خاتون میزبان کو بار بار شادی کی پیشکش، چاہت فتح علی خان پھر تنقید کی زد میں آگئے
اشاعت کی تاریخ: 10th, February 2025 GMT
کراچی:
سوشل میڈیا پر منفرد انداز میں گانے سے شہرت پانے والے گلوکار چاہت فتح علی خان ایک بار پھر متنازع گفتگو کے باعث خبروں میں آ گئے۔
حال ہی میں انہوں نے ایک نجی ٹی وی شو میں شرکت کی، جہاں ان کی شادی سے متعلق گفتگو اور میزبان کے ساتھ رویے پر انہیں تنقید کا سامنا کرنا پڑ رہا ہے۔
پروگرام کے دوران میزبان نے ان سے سوال کیا کہ وہ خود کو سنگل کہتے ہیں، تو کس لڑکی سے شادی کرنا چاہیں گے؟ جس پر چاہت فتح علی خان نے جواب دیا میں آپ جیسی لڑکی سے شادی کرنا چاہتا ہوں اور پچھلے ایک سال سے آپ کے پیچھے پڑا ہوں۔
اس جواب پر میزبان نے مؤدبانہ انداز میں معذرت کی اور کہا کہ ان کے گھر والے سخت ہیں اور میری اپنی پسند بھی مختلف ہے، تاہم اس کے باوجود چاہت فتھ علی خان پروگرام کے دوران کئی بار میزبان کو شادی کی پیشکش اور انکی خوبصورتی کی تعریفیں کرتے رہے۔
چاہت فتح علی خان نے مزید انکشاف کیا کہ 38 خواتین انہیں شادی کی پیشکش کر چکی ہیں جبکہ میزبان نے سوال کیا کہ دو درجن لڑکیاں آپ سے شادی کی خواہشمند ہیں آپ ان کو نظرانداز کیوں کر رہے ہیں؟ جس پر گلوکار کا کہنا تھا کہ دل کی بھی بات ہوتی ہے۔
یہ پہلا موقع نہیں جب وہ تنقید کی زد میں آئے ہوں، اس سے قبل بھی ان کی میزبان متھیرا کے ساتھ ایک ویڈیو وائرل ہوئی تھی، جس میں وہ متھیرا کی کمر پر ہاتھ رکھتے نظر آئے۔
لاہور میں میوزک اکیڈمی کھولنے کا اعلان
پروگرام میں گلوکار نے اپنے نئے منصوبے کا اعلان کرتے ہوئے کہا کہ وہ جلد لاہور میں میوزک، سنگنگ اور ماڈلنگ اکیڈمی کھولنے جا رہے ہیں جہاں وہ موسیقی کے شوقین افراد کو تربیت دیں گے۔
ایک سوال کے جواب میں انہوں نے بتایا کہ **”میں شادی میں پرفارم کرنے کی 5 لاکھ روپے فیس لیتا ہوں، جس میں 50 فیصد ڈسکاؤنٹ بھی دیتا ہوں۔”
چاہت فتح علی خان نے گلوکار علی ظفر کے حوالے سے بھی بات کرتے ہوئے کہا کہ وہ علی ظفر کی عزت کرتے ہیں اور علی ظفر نے انہیں اپنے گانے کی پیشکش کی تھی، لیکن وہ پہلے ہی اپنا پی ایس ایل کا گانا ریلیز کر چکے تھے۔
TagsShowbiz News Urdu.
ذریعہ: Al Qamar Online
کلیدی لفظ: پاکستان کھیل چاہت فتح علی خان کی پیشکش شادی کی
پڑھیں:
عثمان بزدار کو وزیراعلیٰ بنانے کا فیصلہ غلط تھا، اسد عمر کی عمران خان پر سخت تنقید
پاکستان تحریک انصاف (پی ٹی آئی) کے سابق رہنما اسد عمر نے عثمان بزدار کی بطورِ وزیراعلیٰ پنجاب نامزدگی پر تبصرہ کرتے ہوئے ان کا تمسخر اڑایا ہے۔
انہوں نے کہا ہے کہ ایک دن بانی پی ٹی آئی عمران خان نے مجھے کہا کہ اسد! پنجاب کے لیے زبردست وزیراعلیٰ مل گیا ہے۔
یہ پڑھیے: عثمان بزدار کی جگہ پنجاب کا وزیراعلیٰ کسے ہونا چاہیے تھا، پی ٹی آئی کے سابق اسپیکر نے اپنی رائے بتادی
اسد عمر نے کہا میں نے عمران خان سے پوچھا کہ وہ کون ہے، انہوں نے عثمان بزدار کا نام لیا تو میں نے اپنا سوال ایک بار پھر دھرایا کیوں کہ عثمان بزدار کو کوئی نہیں جانتا تھا۔
انہوں نے سابق وزیراعلیٰ پر طنز کرتے ہوئے کہا کہ وہ اتنا نکما تحصیل ناظم تھا کہ اپنے گاوں میں بجلی تک نہیں لاسکا تھا۔
اسد عمر کا کہنا تھا کہ میرا عثمان بزدار کے ساتھ کوئی ذاتی مسئلہ نہیں لیکن میرے خیال میں یہ بہت ہی غلط فیصلہ تھا جس کا ہمیں بہت نقصان پہنچا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسد عمر عثمان بزدار وزیراعلٰی پنجاب
غیر قانونی افغان تارکین وطن کےانخلا کی مہم جاری رہے گی، شرجیل میمن