٹرمپ کے پہلے دور کی طرح اپنی انتظامیہ کو اقتصادی میدان میں امریکہ کے تمام مطالبات ماننے پر تیار نہیں کریں گے۔ یہی وجہ ہے کہ سعودی عرب نے امریکی حکومت کے ایک کھرب کے مطالبے پر سنجیدگی سے غور نہیں کیا ہے۔ ایک مسئلہ یہ بھی ہے کہ سعودی عرب کے کچھ اپنے اہم اقتصادی اہداف بھی ہیں، جو ٹرمپ کے مطالبات سے مطابقت نہیں رکھتے۔ ڈیووس میں ورلڈ اکنامک فورم کے سالانہ اجلاس میں اپنے خطاب میں ڈونلڈ ٹرمپ نے تیل کی قیمتوں میں کمی کا ذکر کرتے ہوئے سعودی عرب اور اوپیک سے خام تیل کی قیمتوں میں کمی کا مطالبہ کیا ہے۔
ایسا لگتا ہے کہ سعودی عرب ٹرمپ کے اس مطالبے سے اتفاق نہیں کرے گا، کیونکہ ریاض تیل کی آمدنی کی بنیاد پر اپنے ترقیاتی منصوبوں کو آگے بڑھا رہا ہے۔ تیل کی قیمتوں میں کمی سعودی عرب کے ترقیاتی منصوبوں کو آگے بڑھانے کے لیے ایک چیلنج بن سکتی ہے۔ اگلا مسئلہ یہ ہے کہ ٹرمپ کی صدارت کے پہلے دور میں سعودی عرب نے امریکہ سے ایران پر قابو پانے اور اسے کمزور کرنے کا مطالبہ کیا تھا اور ایران کے بارے میں امریکہ کے سخت موقف اور اس پر زیادہ سے زیادہ دباؤ ڈالنے کی حمایت کی تھی۔ لیکن اب سات سال بعد تہران-ریاض کے تعلقات معمول پر آچکے ہیں۔ سعودی عرب نے ایران کے ساتھ تعاون بڑھانے کی کوشش کی ہے۔ اب سعودی عرب نے ٹرمپ انتظامیہ سے اسلامی جمہوریہ ایران کے حوالے سے نرم پالیسی کا مطالبہ کیا ہے۔
البتہ سب سے اہم مسئلہ وہ چیلنج ہے، جو مسئلہ فلسطین کے حوالے سے پیدا ہوا ہے اور اس کا اظہار ٹرمپ کی طرف سے کیا گیا ہے۔ ٹرمپ نے غزہ کے لوگوں کو مصر اور اردن سمیت دیگر ممالک میں منتقل کرنے کا نسل پرستانہ منصوبہ پیش کیا ہے، جس کی سعودی عرب سمیت کئی ممالک نے مخالفت کی ہے۔ یہ چیلنج اس قدر سنگین ہے کہ سعودی مشاورتی کونسل کے ایک رکن نے ٹرمپ کے منصوبے کے جواب میں کہا ہے کہ اگر ٹرمپ امن کا چیمپئن بننا چاہتے ہیں اور مشرق وسطیٰ میں استحکام اور خوشحالی لانا چاہتے ہیں تو انہیں اپنے اسرائیلی دوستوں کو الاسکا یا پھر گرین لینڈ منتقل کرنا چاہیئے۔ سعودی مشاورتی کونسل کے اس رکن نے مزید کہا ہے کہ صیہونیوں اور ان کے حامیوں کو جان لینا چاہیئے کہ وہ سعودی قیادت اور حکومت کو پروپیگنڈے کی چالوں اور جھوٹے سیاسی دباؤ سے کسی سازش میں نہیں پھنسا سکتے۔
نیتن یاہو کے اس بیان نے تو جلتی پر تیل کا کام کیا ہے۔ اسرائیلی وزیراعظم نیتن یاہو نے دو ریاستی حل مسترد کرتے ہوئے سعودی عرب کے اندر فلسطینی ریاست بنانے کی تجویز دی ہے۔ اپنے دورہ امریکا کے دوران اسرائیلی میڈیا کو انٹرویو میں اسرائیلی وزیراعظم نیتن یاہو کا کہنا تھا کہ فلسطینی ریاست کا قیام اسرائیل کی سلامتی کے لیے خطرہ ہے۔ نیتن یاہو کا کہنا تھا کہ سعودی فلسطینی ریاست اپنے ملک میں بنا سکتے ہیں، سعودیوں کے پاس بہت زیادہ زمین ہے۔ اسرائیلی وزیراعظم سے سوال کیا گیا کہ کیا سعودی عرب کے ساتھ اسرائیل کے تعلقات کے لیے فلسطینی ریاست کا قیام ضروری ہے۔؟ اس پر نیتن یاہو نے کہا کہ فلسطینی ریاست اسرائیل کے لیے خطرہ ہے۔ ان شواہد کو دیکھتے ہوئے یہ توقع بعید ہے کہ نئی امریکی انتظامیہ کے ساتھ سعودی عرب کے تعلقات ٹرمپ انتظامیہ کے پہلے دور حکومت کی طرح ہوں گے۔
