کیا ہانیہ عامر بالی ووڈ میں کام کریں گی؟ اداکارہ نے بتادیا
اشاعت کی تاریخ: 9th, February 2025 GMT
پاکستانی شوبز اسٹار ہانیہ عامر نے بالی وڈ میں کام کرنے پر رضامندی ظاہر کرتے ہوئے کہا ہے کہ اگر پروجیکٹ اچھا ہو تو وہ ضرور کام کریں گی۔
حال ہی میں ایک سوال و جواب سیشن کے دوران ہانیہ عامر سے پوچھا گیا کہ اگر انہیں بھارت سے فلم کی پیشکش ہو تو کیا وہ قبول کریں گی؟ جس پر اداکارہ نے مثبت جواب دیتے ہوئے کہا کہ وہ یقینی طور پر غور کریں گی بشرطیکہ پروجیکٹ معیاری ہو۔
ہانیہ عامر اپنی جاندار اداکاری اور دلکش شخصیت کی وجہ سے پاکستان کی انٹرٹینمنٹ انڈسٹری میں بے حد مقبول ہیں۔ ان کا یہ بیان ایسے وقت میں سامنے آیا ہے جب پاک بھارت فلمی تعاون ایک دلچسپ مگر حساس موضوع بنا ہوا ہے۔
دوسری جانب بھارتی اداکارہ راکھی ساونت نے کہا ہے کہ وہ ہانیہ عامر کو بالی وڈ کے سپر اسٹار سلمان خان کے ساتھ اسکرین پر دیکھنا چاہتی ہیں۔
View this post on InstagramA post shared by DIVA Magazine Pakistan (@divamagazinepakistan)
ہانیہ عامر ہمیشہ سے بالی وڈ اور خاص طور پر شاہ رخ خان کی مداح رہی ہیں۔ اب یہ دیکھنا دلچسپ ہوگا کہ کیا راکھی ساونت کا یہ بیان ہانیہ عامر کو سلمان خان کے ساتھ کام کرنے کا موقع دلوا سکتا ہے یا نہیں۔
ایک پرانے انٹرویو میں ہانیہ عامر نے اپنے بچپن کے بارے میں بات کرتے ہوئے کہا تھا کہ وہ ایک عجیب، ذہین اور مزاحیہ بچی تھیں، جنہیں اپنے بال رنگنے کا بے حد شوق تھا۔ انہوں نے یہاں تک انکشاف کیا کہ ایک بار انہوں نے خود اپنے بال رنگنے کی کوشش بھی کی تھی۔
کام کے حوالے سے بات کی جائے تو ہانیہ عامر نے حال ہی میں پاکستان کے سب سے بڑے ڈرامہ سیریل کبھی میں کبھی تم میں شرجینا کا کردار ادا کیا، جس میں وہ سپر اسٹار فہد مصطفیٰ کے ساتھ نظر آئیں اور عالمی سطح پر پذیرائی حاصل کی۔
.ذریعہ: Express News
کلیدی لفظ: ہانیہ عامر کریں گی
پڑھیں:
بالآخر عامر خان اور گوری سپراٹ ہاتھوں میں ہاتھ دے کر منظرعام پر آگئے
بالی ووڈ اداکار عامر خان ایک بار پھر سرخیوں میں ہیں۔ وہ اس ہفتے کے آخر میں چین میں ’ مکاؤ انٹرنیشنل کامیڈی فیسٹیول‘ میں پہلی بار اپنی خاص دوست گوری سپراٹ کے ساتھ منظر عام پر آئے۔
یہ جوڑا فیسٹیول میں ایک ساتھ پہنچا۔ دونوں سرخ قالین پر چلتے ہوئے ایک دوسرے کے ہاتھ میں ہاتھ دے کر چل رہے تھے۔ وہ جیسے ہی اس بین الاقوامی فیسٹیول میں پہنچے، میڈیا اور شائقین کی توجہ کا مرکز و محور بن گئے۔
دونوں نے فوٹوگرافروں کے لیے پوز دیا، حاضرین کے ساتھ گرمجوشی سے بات چیت کی، جن میں مشہور چینی اداکار شین ٹینگ اور ما لی بھی شامل ہیں۔
وائرل ہونے والے کلپ میں عامر خان کو گوری سپراٹ کا ہاتھ پکڑتے ہوئے دکھایا گیا جب وہ پنڈال میں داخل ہوئے۔ جوڑا کیمروں کے سامنے مسکراتے ہوئے ہلکی پھلکی گفتگو میں مصروف رہا۔وہ گروپ فوٹو کے لیے اپنے ہاتھوں سے دل کی شکلیں بناتے رہے۔ عامر خان نے گوری سپراٹ کا دوسرے مہمانوں سے تعارف کرایا۔
