ٹنڈوجام ،اساتذہ کیلیے دوروزہ تربیتی ورکشاپ کا انعقاد
اشاعت کی تاریخ: 10th, February 2025 GMT
ٹنڈوجام(نمائندہ جسارت )پاک کوریا نیوٹریشن سینٹر کی جانب سے زرعی یونیورسٹی ٹنڈوجام کے تعاون سے زرعی یونیورسٹی ٹنڈوجام کے فوڈ ٹیکنالوجی ہال میں تعلقہ حیدرآباد دیہی کے اسکول اساتذہ کے لیے ”طلباء کی بہتر نشوونماکے موضوع پر دو روزہ تربیتی ورکشاپ کا انعقاد کیا گیا اس ورکشاپ میں ماہرینِ غذائیت اور تعلیمی شعبے سے تعلق رکھنے والے افراد نے شرکت کی، جنہوں نے اساتذہ کو بچوں کی متوازن غذا اور صحت مند طرز زندگی کے حوالے سے آگاہی فراہم کیورکشاپ کا بنیادی مقصد اساتذہ کو بچوں کی بہتر جسمانی و ذہنی نشوونما کے حوالے سے آگاہ کرنا تھا تاکہ وہ اپنے اسکول کے طلبہ کو متوازن غذا کے فوائد اور صحت مند طرز زندگی اپنانے کے بارے میں رہنمائی فراہم کر سکیں۔ورکشاپ کے دوران فوکل پرسن ڈاکٹر اعجاز حسین سومرو، اسسٹنٹ پروفیسر ڈاکٹر دلیپ کمار لوہانو، اسسٹنٹ پروفیسر ڈاکٹر تحسین فاطمہ میانو اور ڈاکٹر عبدالغنی درس نے خطاب کرتے ہوئے کہا کہ بچوں کی بہتر نشوونما کے لیے اساتذہ اور والدین دونوں کو اپنی ذمہ داریاں نبھانی ہوں گی۔ ماہرین نے کہا کہ بچوں کو صبح کا ناشتہ ضرور کروایا جائے کیونکہ ناشتہ دن کی سب سے اہم غذا ہوتی ہے، جو جسم کو توانائی فراہم کرتی ہے اور دماغی صلاحیتوں کو بہتر بناتی ہے اس کے علاوہ دوپہر اور رات کا کھانا بھی غذائیت سے بھرپور ہونا چاہیے تاکہ بچے جسمانی اور ذہنی طور پر مضبوط رہ سکیں ماہرین نے فاسٹ فوڈ، چپس اور بازاری کھانوں کے زیادہ استعمال پر تشویش کا اظہار کرتے ہوئے کہا کہ یہ چیزیں بچوں کی صحت پر منفی اثرات ڈالتی ہیں اور ان کی نشوونما کو متاثر کرتی ہیں انہوں نے والدین پر زور دیا کہ وہ اپنے بچوں کو فاسٹ فوڈ سے دور رکھیں اور انہیں دودھ، پھل، سبزیاں اور پروٹین سے بھرپور غذا دیں تاکہ ان کی جسمانی نشوونما بہتر ہو سکے ورکشاپ کے دوران ماہرین نے صفائی کی اہمیت پر بھی زور دیا اور کہا کہ گھروں میں اور خاص طور پر باورچی خانے میں صفائی کا خاص خیال رکھا جائے کھانے سے پہلے اور بعد میں ہاتھ دھونا چاہیے، جبکہ پھلوں اور سبزیوں کو دھو کر استعمال کرنا چاہیے تاکہ کسی بھی قسم کی بیماری سے بچا جا سکے ماہرین نے بچوں کی جسمانی سرگرمیوں پر بھی زور دیا اور کہا کہ روزانہ کی بنیاد پر چہل قدمی اور کھیل کود میں حصہ لینا صحت کے لیے انتہائی ضروری ہے۔ ورکشاپ کے اختتام پر ماہرین نے اساتذہ پر زور دیا کہ وہ اسکول میں بچوں کو متوازن غذا اور صحت مند طرز زندگی کے بارے میں آگاہ کریں اور انہیں غذائیت سے بھرپور کھانے کی عادت ڈالنے میں مدد کریں والدین کو بھی اس حوالے سے اپنا کردار ادا کرنا ہوگا تاکہ ایک صحت مند اور توانا نسل پروان چڑھ سکے یہ ورکشاپ بچوں کی صحت اور نشوونما کے حوالے سے ایک اہم قدم ثابت ہوئی، جس سے اساتذہ اور والدین دونوں کو اپنے بچوں کی خوراک اور صحت مند طرز زندگی کے بارے میں مفید معلومات حاصل ہوئیں۔
