پی ٹی آئی 5 ہزار بندے اکٹھے نہیں کرسکی: عظمیٰ بخاری
اشاعت کی تاریخ: 9th, February 2025 GMT
وزیر اطلاعات پنجاب عظمیٰ بخاری---فائل فوٹو
وزیر اطلاعات پنجاب اور مسلم لیگ نواز کی رہنما عظمیٰ بخاری نے کہا ہے کہ پی ٹی آئی کی خیبر پختون خوا میں قیادت سنبھالنے کے بعد جنید اکبر اپنے پہلے امتحان میں ہی بری طرح فیل ہوگئے ہیں۔
وزیر اطلاعات پنجاب عظمیٰ بخاری نے کہا ہے کہ خیبر پختون خوا نے بھی بانی پی ٹی آئی کی انتشار، جلاؤ گھیراؤ کی سیاست کو ریجکٹ کر دیا ہے۔ سرکاری ملازمین کی جلسہ گاہ میں حاضریاں لگا کر بھی 5 ہزار بندے اکٹھے نہیں کر سکے۔
عظمیٰ بخاری نے کہا ہے کہ پنجاب کے کسی ضلع سے اِن کے لوگ نہیں نکلے، 9 مئی اور 26 نومبر کی ناکام بغاوتوں کے بعد قوم فتنےکی احتجاجی سیاست سے تنگ آچکی ہے۔
وزیرِ اطلاعات پنجاب عظمیٰ بخاری کا کہنا ہے کہ ہمارے دوست ممالک کو بھی پتہ ہے کہ فتنہ کون ہے۔
وزیر اطلاعات پنجاب نے کہا ہے کہ کے پی کے نوجوانوں نے دیکھ لیا ہے کہ پنجاب کے نوجوانوں کو الیکٹرک بائیکس، اسکالرشپس ملی ہیں، مریم نواز بہت جلد خیبر پختون خوا کے بچوں کو بھی اسکالرشپس دیں گی۔
انہوں نے مزید کہا ہے کہ مسلم لیگ ن کی لیڈرشپ کا ویژن پاکستان کی ترقی و خوشحالی ہے۔
ذریعہ: Jang News
کلیدی لفظ: وزیر اطلاعات پنجاب نے کہا ہے کہ
پڑھیں:
عوام یوم ترقی اور یہ یوم انتشار منا رہے ہیں: عظمیٰ بخاری
وزیراطلاعات پنجاب عظمی بخاری نے لاہور میں پریس کانفرنس کرتے ہوئے کہا ہے کہ عوام پاکستان میں خوشیاں لوٹ آنے پر یوم ترقی جبکہ تحریک انصاف یوم انتشار منارہی ہے۔
ان کا کہنا تھا کہ پنجاب حکومت مختلف اقدامات کے ذریعے عوام کے مسائل کے حل کو ترجیح دے رہی جبکہ ایک اور جماعت ہے جس کے مقدر میں رونا ہے، جس صوبے میں ان کی حکومت ہے ان کو 12 سالوں میں محض فتنہ ملا۔
عظمیٰ بخاری کا کہنا تھا کہ ابھی یہ یوم سیاہ منارہے ہیں، ان کے اعمال بھی سیاہ ہیں۔ انہوں نے پی ٹی آئی کے آج احتجاج کے اعلان پر تنقید کرتے ہوئے کہا ہے کہ خیبرپختونخوا میں ریسکیو 1122 کی گاڑیوں اور سرکاری ملازمین کے ذریعے احتجاج کروایا جاتا ہے، ہمارے بچوں کو تفریح کی ضرورت ہے پیٹرول بموں کی نہیں، کل قذافی اسٹیڈیم کا افتتاح ہوا، یہاں اسٹیڈیم کو بھی سیاست کے لیے استعمال کیا گیا۔
یہ بھی پڑھیے: شیرافضل مروت اور شاندانہ گلزار مریم نواز سے معافی مانگیں، عظمی بخاری
انہوں نے کہا کہ ہم پنجاب جیسی ترقی دوسرے صوبوں میں بھی دیکھنا چاہتے ہپیں، وزیراعلیٰ پنجاب مریم نواز نے خیبرپختونخوا اور بلوچستان کے لیے بھی اسکالرشپس کا اعلان کیا ہے، 30 سال بعد پنجاب میں ہارس اینڈ کیٹل شو کا انعقاد کیا جارہا ہے۔
صوبائی وزیراطلاعات نے کہا کہ ہم ترقی کے لیے اقدامات کررہے ہیں تو دوسری طرف یوم انتشار منایا جارہا ہے۔ عمران خان جب بھی گرفتار ہوئے ان کے لوگ باہر نہیں نکلے۔ ان کے بقول وہ بہت مقبول ہیں، ان کے اپنے ایم پی ایز اور ایم این ایز گھر سے نکلتے نہیں ہیں، عوام بھی احتجاج میں دلچسپی نہیں رکھتے۔ انہوں نے کہا کہ انہیں پورے ملک میں دھاندلی نظر آتی ہے صرف خیبرپختونخوا میں نظر نہیں آتی، اپوزیشن لیڈر عمر ایوب خود بھی فارم 47 پر حکم امتناع لے کر بیٹھے ہیں۔
یہ بھی پڑھیے: صوابی جلسہ تاریخ ساز ہوگا جس میں آئندہ کے لائحہ عمل کا اعلان کریں گے، علی امین گنڈاپور
عظمیٰ بخاری نے کہا کہ اس بار رمضان میں مستحق خاندانوں کو راشن کے بجائے 10 ہزار روپے کیش دیے جائیں گے، یہ پیسہ لائن میں لگے بغیر گھروں پر لے جاکر دیے جائیں گے۔ جب لوگوں کو ریلیف مل رہا ہے تو وہ احتجاج کے لیے کیوں باہر نکلیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتجاج صوابی جلسہ عظمیٰ بخاری
ہر پاکستانی کے دل میں کشمیر کی محبت لہو بن کر دوڑتی ہے، مریم نواز