وفاقی وزیر اطلاعات عطاءاللہ تارڑکا کارکنان کو خراج عقیدت، آرگنائزنگ کمیٹی کے قیام کی تجویز
اشاعت کی تاریخ: 9th, February 2025 GMT
لاہور(نیوز ڈیسک) وفاقی وزیر اطلاعات عطاءاللہ تارڑ نے دعائیہ تقریب کے موقع پر میڈیا سے گفتگو کرتے ہوئے کہا کہ مسلم لیگ (ن) نے ماضی میں مشکل دور دیکھا، جہاں ہمارے کارکنان عدالتوں، تھانوں اور کچہریوں میں پیش ہوتے رہے۔ انہوں نے کہا کہ اگر کارکنان آواز نہ اٹھاتے تو آج کامیابی نہ ملتی۔
انہوں نے نواز شریف، شہباز شریف اور حمزہ شہباز کی گرفتاریوں کا حوالہ دیتے ہوئے کہا کہ جب ہمارے قائدین کو عدالت میں پیش کیا جاتا تو لاﺅڈ سپیکر بجائے جاتے تاکہ میڈیا سے گفتگو نہ ہو سکے۔ کلثوم نواز کی وفات کے موقع پر نواز شریف کو جیل میں اطلاع دی گئی، جو ایک تکلیف دہ لمحہ تھا۔
عطاءاللہ تارڑ نے کارکنان کی قربانیوں کو سراہتے ہوئے کہا کہ مسلم لیگ (ن) کے قائدین نے جمہوریت کی خاطر بڑی قربانیاں دیں۔ نواز شریف اور ان کے خاندان نے جو سختیاں برداشت کیں، وہ ناقابل بیان ہیں۔ کلثوم نواز کے آخری لمحات میں نواز شریف ان کے ساتھ وقت نہ گزار سکے، یہ دکھ ہمیشہ رہے گا۔
انہوں نے کہا کہ کارکنان ہی پارٹی کی اصل طاقت ہیں اور ان کی قربانیوں کو کبھی فراموش نہیں کیا جا سکتا۔ ہم ان کارکنان کو خراج عقیدت پیش کرتے ہیں جو اب اس دنیا میں نہیں رہے، جن میں چوہدری عتیق اور گڈو شاہ شامل ہیں، جنہوں نے دن رات پارٹی کی خدمت کی۔
عطاءاللہ تارڑ نے کارکنان کے لیے ایک خاص کارڈ کے اجرا کی تجویز دی، جس میں یہ معلوم ہو سکے کہ کون سا کارکن کس وقت پارٹی کے لیے متحرک تھا۔ انہوں نے تجویز دی کہ مشکل وقت میں ساتھ دینے والے کارکنان کے لیے ایک خصوصی شناخت دی جائے اور انہیں “مجاد دور” کا نام دیا جائے۔
وفاقی وزیر اطلاعات نے اعلان کیا کہ ایک آرگنائزنگ کمیٹی تشکیل دی جائے گی جو کارکنان کے مسائل کے حل کے لیے تجاویز دے گی۔ اس کمیٹی میں کوئی ایم این اے، ایم پی اے یا پارٹی عہدیدار شامل نہیں ہوگا بلکہ صرف کارکنان ہوں گے، تاکہ ان کے مسائل براہ راست سنے جا سکیں اور ان پر عمل درآمد کیا جا سکے۔
عطاءاللہ تارڑ نے اس عزم کا اظہار کیا کہ پارٹی کارکنان کی فلاح و بہبود ان کی اولین ترجیح ہے اور ان کے مسائل حل کرنے کے لیے ہر ممکن اقدامات کیے جائیں گے۔
.ذریعہ: Daily Mumtaz
کلیدی لفظ: عطاءاللہ تارڑ نے نواز شریف انہوں نے کے لیے اور ان کہا کہ
پڑھیں:
ایم این ایز کو اسلحہ لائسنس دیے جائیں: چیئرمین کمیٹی برائے داخلہ
---فائل فوتوقومی اسمبلی کی قائمہ کمیٹی برائے داخلہ نے ممبران اسمبلی کو اسلحہ لائسنس جاری کرنے کی ہدایت جاری کر دی۔
اسلحہ لائسنس کے اجراء سے متعلق داخلہ حکام نے کمیٹی کو بریفنگ دی جس میں حکام نے بتایا کہ اگر 5 سال بعد کوئی تجدید کے لیے آئے گا تو اسے ری نیو نہیں کیا جائے گا۔
اجلاس میں مسلم لیگ نواز کے ممبر ڈاکٹر طارق فضل نے کہا کہ آپ 2 سال بعد ری نیو نہیں کرتے ہمارے بہت سے ایم این ایز قبائلی اضلاع سے ہیں، انہیں حقیقی دھمکیاں ملی ہیں، اُن کے لیے اسلحہ لائسنس دینے سے متعلق اقدامات کیے جائیں، اسی طرح ٹیکس پیئرز اور بزنس کمیونٹی ہماری معیشت کی ریڑھ کی ہڈی ہیں، جو بندہ اربوں روپے ٹیکس دے رہا ہے اسے آپ اتنی بھی سہولت نہیں دے سکتے؟
چیئرمین کمیٹی برائے داخلہ راجہ خرم نواز نے کہا کم ازکم ایم این ایز کو تو قانونی طور پر اسلحہ رکھنے کی اجازت دی جائے، کمیٹی یہ ڈائریکشن دیتی ہےکہ کم از کم ایم این ایز کو اسلحہ لائسنس دیے جائیں۔
اجلاس میں ایم کیو ایم پاکستان کے رکن خواجہ اظہار نے کہا کہ بہت سے ایم این ایز کا تعلق کراچی سے ہے ان کے بھی لائسنس ایکسپائر ہو گئے ہیں۔
چیئرمین کمیٹی برائے داخلہ راجہ خرم نواز نے بتایا کہ لائسنس کی تجدید کے عمل میں بھی تاخیر ہو رہی ہے۔
کابینہ میں میری واپسی کا امکان بڑھ گیا ہے، مستعفی صیہونی وزیر داخلہ