ذریعہ: Islam Times
کلیدی لفظ: اسرائیلی وزیراعظم نیتن یاہو فلسطینی ریاست کا قیام کہ فلسطینی ریاست ٹرمپ انتظامیہ سعودی عرب کے کے پہلے دور ہے کہ سعودی کے بارے میں مطالبہ کیا کے تعلقات حکومت کے کے ساتھ ٹرمپ کے خطرہ ہے کیا ہے کے لیے تیل کی
پڑھیں:
اسرائیلی فوج کا موراگ کوریڈور پر قبضہ، رفح اور خان یونس تقسیم، لاکھوں فلسطینی انخلا پر مجبور
اسرائیلی فوج نے غزہ کے رفح کا محاصرہ مکمل کر لیا ہے، صہیونی فوج نے ہفتے کے روز کہا ہے کہ یہ مزید علاقوں پر قبضہ کرنے کے اعلان کردہ منصوبے کا حصہ ہے، جس کے ساتھ ساتھ فلسطینی آبادی کو بڑے پیمانے پر انخلا بھی کرنا پڑے گا۔
نجی اخبار میں شائع غیر ملکی خبر رساں اداروں کی رپورٹ کے مطابق اسرائیل کا کہنا ہے کہ فوجیوں نے 2 اپریل کو جنوبی غزہ میں موراگ کوریڈور کے علاقے پر قبضہ کرنا شروع کیا تھا، جس کی وجہ سے لاکھوں فلسطینیوں کو جنوب میں مصر کی سرحد سے متصل رفح سے جانے پر مجبور ہونا پڑا تھا۔
اسرائیلی فوج کا کہنا ہے کہ گزشتہ 24 گھنٹوں کے دوران 36 ویں ڈویژن کے فوجیوں نے رفح اور خان یونس کو الگ کرتے ہوئے موراگ روٹ کا قیام مکمل کر لیا ہے۔
حماس کے ایک عہدیدار کا کہنا ہے کہ ’موراگ کوریڈور‘ پر قبضہ ایسے وقت میں سامنے آیا ہے جب حماس غزہ میں جنگ کے خاتمے کے لیے جنگ بندی کے معاہدے کی جانب ’حقیقی پیش رفت‘ کی توقع کر رہی ہے، سینئر قیادت قاہرہ میں مصری ثالثوں کے ساتھ بات چیت کی کے لیے تیار تھی۔
اسرائیلی وزیر دفاع اسرائیل کاٹز نے غزہ کے رہائشیوں کو مخاطب کرتے ہوئے ایک بیان میں دعویٰ کیا کہ اسرائیلی ڈیفنس فورسز نے اب موراگ کوریڈور پر اپنا قبضہ مکمل کر لیا ہے، جو رفح اور خان یونس کے درمیان غزہ کو عبور کرتا ہے، جس سے فلاڈلفی روٹ (مصر کی سرحد کے ساتھ) اور موراگ کے درمیان پورے علاقے کو اسرائیلی سیکیورٹی زون کا حصہ بنا دیا گیا ہے۔
فوج نے جنوبی غزہ میں خان یونس اور اس کے آس پاس کے علاقوں کے ہزاروں رہائشیوں کے انخلا کے احکام کا بھی اعلان کیا ہے۔
انہوں نے کہا کہ جلد ہی، آئی ڈی ایف کی کارروائیاں تیز ہوجائیں گی اور غزہ کے دیگر بیشتر علاقوں میں پھیل جائیں گی، اور آپ کو جنگی علاقوں کو خالی کرنے کی ضرورت ہوگی۔
ان کا کہنا تھا کہ شمالی غزہ کے ساتھ ساتھ بیت حنون اور دیگر علاقوں میں بھی رہائشیوں کو خالی کیا جا رہا ہے، علاقے پر قبضہ کیا جا رہا ہے اور سیکیورٹی زون کو بڑھایا جا رہا ہے، جس میں نیٹزاریم کوریڈور بھی شامل ہے۔
قاہرہ مذاکرات
مارچ کے وسط میں جنوری میں جنگ بندی کے خاتمے کے بعد سے اسرائیل کی جانب سے غزہ میں نئے سرے سے کی جانے والی جارحیت میں 1500 سے زائد فلسطینی شہید اور لاکھوں افراد بے گھر ہو چکے ہیں، جب کہ فوج نے جنگ زدہ علاقے کے بڑے حصے پر قبضہ کر لیا ہے۔
