لاہور میں گھر سے خاتون کی گلا کٹی لاش برآمد، شوہر زیر حراست
اشاعت کی تاریخ: 9th, February 2025 GMT
لاہور:
ساندہ تھانہ کی حدود میں واقع گھر سے خاتون کی گلہ کٹی لاش برآمد ہوئی جس پر مقتولہ کے شہر کو شک کی بنا پر حراست میں لے لیا گیا۔
پولیس کے مطبق ریسکیو ٹیموں کے پہنچنے سے قبل ہی خاتون دم توڑ چکی تھی اور خاتون کی شناخت 28 سالہ ردا کے نام سے ہوئی، لاش کو تحویل میں لے کر کارروائی شروع کر دی گئی۔
گھر میں موجود تمام افراد کے بیانات قلم بند کر لیے گئے جبکہ لاش کو پوسٹ مارٹم کے لیے مردہ خانہ منتقل کر دیا گیا ہے۔ قتل کا مقدمہ 413/25 تھانہ ساندہ میں درج کر لیا گیا۔
ترجمان ڈی آئی جی آپریشنز کے مطابق قتل کی افسوسناک واردات رات گئے 12 سے 3 بجے کے درمیان پیش آئی۔ مقتولہ گھر کی سب سے بالائی منزل پر رہائش پذیر تھی جبکہ نیچے کی منزل پر سسرال کا باقی خاندان رہائش پذیر ہے، گھر میں داخلہ کا ایک ہی رستہ ہے اور کسی قسم کی زبردستی داخل ہونے کی کوئی رپورٹ نہیں ہوئی۔
مقتولہ کا شوہر خلاف معمول رات کی ڈیوٹی چھوڑ کر دو دفعہ گھر آیا، رات 9 سے صبح 9 تک ڈیوٹی کرنے والا شوہر برگر دینے کے بہانے 11 بجے گھر آیا، شوہر نے دوبارہ ایک بجے گھر کا چکر لگایا اور تین بجے قتل کا واقعہ پیش آیا۔ شک کی بنیاد پر مقتولہ ردا کے شوہر شمشاد کو حراست میں لے لیا گیا۔
ترجمان کا کہنا تھا کہ وقوعہ کی اطلاع ملتے ہی فوری مقدمہ درج کر کے تحقیقات کا آغاز کر دیا گیا، واقعے کی تمام پہلوؤں سے تحقیقات جاری ہیں، افسوسناک واقعہ میں ملوث ملزم یا ملزمان کو کیفر کردار تک پہنچایا جائے گا۔
.ذریعہ: Express News
پڑھیں:
کروڑوں روپے کا فراڈ، نادیہ حسین کا اہم انکشاف سامنے آگیا
کروڑوں روپے کے فراڈ میں بینفشری ہونے پر اداکار نادیہ حسین نے ایف آئی اے کارپوریٹ کرائم سرکل کو بیان ریکارڈ کرا دیا ، جس میں اہم انکشاف سامنے آیا۔
تفصیلات کے مطابق کروڑوں روپے فراڈ میں نادیہ حسین کے بینفشری ہونے کا معاملے پر اداکارہ بیان ریکارڈ کرانے ایف آئی اے کے دفتر پہنچیں۔دفتر میں بجلی نہ ہونے سے بیان ریکارڈ کرانے میں کچھ تاخیر کا سامنا بھی کرنا پڑا تاہم اداکارہ نے ایف آئی اے کارپوریٹ کرائم سرکل کو بیان ریکارڈ کرا دیا۔
اداکارہ نے 2 صفحات پر مشتمل اپنا بیان ریکارڈ کرایا، جس میں شوہر کی جانب سے دیئے گئے پیسوں پر بیوٹی سلون لگانے کا اعتراف کیا۔اداکارہ نے بیان میں کہا کہ میرے شوہر نے مجھے سلون کے لیے پیسے دیے تھے، لکی ون اور طارق روڈ پر اپنی برانچ میں وہ پیسے لگائے۔
ان کا کہنا تھا کہ مجھے پیسے میرے شوہر نے دیے مجھے نہیں پتہ وہ کہاں سے آئے ، میرے سلون انہی پیسوں سے بنے اور میں نے ٹیکس ریٹرن میں بھی ان پیسوں کو ڈکلیئر کیااداکارہ سلون اور ٹیکس اکاؤنٹ کیس میں وکلا کے ہمراہ آئیں ، جس پر ایف آئی اےافسر نے کہا کہ بیان کسی غیرمتعلقہ شخص کےسامنےریکارڈنہیں کرسکتے، آپ پہلے وکلا سے مشورہ کرلیں کیا کرنا ہے۔
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار