ایم کیو ایم میں اختیارات کی جنگ، فاروق ستار کے جانے کے بعد مصطفیٰ کمال کی اجلاس میں شرکت
اشاعت کی تاریخ: 9th, February 2025 GMT
متحدہ قومی موومنٹ (ایم کیو ایم) پاکستان میں اختیارات کی جنگ شدت اختیار کرگئی ہے، آج بہادرآباد مرکز میں ہونے والے اعلیٰ سطح کے اجلاس کی صدارت فاروق ستار نے کی، ان کی موجودگی میں مصطفیٰ کمال تشریف نہ لائے، تاہم جب وہ چلے گئے تو مصطفیٰ کمال تشریف لائے۔
فاروق ستار نے اجلاس میں شرکت کے بعد کراچی میں میڈیا سے گفتگو کرتے ہوئے کہاکہ جو بھی تنظیمی نظم و ضبط کی خلاف ورزی کرےگا اس کے خلاف کارروائی کی جائےگی۔
یہ بھی پڑھیں ایم کیو ایم پاکستان اختلافات کا شکار، کارکنان کا بہادرآباد مرکز پر دھاوا، تصادم میں 10 افراد زخمی
انہوں نے کہاکہ ہماری مرکزی کمیٹی باصلاحیت ہے جو کسی بھی طرح کے مسائل کو حل کرسکتی ہے، آج ہم نے منتخب عوامی نمائندوں کے ساتھ بیٹھ کر تعمیر و ترقی کا لائحہ عمل طے کیا ہے۔
فاروق ستار نے کہاکہ سیاسی جماعتوں میں تمام مسائل بات چیت کے ذریعے حل کرلیے جاتے ہیں۔
دریں اثنا مصطفیٰ کمال نے میڈیا سے گفتگو کرتے ہوئے کہاکہ جب فیصلہ کرنے میں وقت لگتا ہے تو بات باہر نکلتی ہے، ایم کیو ایم میں کوئی اختلافات نہیں، سیاسی پارٹیوں میں مختلف آرا ہوتی ہیں۔
انہوں نے کہاکہ ایم کیو ایم جتنی متحرک ہوگی عوام کے مسائل حل ہوں گے، اس وقت ہم اپنے مقاصد میں 100 فیصد کامیاب نہیں ہورہے۔
مصطفیٰ کمال نے کہاکہ کراچی اور حیدرآباد کے لوگوں نے ہمیں مینڈیٹ دیا ہے، ان کے مسائل حل ہونے چاہییں۔
واضح رہے کہ اس سے قبل متحدہ قومی موومنٹ میں عہدوں کی تقسیم پر اختلافات سامنے آئے تھے، اور گزشتہ روز کارکنوں نے بہادرآباد مرکز پر دھاوا بھی بولا تھا اور گورنر کے خلاف نعرے لگائے گئے تھے۔
ایم کیو ایم کے چیئرمین خالد مقبول صدیقی نے اپنے پیغام میں کہا تھا کہ کامران ٹیسوری ہی گورنر رہیں گے، پارٹی کو ان پر بھرپور اعتماد ہے۔
یہ بھی پڑھیں ایم کیو ایم رکن قومی اسمبلی کیوں مستعفی ہوئے؟ وجہ سامنے آگئی
دوسری جانب ایم کیو ایم کے ترجمان نے کہا ہے کہ کارکنان شر انگیزی کا شکار نہ ہوں، کیونکہ کچھ عناصر ہمیں آپس میں لڑا کر اپنے مذموم مقاصد کی تکمیل چاہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اختیارات کی جنگ ایم کیو ایم بہادرآباد مرکز خالد مقبول صدیقی کارکنان متحدہ قومی موومنٹ مصطفٰی کمال منتخب عوامی نمائندے وی نیوز.ذریعہ: WE News
کلیدی لفظ: اختیارات کی جنگ ایم کیو ایم بہادرا باد مرکز خالد مقبول صدیقی کارکنان متحدہ قومی موومنٹ مصطف ی کمال منتخب عوامی نمائندے وی نیوز بہادرا باد مرکز ایم کیو ایم فاروق ستار نے کہاکہ
پڑھیں:
سپیکر برہم ، اپوزیشن کے رویئے کو "غیر سنجیدہ" قرار دیدیا ، قومی اجلاس کا اجلاس ملتوی
اسلام آباد ( ڈیلی پاکستان آن لائن ) سپیکر ایاز صادق برہم ہو گئے اور اپوزیشن کے رویئے کو "غیر سنجیدہ" قرار دیدیا ۔
تفصیلات کے مطابق پارلیمان کے اجلاس کے دوران آج بھی کورم پورا نہ ہوا، بار بار کورم کی نشاندہی پر سپیکر ایاز صادق برہم ہوگئےاورکہا کہ اپوزیشن کا رویہ غیر سنجیدہ ہے، آج سوالات کی اکثریت اپوزیشن کی جانب سے تھی مگر وہ خود ایوان کی کارروائی کا حصہ نہ بنے۔
"جنگ " کے مطابق سپیکر قومی اسمبلی کا مزید کہنا تھا کہ فلسطین، سرحدی مسائل اور نہری نظام جیسے اہم قومی معاملات پر بات چیت کے وقت اپوزیشن کی اکثریت ایوان میں نہیں تھی۔واک آؤٹ کرکے عوامی نمائندگی کے بجائے محض سیاسی پوائنٹ سکورنگ کو ترجیح دی گئی۔7 اپریل کو پیپلز پارٹی نے نہروں پر قرارداد جمع کرائی تھی، جس پر 30 ارکان نے اظہارِ خیال کیا مگر اپوزیشن نے اس دن بھی واک آؤٹ کیا پھر 10 اپریل کو دوبارہ اسی معاملے پر قرارداد جمع کرائی۔
"ہمیں بتادیں تاکہ ہم اپنا فیصلہ کرسکیں"کامران مرتضیٰ پی ٹی آئی کے اسٹیبلشمنٹ سے رابطوں پر کھل کر بول پڑے
سپیکرنے ایوان کا اجلاس سوموار تک ملتوی کردیا۔
مزید :
جڑانوالہ، بس اور رکشہ میں تصادم، ایک ہی خاندان کے 8 افراد سمیت 11 جاں بحق