.ذریعہ: Jasarat News
کلیدی لفظ: اور صحت مند طرز زندگی ماہرین نے حوالے سے زور دیا بچوں کی کہا کہ
پڑھیں:
ریاض میں لیپ 2025 کا آغاز، دنیا بھر سے ٹیکنالوجی ماہرین کی شرکت
ریاض میں آج سے مشرق وسطیٰ کے سب سے بڑے ٹیکنالوجی ایونٹ لیپ 2025 کا آغاز ہوگیا ہے، جو جدید ٹیکنالوجی، مصنوعی ذہانت، اور ڈیجیٹل انقلاب کے حوالے سے دنیا کے سب سے نمایاں کانفرنسز میں سے ایک ہے۔ یہ ایونٹ ریاض انٹرنیشنل کنونشن اینڈ ایگزیبیشن سینٹر میں منعقد ہورہا ہے اور 12 فروری تک جاری رہے گا۔
یہ بھی پڑھیں ریاض میٹرو منصوبے کا افتتاح، سعودی عرب کے ٹرانسپورٹ نظام میں انقلابی قدم
ٹیکنالوجی کی دنیا میں انقلاب برپا کرنے والے اس ایونٹ کا مقصد مستقبل کے رجحانات کو سمجھنا، جدید حل تلاش کرنا اور عالمی سطح پر شراکت داریوں کو فروغ دینا ہے۔ لیپ 2025 میں دنیا بھر سے مشہور ٹیکنالوجی کمپنیوں، سرمایہ کاروں، اسٹارٹ اپس اور ماہرین کی بڑی تعداد شریک ہورہی ہے۔
کانفرنس میں مصنوعی ذہانت، انٹرنیٹ آف تھنگز، بگ ڈیٹا، بائیوٹیک، اور بلیک چین جیسی جدید ٹیکنالوجیز پر روشنی ڈالی جائے گی، جبکہ دنیا کے نامور ماہرین ان شعبوں میں ہونے والی پیشرفت اور ان کے اثرات پر گفتگو کریں گے۔ اس کے علاوہ لیپ 2025 میں مختلف ورکشاپس، سیمینارز اور پینل ڈسکشنز کا بھی انعقاد کیا جارہا ہے، جہاں نئی اختراعات اور ٹیکنالوجی کے میدان میں آنے والے چیلنجز پر تبادلہ خیال کیا جائےگا۔
اس ایونٹ کی ایک خاص بات (روکٹ فیول) اسٹارٹ اپ مقابلہ ہے، جس میں دنیا بھر سے 120 بہترین اسٹارٹ اپس شرکت کررہی ہیں۔ اس مقابلے میں جدید کاروباری آئیڈیاز پیش کیے جائیں گے، اور کامیاب اسٹارٹ اپس کو ایک ملین ڈالر کی انعامی رقم دی جائے گی۔ یہ مقابلہ نہ صرف سعودی عرب بلکہ عالمی سطح پر اسٹارٹ اپ کلچر کو فروغ دینے میں اہم کردار ادا کرےگا۔
یہ بھی پڑھیں ریاض، سعودی عرب میں پاکستانی لباس کی مقبولیت، بڑھتا ہوا رجحان
لیپ 2025 جدید ٹیکنالوجی اور ڈیجیٹل ترقی کی دوڑ میں سعودی عرب کے بڑھتے ہوئے کردار کو بھی نمایاں کررہا ہے۔ اس کانفرنس کے ذریعے عالمی ماہرین، سرمایہ کار اور نئی نسل کے انوویٹرز ایک پلیٹ فارم پر جمع ہو کر نہ صرف مستقبل کی ٹیکنالوجیز پر بحث کررہے ہیں بلکہ ایسی شراکت داریاں بھی قائم کررہے ہیں جو دنیا بھر میں ٹیکنالوجی کے میدان میں نئی راہیں ہموار کریں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’لیپ 2025‘ wenews ٹیکنالوجی ماہرین جدید ٹیکنالوجی ریاض وی نیوز
چائنا میڈیا گروپ اور وزارت اطلاعات و نشریات اور پی ٹی وی کے مابین تعاون کی دو دستاویزات پر دستخط