ویسٹرن پروانس کرکٹ ایسوسی ایشن سپرلیگ 2024 کی تقریب تقسیم انعامات
اشاعت کی تاریخ: 10th, February 2025 GMT
سعودی عرب کے مغربی صوبہ میں شائقین کرکٹ کی سب بڑی اورمقبول کرکٹ تنظیم ویسٹرن پروانس کرکٹ ایسوسی ایشن (ڈبلیو پی سی اے) کے زیراہتمام سپر لیگ 2024کی تقریب تقسیم انعامات رحاب فنکشن ہال جدہ میں منعقد ہوئی۔ جس میں ڈبلیوپی سی اے سپر لیگ فیز2 کے ٹورنامنٹ جیتنے والی ٹیموں اور نمایاں کارکردگی کا مظاہرہ کرنے والے کھلاڑیوں میں ٹرافیاں اور کیش انعامات تقسیم کئے گئے۔ ٹورنامنٹ میں 49 ٹیموں نےشرکت کی جن کو 3 ڈویژنوں میں تقسیم کیا گیا تھا۔ آفٹرنون، مارننگ بلیو اورمارننگ پرائم۔ آفٹرنون لیگ السعودی الیون نے فائنل میں حیدرآباد شارکس کو 9 وکٹوں سے شکست دیکر چمیئن شپ جیتے کا اعزاز حاصل کیا۔ حیدرآباد شارکس نے پہلے بیٹنگ کرتے ہوئے تمام وکٹوں کے نقصان پر113 رنزبنائے۔ زاراورخان 43 اورعثمان 33 رنز کے علاوہ کوئی بیٹسمین نعیم کی شاندار بولنگ کے سامنے جم کر نہیں کھیل سکا۔ نعیم نے 4اوورز میں 35رنز دیکر4 کھلاڑیوں کو آؤٹ کیا۔ جواب میں السعودی الیون نے مطلوبہ ہدف ایک وکٹ کے نقصان پر صرف 7 اوورز میں حاصل کرلیا۔ اوپنرعمرالدین نے جارحانہ اندازسے بیٹنگ کرتے ہوئے صرف 28گیندوں پر 7چھکوں اور 13چوکوں کی مدد سے 96رنزاسکور کیا اور ناٹ آؤٹ رہے۔ نعیم کو شاندار بولنگ پر مین آف دی میچ کا انعام دیا گیا۔ کاشف مرزا اور زبیرسناصرا نے امپائرنگ کے فرائض سرانجام دیئے۔
مارننگ بلیوالسعودی گرین نے جیتی جبکہ مارننگ پرائم میں اورینٹل شپنگ کرکٹ کلب نے کامیابی حاصل کی۔ تقریب میں جنرل سیکریٹری الیاس مصطفیٰ، صادق الاسلام، ماجد صدیقی، محمد جاوید ، زبیراوردیگرنے شرکت کی۔ نظامت کے فرائض ڈاکٹرضیاء الدین سرانجام دیئے۔ تقریب میں شریک تمام افراد نے بھرپور لطف اٹھایا اورتقریب کی خوبصورتی کو سراہا۔ اس موقع پر آفٹرنون فائنل جیتنے والی ٹیم کے منیجرندیم سعد الندوی نے سینئرصحافی سید مسرت خلیل اور شعیب الطاف راجا سے گفتگو کرتے ہوئے کہا کہ تقریب تقسیم انعامات کا مقصد نہ صرف کرکٹ کے کھیل کو فروغ دینا تھا بلکہ کھلاڑیوں کی محنت اورعزم کو تسلیم کرتے ہوئے ان کی حوصلہ افزائی کرنا تھا۔
ذریعہ: Jasarat News
کلیدی لفظ: کرتے ہوئے
پڑھیں:
پی ایس ایل 10 ویں ایڈیشن، آغاز آج راولپنڈی میں رنگا رنگ تقریب سے ہوگا
پاکستان سپر لیگ( پی ایس ایل) 10 آج سے راولپنڈی میں شروع ہوگا۔ افتتاحی میچ اسلام آباد یونائیٹڈ اور لاہور قلندرز کے مابین ہوگا۔
یہ پہلا موقع ہے جب راولپنڈی پاکستان کے پریمیئر ٹی20 ٹورنامنٹ کی افتتاحی تقریب کی میزبانی کرے گا۔