اسرائیلی وزیر اعظم بینجمن نیتن یاہو سمیت اعلیٰ اسرائیلی حکام بارہا کہہ چکے ہیں کہ جاری حملے کا مقصد حماس پر دباؤ ڈالنا ہے کہ وہ غزہ میں قید بقیہ 58 اسرائیلی قیدیوں کو رہا کرے۔
حماس کا کہنا ہے کہ اس کارروائی سے نہ صرف بے سہارا شہری شہید ہوئے، بلکہ یہودی قیدیوں کی قسمت بھی غیر یقینی ہو گئی ہے۔
اقوام متحدہ نے ایک روز قبل خبردار کیا تھا کہ اسرائیلی انخلا کے احکامات میں توسیع کے نتیجے میں لوگوں کو ’جبری طور پر سکڑتے ہوئے علاقوں میں منتقل‘ کیا جا رہا ہے، جس سے غزہ میں ایک گروپ کے طور پر فلسطینیوں کے مستقبل کے قابل عمل ہونے کے بارے میں حقیقی تشویش پیدا ہو رہی ہے۔
ہفتے کے روز حماس کے ایک وفد اور مصری ثالثوں کی قاہرہ میں ملاقات ہونی تھی، جنگ بندی مذاکرات سے واقف حماس کے ایک عہدیدار نے نام ظاہر نہ کرنے کی شرط پر بتایا کہ ہمیں امید ہے کہ اجلاس جنگ کے خاتمے، جارحیت روکنے اور غزہ سے قابض افواج کے مکمل انخلا کو یقینی بنانے کے معاہدے تک پہنچنے کی جانب حقیقی پیش رفت حاصل کرے گا۔
ان کے مطابق حماس کو ابھی تک جنگ بندی کی کوئی نئی تجویز موصول نہیں ہوئی، حالانکہ اسرائیلی میڈیا رپورٹس میں بتایا گیا ہے کہ اسرائیل اور مصر نے ممکنہ جنگ بندی اور قیدیوں کی رہائی کے معاہدے کے مسودے کا تبادلہ کیا ہے۔
انہوں نے اسرائیل پر غزہ میں اپنی جارحیت جاری رکھنے کا الزام عائد کرتے ہوئے مزید کہا کہ تاہم، ثالثوں کے ساتھ رابطے اور بات چیت جاری ہے۔
اسرائیل کے حملے جاری
ٹائمز آف اسرائیل کے مطابق مصر کی تجویز میں 8 زندہ اسرائیلی قیدیوں اور 8 لاشوں کی رہائی شامل ہوگی، جس کے بدلے میں 40 سے 70 دن تک جنگ بندی اور فلسطینی قیدیوں کی خاطر خواہ رہائی شامل ہوگی۔
امریکی صدر ڈونلڈ ٹرمپ نے رواں ہفتے کابینہ کے اجلاس کے دوران کہا تھا کہ ’ہم انہیں (غزہ میں قیدیوں کو) واپس لانے کے قریب پہنچ رہے ہیں۔‘
ٹرمپ کے مشرق وسطیٰ کے سفیر اسٹیو وٹکوف کے حوالے سے بھی اسرائیلی میڈیا کی ایک رپورٹ میں کہا گیا ہے کہ ’ایک بہت سنجیدہ معاہدہ طے پا رہا ہے، یہ چند دنوں کی بات ہے‘۔
حماس کے زیر انتظام علاقے کی وزارت صحت کے مطابق جب سے اسرائیل نے غزہ پر حملے دوبارہ شروع کیے ہیں، اب تک 1500 سے زائد افراد شہید ہو چکے ہیں۔
اقوام متحدہ کے انسانی حقوق کے دفتر نے جمعے کے روز کہا تھا کہ ان میں سے درجنوں حملوں میں ’صرف خواتین اور بچے‘ شہید ہوئے ہیں۔
ہفتے کے روز ہونے والے حملے کے بعد اے ایف پی کی فوٹیج میں کفن میں لپٹی 4 افراد کی لاشیں ایک مقامی ہسپتال میں دکھائی دے رہی تھیں، جب کہ متعدد افراد نماز جنازہ ادا کرنے کے لیے جمع ہوئے تھے۔
اکتوبر 2023 سے جب اسرائیل نے غزہ پر حملے تیز کیے ہیں، اب تک 50 ہزار 933 فلسطینی شہید ہو چکے ہیں۔
Post Views: 2
غیر قانونی افغان تارکین وطن کےانخلا کی مہم جاری رہے گی، شرجیل میمن