محکمہ اریگیشن پنجاب کی یونینز کا احتجاج کا اعلان
اشاعت کی تاریخ: 10th, February 2025 GMT
محکمہ اریگیشن پنجاب کی دس یونینز محکمہ سے ٹریڈ یونینز ختم کرنے کی کوشش کے خلاف مزاحمت کا اعلان کیا ہے۔ اس موقع پر نیشنل لیبر فیڈریشن پاکستان NLF کے صدر شمس الرحمن سواتی ،PWF کے چیئرمین عبدالرحمن آسی، آئیسکو لیبر یونٹی کے صدر اور آگیگا پاکستان کے مرکزی رہنما عاشق خان ،پاسبان اریگیشن یونین کے صدر حافظ نصراللہ بروکھا سمیت دیگر یونین کے رہنماؤں خطاب کیا این آئی آر سی اسلام آباد کے سبزہ زار میں اریگیشن یونینز کے مشترکہ اجلاس سے خطاب کرتے ہوئے شمس الرحمن سواتی نے کہا کہ پاکستان میں ٹریڈ یونینز کو میٹھی گولیاں دے کر ختم کیا جارہا ہے۔
اریگیشن کے مزدوروں پر سول سرونٹ کا لیبل لگا کر ان سے ٹریڈ یونین کا حق چھیننا اس کی کڑی ہے۔انہوں نے کہا کہ اس وقت ضرورت اس امر کی ہے کہ تمام ٹریڈ یونین فیڈریشن ٹریڈ یونین کی بقا کے لیے متحد ہو کر کام کریں، انہوں نے کہا ہے ایک طرف نجکاری کے ذریعے قومی اداروں کو فروخت کر کے حکمران اپنے روزمرہ کے اخراجات پورے کر رہے ہیں اس سے بھی ٹریڈ یونین تباہ ہو رہی ہے۔اس وقت اریگیشن میں ورک مین کوسول سرونٹ قرار دینے کے خلاف این آئی آر سی میں تمام یونینز متحد ہو کر کیس کی پیروی کر رہی ہیں انہوں نے اریگیشن کی تمام یونینوں کے اتحاد کو سراہا انہیں مبارکباد دی اور انہیں کہا کہ مشترکات پر متحد ہو کر جدوجہد کرنا مزدوروں کے عظیم تر مفاد میں ہے انہوں نے کہا کہ اس وقت ملک جن حالات سے گزر رہا ہے۔
حکمرانوں اور مقتدر لوگوں کو چاہیے کہ وہ ٹریڈ یونین تحریک کو ایک اسٹیک ہولڈر کے طور پر مشاورتی عمل میں شامل کریں اور ٹریڈ یونین اور پابندی اور نجکاری کے عمل سے گریز کریں انہوں نے کہا کہ ہم مثبت سوچ اور اپروچ رکھنے والے لوگ ہیں ہم ڈائیلاگ پر یقین رکھتے ہیں اور سب کے ساتھ مل کر ملک اور قوم کی ترقی اور خوشحالی کے لیے کام کرنا چاہتے ہیں وقت کا تقاضا ہے کہ وہ لوگ کہ جن کے پاس اختیارات ہیں وہ قومی اتحاد کی طرف جائیں جمہوری اداروں کو مضبوط کریں وقتی اختلافات کو پس پشت ڈال کر اس خطرناک عالمی تناظر میں اپنے ملک کے دفاع اور اس کی معیشت کو مضبوط کریں ایسا اسی وقت ممکن ہے کہ تمام اسٹیک ہولڈرز کو مشاورت کے عمل میں بھی شامل کیا جائے اور ان کے حق کے مشاورت کو دل سے تسلیم کیا جائے تاکہ ہم احتجاجی سیاست سے نکل کر سب مل کر ملک اور قوم کی ترقی اور خوشحالی کے لیے کام کریں۔