پاکستان سپر لیگ (پی ایس ایل) کے 10ویں ایڈیشن کا آغاز آج بروز جمعہ راولپنڈی کرکٹ اسٹیڈیم میں افتتاحی تقریب سے ہوگا۔ جس کے بعد پہلا میچ اسلام آباد یونائیٹڈ اور لاہور قلندرز کے مابین ہوگا۔
پاکستان کرکٹ بورڈ (پی سی بی) کے مطابق افتتاحی تقریب شام 7 بجے شروع ہوگی، ٹورنامنٹ کی رنگا رنگ افتتاحی تقریب میں لیجنڈری صوفی گلوکارہ عابدہ پروین ،علی ظفر کے علاوہ مقبول ریپ جوڑی ینگ اسٹنرز پرفارم کرے گی۔
اس ٹورنامنٹ کے آفیشل ترانے کے پیچھے فنکار ابرار الحق، نتاشا بیگ، طلحہ انجم اور علی ظفر بھی لائیو پرفارم کریں گے۔ تقریب کا اختتام شاندار آتش بازی کے ساتھ ہوگا۔
یہ بھی پڑھیے پی ایس ایل میں جتنی والی ٹیم کو کیا ملے گا؟ پی سی بی نے بڑا اعلان کردیا
افتتاحی تقریب کے بعد دفاعی چیمپیئن اسلام آباد یونائیٹڈ اور 2 مرتبہ ٹائٹل حاصل کرنے والی لاہور قلندرز کے درمیان افتتاحی شب 8:30 بجے ہوگا۔
6 ٹیموں پر مشتمل یہ ٹورنامنٹ راولپنڈی، کراچی، لاہور اور ملتان میں کھیلا جائے گا، جبکہ اس ٹورنامنٹ کا فائنل 18 مئی کو لاہور کے قذافی اسٹیڈیم میں ہوگا۔
پی ایس ایل کا 10 واں ایڈیشن ایک شاندار افتتاحی تقریب کے ساتھ شروع ہو گا۔ 6 ٹیموں کے اس ٹورنامنٹ میں 11 اپریل سے 18 مئی تک مجموعی طور پر 34 میچ کھیلے جائیں گے۔ لاہور کا قذافی اسٹیڈیم 13 میچز کی میزبانی کرے گا جن میں 2 ایلیمینیٹر اور گرینڈ فائنل شامل ہیں۔
راولپنڈی کرکٹ اسٹیڈیم 11 میچوں کی میزبانی کرے گا، جس میں 13 مئی کو پہلا کوالیفائر میچ بھی شامل ہے، جبکہ کراچی کا نیشنل بینک اسٹیڈیم اور ملتان کرکٹ اسٹیڈیم 5، 5 میچوں کی میزبانی کرے گا۔
ٹورنامنٹ میں 3 ڈبل ہیڈرز بھی شامل ہوں گے، جن میں سے 2 ہفتہ کو اور ایک لیبر ڈے (1 مئی) کو شیڈول ہے۔
یہ بھی پڑھیے راولپنڈی میں پہلی بار پی ایس ایل کی افتتاحی تقریب، کون کون پرفارم کریگا؟
واضح رہے کہ بابر اعظم، شاداب خان، محمد رضوان اور شاہین شاہ آفریدی بالترتیب پشاور زلمی، اسلام آباد یونائیٹڈ، ملتان سلطانز اور لاہور قلندرز کی قیادت کریں گے، جب کہ کراچی کنگز اور کوئٹہ گلیڈی ایٹرز بالترتیب ڈیوڈ وارنر اور سعود شکیل کی کپتانی میں کھیلیں گے۔
یاد رہے کہ پاکستان کرکٹ بورڈ (پی سی بی) نے آج 11 اپریل سے شروع ہونے والی پاکستان سپر لیگ (پی ایس ایل) کے لیے انعامی رقم کا اعلان کردیا۔
34 دلکش میچوں کے اختتام پر، اس تاریخی ایونٹ کا فاتح نہ صرف ’لومینارا ٹرافی‘ اٹھائے گا بلکہ اسے 500,000 امریکی ڈالر کی انعامی رقم بھی ملے گی، جبکہ رنرز اپ کو 200,000 امریکی ڈالر کا چیک ملے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ایس ایل 10 راولپنڈی کرکٹ اسٹیڈیم کرکٹ کھیل
ترجمان سندھ حکومت کا مریم اورنگزیب کے بیان پر ردعمل