لوئر دیر: خاتون کے ہاں بیک وقت 5 بچوں کی پیدائش
اشاعت کی تاریخ: 9th, February 2025 GMT
لوئر دیر: خیبر پختونخوا کے ضلع لوئر دیر میں ایک خاتون کے ہاں بیک وقت 5 بچوں کی پیدائش ہوئی ہے، جن میں 2 بیٹے اور 3 بیٹیاں شامل ہیں۔
میڈیا رپورٹس کے مطابق تیمرگرہ ٹیچنگ اسپتال کے ڈی ایم ایس ڈاکٹر عباس کاکہنا ہےکہ زچہ اور تمام نومولود مکمل طور پر صحت مند ہیں، بچوں کے والد سراج خان نے اس خوشخبری پر مسرت کا اظہار کیا ہے۔
پاکستان میں ایک سے زائد بچوں کی پیدائش کے حالیہ واقعات
خیال رہےکہ یہ کوئی پہلا واقعہ نہیں بلکہ گزشتہ ماہ بنوں میں بھی ایک خاتون کے ہاں 5 بچوں کی ولادت ہوئی تھی، اس سے قبل فروری 2023 میں ملتان میں ایک خاتون نے چھ جڑواں بچوں کو جنم دیا تھا جب کہ 2022 میں لاہور میں بھی ایک خاتون کے ہاں بیک وقت 7 بچوں کی پیدائش ہوئی تھی۔
پاکستان کی آبادی اور پیدائشی شرح
پاکستان کا شمار دنیا کے سب سے زیادہ آبادی والے ممالک میں ہوتا ہے۔ 2024 کے تخمینے کے مطابق، پاکستان کی آبادی 240 ملین (24 کروڑ) سے تجاوز کرچکی ہے، ملک میں پیدائش کی شرح نسبتاً زیادہ ہے، اور ایک اندازے کے مطابق ہر سال 35 سے 40 لاکھ بچے پیدا ہوتے ہیں۔
ماہرین کا کہنا ہے کہ صحت کی بہتر سہولیات اور زچہ و بچہ کی دیکھ بھال میں بہتری کے باعث زیادہ تعداد میں بچوں کی صحت مند پیدائش کے امکانات بڑھ گئے ہیں۔
پاکستان میں ایسے نایاب واقعات وقتاً فوقتاً سامنے آتے رہتے ہیں، جو ملک میں صحت کے شعبے میں ہونے والی پیشرفت کو بھی نمایاں کرتے ہیں۔
.
ذریعہ: Al Qamar Online
کلیدی لفظ: پاکستان کھیل بچوں کی پیدائش خاتون کے ہاں ایک خاتون
پڑھیں:
’ہم لُٹ گئے تیری محبت میں‘، پاکستان آنیوالی امریکی خاتون نامراد وطن لوٹ گئی
پاکستانی لڑکے سے محبت میں امریکا سے کراچی آنے والی امریکی خاتون نامراد امریکا واپس لوٹ گئیں۔
میڈیا رپورٹس کے مطابق نیویارک کی رہائشی اور اونیجا اینڈریو رابنسن نامی یہ خاتون 4 ماہ سے کراچی میں ہی بھٹک رہی تھیں تاہم اب وہ امریکا واپسی کے لیے فلائی کرچکی ہیں اور براستہ دبئی وطن واپس پہنچیں گی۔
یاد رہے کہ اونیجا 11 اکتوبر کو ایک نوجوان کی محبت میں پاکستان کے ایک ماہ کے سیاحتی ویزے پر کراچی آئی تھیں اور ویزا ختم ہونے پر ان کو 10 نومبر تک ملک چھوڑ جانا تھا لیکن وہ واپس نہیں گئیں اور کئی ماہ کراچی کی خاک چھانتی اور پولیس کو مشکل میں ڈالتی رہیں جو ان کی سیکیورٹی کے حوالے سے پریشان ہوکر ان کا پیچھا کرنے پر مجبور رہتی تھی۔
’زمیں جنبد نہ جنبد گل محمد‘گورنر سندھ کی مداخلت پر 27 جنوری کو 15 دن کے لیے ایگزٹ پرمٹ جاری کیا گیا اور ایک فلاحی ادارے نے خاتون کے امریکا واپسی کے لیے جہاز کے ٹکٹ کا بندوبست کردیا تھا۔ تاہم خاتون کو 29 جنوری کو امریکا واپس بھیجنے کی کوشش کی گئی لیکن ایئرپورٹ پر تمام مراحل سے گزر کر خاتون نے اچانک واپس جانے سے انکار کردیا تھا اور جہاز تک پہنچنے کے بعد ایئر لائن اسٹاف کو انہیں زبردستی واپس بھیجنے کی شکایت کی جس پر ایئر لائن نے انہیں آف لوڈ کردیا تھا۔
جناح اسپتال میں علاجبعد ازاں خاتون ائیرپورٹ سے ٹیکسی میں بیٹھ کر کراچی کے علاقے گارڈن میں مبینہ دوست کے گھر کے باہر پہنچ گئیں اور کئی دن وہاں قیام کیا پھر ایک فلاحی ادارے نے انہیں پناہ دی جس دوران طبیعت خراب ہونے پر خاتون کو چند روز قبل جناح اسپتال کے خصوصی وارڈ میں داخل کیا گیا تھا جہاں خاتون میں بائی پولر ڈس آرڈر کی تشخیص ہوئی تھی۔
کئی دن کے علاج کے بعد جناح اسپتال میں خاتون کو 5 رکنی میڈیکل بورڈ نے جمعے کی شام ہی سفر کے لیے فٹ قرار دے کر اسپتال سے ڈسچارج کر دیا تھا۔
خاتون کو او پی ڈی کی ریگولر دوائیں دے کر پولیس کی تحویل میں اسپتال سے ایئرپورٹ کے لیے روانہ کیا گیا تھا۔
قبل ازیں امریکی قونصلیٹ نے امریکی خاتون کی اسپتال میں عیادت کے دوران انہیں وطن واپسی پر آمادہ کرتے ہوئے ان کے ٹکٹ کا بندوبست کردیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چیمپیئنز ٹرافی سے قبل آسٹریلیا کو ایک اور جھٹکا، پیٹ کمنز کی شرکت مشکوک، اگلا کپتان کون ہوگا؟