شہید مظفر کرمانی امام حسینؑ کے بتائے ہوئے عزت کے راستے میں آگاہانہ شہید ہوئے، ڈاکٹر زاہد علی زاہدی
اشاعت کی تاریخ: 9th, February 2025 GMT
برسی کے اجتماع سے خطاب کرتے ہوئے ڈاکٹر زاہد علی زاہدی صاحب نے کہا کہ شہید مظفر کرمانی آگاہ شہید ہیں، اسلام کا نظام ظلم ستیزی ہے، ظلم کے خلاف کھڑے ہونا ہے، یہی سیرت آئمہ اطہارؑ کی نظر آتی ہے، حقیقی لیڈر کبھی ظالم سے مفاہمت نہیں کرتے ہیں۔ اسلام ٹائمز۔ کراچی میں شہید مظفر علی کرمانی اور ان کے باوفا ساتھی شہید نظیر عباس کی 24ویں برسی پر اجتماع کا انعقاد خانوادہ شہداء کی جانب سے جائے شہادت شہید مظفر علی کرمانی و نظیر عباس پر کیا گیا۔ برسی کے اجتماع سے خطاب کرتے ہوئے ڈاکٹر زاہد علی زاہدی صاحب نے کہا کہ شہید مظفر کرمانی آگاہ شہید ہیں، اسلام کا نظام ظلم ستیزی ہے، ظلم کے خلاف کھڑے ہونا ہے، یہی سیرت آئمہ اطہارؑ کی نظر آتی ہے، حقیقی لیڈر کبھی ظالم سے مفاہمت نہیں کرتے ہیں، امام حسینؑ نے مقاومت کا راستہ اختیار کیا، امام حسینؑ کا راستہ عزت کا راستہ ہے مگر اس کے لئے قربانی پیش کرنی ہوتی ہے، دوسرا راستہ ذلت ہے۔
برسی کے اجتماع سے خطاب کرتے ہوئے مولانا ہادی ولایتی نے کہا کہ شہداء کے بارے میں خدا کہتا ہے کہ شہداء کے بارے میں گمان بھی نہ کرنا کہ وہ مردہ ہیں، خدا کے آگے حیات کی تعریف الگ ہے اور ہم زندگی کی تعریف کچھ اور سمجھتے ہیں، انسان کا کمال نظریہ پر قربان ہونا ہے، نظریے اور فکر کی راہ میں قربان کرنے میں انسان کی عزت ہے، شہید مظفر کرمانی نے راہ شہادت کا انتخاب خود کیا۔ مولانا حیات عباس نجفی نے کہا کہ شہید مظفر کرمانی کربلا کے راستے کے شہید ہیں، شہادت کا راستہ مشکل بھی ہے اور آسان بھی ہے، شہید مظفر کرمانی عاشق امام حسینؑ تھے۔ اس موقع پر شاہد بلتستانی اور ابراہیم بلتستانی نے شہداء کو خراج عقیدت پیش کرنے کے لئے منظوم نذرانہ عقیدت پیش کئے۔ خانوادہ شہداء کی جانب سے منعقد کئے گئے اس پروگرام میں شہداء کے جائے شہادت پر شمع روشن کیں گئیں۔
ذریعہ: Islam Times
کلیدی لفظ: شہید مظفر کرمانی نے کہا کہ کا راستہ
پڑھیں:
نیتو کپور نے رشی کپور کیساتھ منگنی کی یادگار تصویر شیئر کردی
بالی ووڈ کی سینئر اداکارہ نیتو کپور نے آنجہانی اداکار رشی کپور کے ساتھ منگنی کی یادگار تصویر سوشل میڈیا پر شیئر کردی۔
معروف اداکارہ نیتو کپور نے حال ہی میں سوشل میڈیا پر اپنے آنجہانی شوہر، رشی کپور کو یاد کرتے پوئے ان کے ساتھ منگنی کے دن کی ایک یادگار بلیک اینڈ وائٹ تصویر شیئر کی ہے۔ اداکارہ نے بتایا کہ یہ تصویر 1979 کی ہے، جب دونوں نے منگنی کی تھی۔
نیتو کپور نے انسٹاگرام اسٹوری پر یہ تصویر پوسٹ کرتے ہوئے لکھا: ’آج کے دن 1979 میں منگنی ہوئی تھی، وقت کتنی جلدی گزر جاتا ہے۔‘ تصویر میں دونوں مسکراتے ہوئے خوشگوار موڈ میں دکھائی دے رہے ہیں۔
یاد رہے کہ نیتو اکثر اپنے شوہر کو یاد کرتے ہوئے ان کی تصاویر سوشل میڈیا پر پوسٹ کرکے ان سے اپنی محبت کا اظہار کرتی ہیں۔ نیتو اور رشی کپور 22 جنوری 1980 کو رشتہ ازدواج میں منسلک ہوئے تھے ان کے دو بچے ہیں، بیٹی ردھیمہ کپور اور بیٹا، معروف اداکار رنبیر کپور۔
نیتو اور رشی کپور نے 70 اور 80 کی دہائی میں کئی سپر ہٹ فلموں میں ایک ساتھ کام کیا جن میں ’امر اکبر انتھونی‘، ’کھیل کھیل میں‘، ’رفو چکر‘، ’کبھی کبھی‘ اور ’بے شرم‘ شامل ہیں۔
واضح رہے کہ رشی کپور کی آخری فلم ’شرما جی نمکین‘ ان کے انتقال کے بعد مکمل کی گئی، جس میں باقی مناظر اداکار پاریش راول نے مکمل کیے۔
پی ایس ایل سے متعلق بیان؛ بورڈ بھی میدانِ جنگ میں کود پڑا