یہ بھی پڑھیے اداکار عامر خان اپنی نئی گرل فرینڈ گوری سے شادی کا ارادہ کیوں نہیں رکھتے؟
یاد رہے کہ بالی ووڈ کے مسٹر پرفیکشنسٹ عامر خان نے گزشتہ ماہ اپنی 60 ویں سالگرہ کے موقع نئی گرل فرینڈ گوری سپراٹ سے تعلقات کا انکشاف کیا۔
اپنی سالگرہ پر منعقدہ ایک پارٹی میں عامر خان نے بتایا تھا کہ وہ ایک رومانوی تعلق میں ہیں۔عامر اور گوری کی ملاقات 25 سال پہلے ہوئی تھی، لیکن اپنی مصروف زندگیوں کے باعث ان کا رابطہ منقطع ہو گیا تھا۔ تاہم، 2 سال پہلے ان کی دوبارہ ملاقات ہوئی اور ان کا رشتہ آگے بڑھنے لگا۔
عامر خان نے گوری کے بارے میں اپنے جذبات کا اظہار کرتے ہوئے کہا، ’میں کسی ایسی شخصیت کی تلاش میں تھا جس کے ساتھ میں سکون محسوس کروں، جو مجھے سکون دے سکے۔ اور پھر گوری سامنے آ گئیں‘۔
جب عامر خان سے پوچھا گیا کہ انہوں نے اپنے رشتہ کو عوامی سطح پر کیوں پیش کیا، تو عامر نے جواب دیا، ’ہم اب ساتھ ہیں، اور ہمیں لگتا ہے کہ ہم ایک دوسرے پر اتنا بھروسہ رکھتے ہیں کہ آپ لوگوں کو بتا سکیں۔ اب میں اسے چھپانے کی ضرورت محسوس نہیں کرتا۔ کل اگر میں گوری کے ساتھ کافی کے لیے جاؤں، تو آپ لوگ بھی ہمارے ساتھ آ سکتے ہیں‘۔
یہ بھی پڑھیے 60 سال کی عمر میں رومانس کا اعلان، عامر خان کی نئی گرل فرینڈ کون ہے؟
عامر خان کی پہلی شادی فلم پروڈیوسر رینا دتہ اور دوسری شادی کرن راؤ سے ہوئی تھی، اور ان کے ان شادیوں سے3 بچے ہیں۔ جب ان سے گوری کے ساتھ شادی کے ارادے کے بارے میں سوال کیا گیا، تو انہوں نے مزاحیہ انداز میں کہا، ’میری 2 شادیاں ہو چکی ہیں۔ لیکن اب 60 سال کی عمر میں شادی شاید مجھے زیب نہیں دیتی۔ لیکن دیکھتے ہیں‘۔
گوری سپراٹ کون ہیں؟مختلف میڈیا رپورٹس کے مطابق گوری بنگلور سے تعلق رکھتی ہیں اور ایک 6 سالہ بچے کی ماں ہیں۔ ان کی لنکڈ ان پروفائلز کے مطابق، وہ 2007 سے ایک مشہور سیلون میں پارٹنر اور ڈائریکٹر کے طور پر کام کر رہی ہیں اور انہوں نے یونیورسٹی آف آرٹس لندن سے فیشن، اسٹائلنگ اور فوٹوگرافی میں ڈگری حاصل کی ہے۔
میڈیا رپورٹس کے مطابق عامر خان سے تعلق کے باوجود، گوری اپنی ذاتی زندگی کو ذاتی رکھنا پسند کرتی ہیں، اسی لیے عامر نے فوٹوگرافروں سے درخواست کی کہ وہ ان کی تصاویر سوشل میڈیا پر شیئر نہ کریں۔
ہندوستان ٹائمز کے مطابق، گوری نے عامر خان کی صرف 2 فلمیں دیکھی ہیں جس میں’دل چاہتا ہے‘ اور ’لگان‘ شامل ہیں۔ اس پر عامر نے وضاحت دیتے ہوئے کہا تھا کہ گوری بنگلور میں پلی بڑھی ہیں جہاں ان کی توجہ مختلف قسم کے فنون سے تھی اور یہی وجہ ہے کہ گوری بالی وڈ کی فلمیں نہیں دیکھتیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرٹینمنٹ عامر خان گوری سپراٹ
آپ کی آنتوں کوبڑی قیمت ادا کرنی پڑ سکتی ہے،کہیں آپ وٹامن ڈی کی کمی کا شکارتو نہیں؟ جانیں