ٹرینوں کی نجکاری ملک و قوم سے غداری ہے‘مبین راجپوت
اشاعت کی تاریخ: 10th, February 2025 GMT
پاکستان ریلوے پریم یونین CBA حیدرآباد زون کے صدر مبین راجپوت ، نائب صدر لئیق احمد ، نائب صدر اول محمد آباد، نائب صدر دوئم محمد یونس، سیکرٹری عبد الحفیظ، جوائنٹ سیکرٹری نور الدین و دیگر عہدیداران نے اپنے مشترکہ بیان میں کہا ہے کہ ٹرینوں کی نجکاری ملک و قوم سے غداری ہے پاکستان ریلویز کراچی سے پشاور تک ملک و قوم کو متحد رکھے ہوئے ہے اور پاکستان کے باشندوں کو سستی اور محفوظ سواری فراہم کر رہا ہے لیکن افسر شاہی اور ان کے سرپرست اس قومی ادارے کو تباہ کردینا چاہتے ہیں جس کے نتیجے میں کروڑوں پاکستانی سستے اور محفوظ سفر سے محروم ہو سکتے ہیں۔ ان رہنمائوں نے کہا کہ یہ کیسی نجکاری ہے کہ جس میں تمام اخراجات ریلوے نے اپنے ذمہ لیے ہوئے ہیں اور آمدنی کا تمام اختیار اپنے من پسند افراد کو ٹھیکے کی شکل میں دے دیا ہے ریلوے کے انجن ڈرائیور، اسسٹنٹ ڈرائیور گارڈ سمیت تمام عملے کی جو ٹرین کو رواں دواں رکھنے میں مددگار ہیں کی تنخواہیں ریلوے ادا کرتا ہے ریلوے انجن کا ڈیزل کی ادائیگی ریلوے کرتا ہے انجنوں اور بوگیوں کی دیکھ بھال اور مرمت کا کام ریلوے کے ذمہ ہے لائنیں ریلوے کی استعمال ہوتی ہیں ریلوے اسٹیشن اور پلیٹ فارم کے اخراجات بھی ریلوے برداشت کرتا ہے اور اس میں ٹھیکہ دار کا ایک پیسہ بھی شامل نہیں ہوتا لیکن دوسری جانب آمدنی کے تمام ذرائع کا اختیار جس میں ٹکٹوں کی بکنگ، سامان کی ترسیل اور دیگر ذرائع شامل ہیں تمام کی وصولی کا اختیار ٹھیکہ دار کو ہے جس میں سے وہ معمولی رقم ریلوے کو ٹھیکے کے نام پر دے دیتا ہے جبکہ اخراجات اس رقم سے کئی گناہ زیادہ ہوتے ہیں ریلوے حکام اپنے سرپرستوں کے پروردہ عناصر کو نوازنے کا یہ عمل فوری ختم کریں اور ٹرینوں اور لگیج وین کی نجکاری کا عمل فورا ختم کریں تاکہ ریلوے اپنے قدموں پر کھڑی ہو سکے اسی طرح گڈز ٹرین جو کہ ریل کی آمدنی کا اصل ذریعہ ہے ان کی تعداد اور سہولیات کو بڑھایا جائے تاکہ ریلوے ماضی کی طرح ایک بار پھر منافع بخش ادارہ بن کر ملک و قوم کے خزانے میں اپنا کردار ادا کر سکے ان رہنمائوں نے متنبہ کیا ہے کہ اگر ریلوے حکام نے نجکاری کے سلسلے کو توسیع دینے کی کوشش کی تو پریم یونین کراچی سے پشاور تک احتجاج کا بھر پور راستہ اپنائے گی جس کے نقصانات کی ذمہ دار ریلوے انتظامیہ ہوگی۔
.ذریعہ: Jasarat News
کلیدی لفظ: ملک و قوم
پڑھیں:
بلوچستان میں سیکیورٹی خدشات، بولان میل کی وقت تبدیل
بلوچستان میں امن و امان کی مخدوش صورتحال کے پیش نظر ٹرین کا وقت تبدیل کر دیا گیا۔
یہ بھی پڑھیں: جعفر ایکسپریس واقعہ کے بعد بولان ایکسپریس کی سروسز معطل
وی نیوز سے بات کرتے ہوئے ریلوے ترجمان نے بتایا کہ صوبے میں سیکیورٹی خدشات کے نتیجے میں ٹرین کا وقت تبدیل کیا گیا ہے۔
ریلوے ترجمان نے کہا کہ کراچی سے کوئٹہ آنے والی بولان ٹرین جو کراچی سے شام 7 بجے روانہ ہوتی تھی اس کا وقت تبدیل کر کے شام 4 بجے کر دیا گیا ہے تاکہ دن کے اوقات میں ٹرین کوئٹہ پہنچ سکے۔
ترجمان نے بتایا کہ بولان میل کے علاوہ کسی اور ٹرین کا وقت تبدیل نہیں کیا گیا تاہم سیکیورٹی صورتحال کی وجہ سے ٹرینوں کو رات کے اوقات میں بلوچستان کی حدود میں نہیں لایا جائے گا۔
مزید پڑھیے: بولان: پل کی تباہی سے ماہانہ 4 کروڑ روپے کا نقصان پہنچے گا، ریلوے حکام
ریلوے حکام کے مطابق بلوچستان سے مجموعی طور پر 3 مسافر ٹرینیں چلائی جارہی ہیں جن میں کوئٹہ سے پنجاب اور خیبر پختونخوا کے لیے جعفر ایکسپریس روزانہ جبکہ کوئٹہ سے اندرون سندھ اور کراچی کے لیے ہر 2 روز بعد بولان میل چالائی جاتی ہے جبکہ کوئٹہ سے چمن کے درمیان ٹرین سروس بھی چلائی جاتی ہے۔
واضح رہے کہ گزشتہ روز کراچی سے کوئٹہ آنے والی بولان میل کو جیک آباد پر سیکیورٹی خدشات کی وجہ سے روکا گیا۔ بولان میل میں 150 سے زائد مسافر سوار تھے جو کئی گھنٹے تک سخت گرمی میں ریلوے اسٹیشن پر پریشان حال رکے رہے تاہم مسافر کے احتجاج کے سبب جیک آباد سے کوئٹہ تک کا کرایہ دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان بلوچستان میں سیکیورٹی خطرات بولان میل
پروفیسر اور طالبہ کا مکالمہ ‘چند مزید پہلو