انہوں نے کہا کہ 10 فروری کو آگیگا پاکستان کی کال پر تمام مزدور ہر طرح کے اختلافات کو بالائے طاق رکھتے ہوئے اس میں بھرپور شرکت کریں گے اور ملازمین کی پنشن گریجویٹی لیو انکیشمنٹ سمیت تمام جائز قانونی حقوق و مراعات کا تحفظ کریں گے۔ انہوں نے کہا کہ نجکاری مسائل کا حل نہیں ہے اداروں کو ایک اچھی اہل دیانت دار اور باصلاحیت مینجمنٹ کے ذریعے بہتر بنایا جا سکتا ہے ترقی دی جاسکتی ہے منافع بخش بنایا جا سکتا ہے۔ اس موقع پر آگیگا پاکستان کے مرکزی رہنما آئیسکو لیبر یونٹی کے صدر عاشق خان پی ڈبلیو ایف کے چیئرمین عبدالرحمن آسی اور حافظ نصر اللہ بروکھا سمیت دیگر یونینوں کے رہنماؤں نے بھی خطاب کیا اور 10 فروری کے احتجاج میں بھرپور شرکت کا اعلان کیا۔
.ذریعہ: Jasarat News
کلیدی لفظ: انہوں نے کہا کہ ٹریڈ یونین کے صدر
پڑھیں:
پنجاب کے کن علاقوں میں بارش برسنے کے امکانات ہیں؟
محکمہ موسمیات کے مطابق بارش برسانے والا نیا موسمی نظام پنجاب میں داخل ہوگیا ہے جس کے باعث گوجرانوالہ، راولپنڈی اور پوٹھوہار ڈویژن سمیت متعدد اضلاع میں ہلکی بارش کا امکان ہے۔
محکمہ موسمیات کے مطابق اتوار کو علاقے میں بادل چھائے رہیں گے تاہم لاہور سمیت بیشتر علاقوں میں بارش کے امکانات کم ہیں۔ توقع ہے کہ موجودہ سسٹم اتوار کی رات تک پاکستان سے باہر نکل جائے گا جس سے مزید بارشوں کے امکانات کم ہوجائیں گے۔
لاہور میں کم سے کم درجہ حرارت 8 ڈگری سینٹی گریڈ ریکارڈ کیا گیا ہے جبکہ زیادہ سے زیادہ درجہ حرارت 24 ڈگری سینٹی گریڈ تک جانے کا امکان ہے۔ بارشیں نہ ہونے کی وجہ سے لاہورشہر خشک اور سرد موسم کی لپیٹ میں ہے، امکان ہے کہ یہ رجحان جاری رہے گا، کیونکہ ماہرین نے اس سال سرد موسم کے مختصر دورانیے کی پیش گوئی کی ہے۔
محکمہ موسمیات نے سردی بڑھنے کا امکان ظاہر کیا ہے تاہم موسلا دھار بارش کے کوئی امکانات نہیں ہیں۔
محکمہ موسمیات کے مطابق ہفتہ کے روز لاہور سمیت پنجاب کے مختلف اضلاع میں موسم میں تبدیلی دیکھنے میں آئی تھی جب کہ سردی اور مطلع ابرآلود رہا ہے۔
محکمہ موسمیات نے آئندہ دو روز کے دوران لاہور سمیت پنجاب کے دیگر علاقوں میں مطلع ابرآلود رہنے کی بھی پیش گوئی کی ہے۔
لاہور میں کم سے کم درجہ حرارت 8 ڈگری سینٹی گریڈ تک گر گیا ہے جبکہ زیادہ سے زیادہ درجہ حرارت 24 ڈگری سینٹی گریڈ تک پہنچنے کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امکان بادل بارش پاکستان پھوٹوہار درجہ حرارت راولپنڈی سرد موسم گوجرانوالہ محکمہ موسمیات وی نیوز
انشاء اللہ ایک دن مقبوضہ کشمیر پاکستان کا حصہ بن کر رہے گا ‘خواجہ سلمان رفیق