ورکر یونین آف پورٹ قاسم کو ریفرنڈم میں کامیابی پر مبارکباد
اشاعت کی تاریخ: 10th, February 2025 GMT
پاکستان فیڈریشن آف کیمیکل، انرجی، مائنز اینڈ جنرل ورکر یونین فیڈریشن کے ڈپٹی جنرل سیکرٹری غلام مرتضیٰ تنولی کی قیادت میں فیڈریشن کے وفد نے ورکر یونین آف پورٹ قاسم کی شاندار کامیابی پر یونین کے صدر اور جنرل سیکرٹری حسین بادشاہ سے ملاقات کی، مبارکباد پیش کی اور انہیں پھولوں کا گلدستہ پیش کیا۔ ورکر یونین آف پورٹ قاسم نے پورٹ قاسم ڈاک لیبر بورڈ کے ریفرنڈم میں بھاری اکثریت سے کامیابی حاصل کرتے ہوئے 1183 ووٹ حاصل کیے، جبکہ ان کے مدمقابل پورٹ قاسم ہاربر ڈاک ورکر یونین محض 290 ووٹ حاصل کر سکی۔ اس شاندار کامیابی نے مزدوروں کا ایک بار پھر ورکر یونین آف پورٹ قاسم پر مکمل اعتماد ثابت کر دیا ہے۔
اس موقع پر غلام مرتضیٰ تنولی نے کہا کہ یہ کامیابی مزدوروں کے حقوق کے تحفظ اور ان کی فلاح و بہبود کے لیے کی گئی مسلسل جدوجہد کا ثمر ہے۔ انہوں نے مزید کہا کہ ورکر یونین آف پورٹ قاسم مزدوروں کے حقوق کے لیے ہمیشہ کوشاں رہے گی اور ان کے مسائل کے حل کے لیے ہر ممکن اقدامات کرے گی۔
اس ملاقات میں فیڈریشن کے دیگر اراکین، جن میں نور اللہ، محمد اشتیاق، ذیشان احمد اور سجاد احمد شامل تھے، نے بھی حسین بادشاہ اور ان کی ٹیم کو مبارکباد پیش کی اور امید ظاہر کی کہ یونین مزدوروں کے مسائل کے حل کے لیے اپنی خدمات جاری رکھے گی۔
پاکستان فیڈریشن آف کیمیکل، انرجی، مائنز اینڈ جنرل ورکر یونین فیڈریشن مزدوروں کے حقوق کے تحفظ اور ان کی بہبود کے لیے ہمیشہ یونین کے ساتھ کھڑی رہے گی اور ہر ممکن تعاون جاری رکھے گی۔
ذریعہ: Jasarat News
کلیدی لفظ: ورکر یونین ا ف پورٹ قاسم مزدوروں کے کے لیے اور ان
پڑھیں:
چوہدری شجاعت حسین پاکستان مسلم لیگ ق کے بلا مقابلہ صدر منتخب،وفاقی وزیرانجینئرامیرمقام کی مبارکباد
اسلام آباد (نیوز ڈیسک)وفاقی وزیر امور کشمیر اور پاکستان مسلم لیگ (ن) خیبر پختونخوا کے صدر انجینئر امیر مقام نے چوہدری شجاعت حسین کو پاکستان مسلم لیگ کا بلا مقابلہ صدر منتخب ہونے پر دلی مبارکباد پیش کی ہے۔ انہوں نے چوہدری سالک حسین کو سینئر نائب صدر منتخب ہونے پر بھی نیک تمناؤں کا اظہار کیا۔
انجینئر امیر مقام نے چوہدری شجاعت حسین کی ملکی سیاست میں خدمات کو سراہتے ہوئے کہا کہ وہ ایک تجربہ کار، سنجیدہ اور دور اندیش سیاسی رہنما ہیں جنہوں نے ہمیشہ ملکی مفاد کو مقدم رکھا۔
انہوں نے کہا کہ چوہدری شجاعت حسین کی قیادت میں پاکستان مسلم لیگ ایک مضبوط اور مستحکم سیاسی قوت کے طور پر ابھرے گی۔ امیر مقام نے نو منتخب قیادت کے لیے نیک خواہشات کا اظہار کرتے ہوئے امید ظاہر کی کہ نئی قیادت پارٹی کو مزید فعال اور مؤثر بنانے میں اہم کردار ادا کرے گی۔
Post Views: 2
پارٹی رہنماوں کے ایک دوسرے پر الزامات، عمران خان نے وارننگ دیدی