بلے باز کے زور دار شارٹ سے بگلا جان کی بازی ہار گیا
اشاعت کی تاریخ: 9th, February 2025 GMT
سنڈنی ( نیوز ڈیسک ) سڈنی میں جاری بگ بیش لیگ میں بیٹر کے زور دار شارٹ سے بگلا ہلاک ہو گیا جس سے 1983 کےواقعہ کی یاد تازہ ہوگئی۔ آسٹریلیا میں جاری بگ بیش لیگ میں سڈنی سکسرز کے لیے کھیلتے ہوئے انگلش پلیئر جمیز وینس نےمیلبورن سٹارز کے تیز گیند باز جوئل پیرس کی گیند پر زور دار شارٹ کھیلا جو بگلے کو لگنے سے ہلاک ہو گیا،
سکیورٹی اہلکار بگلے کو اٹھا کر باہر لیکر گئے،ونس نے 44 گیندوں پر 53 رنز بنائے لیکن سکسرز کی شکست کو نہ روک سکے۔ بدقسمت واقعے نے 1983 میں میجر لیگ بیس بال کی یادیں تازہ کر دیں جب نیویارک یانکیز کے 31 سالہ آؤٹ فیلڈر ڈیو ون فیلڈ نے پانچویں اننگز کے وسط میں وارم اپ گیند پھینکی جس سے ایک سیگل ہلاک ہو گیا تھا ، ون فیلڈ کو پولیس اسٹیشن لے جایا گیا اور جانوروں کے ساتھ ظلم کا الزام لگایا گیا۔
من پسند ججز کی تعیناتیاں، کرپشن، ناقص گورننس کی چھان بین کیلئے آئی ایم ایف کی ٹیم پاکستان روانہ
.ذریعہ: Daily Ausaf
پڑھیں:
مالی:افریقہ کے گاؤ میں انتہاپسندوں کا حملہ، 56 افراد ہلاک
مالی: افریقہ کے مشرقی شہر گاؤ میں ایک خوفناک حملے میں درجنوں افراد جاں بحق ہوگئے جبکہ 13 افراد زخمی ہوئے ہیں۔
غیر ملکی میڈیا رپورٹس کےمطابق مالی کی فوج کے ترجمان نے کہاکہ انتہاپسندوں نے ایک سرکاری وفد پر اس وقت حملہ کیا جب وہ فوج کی سیکیورٹی میں سفر کر رہا تھا، اس حملے میں 25 شہری ہلاک اور 13 زخمی ہوئے جبکہ مقامی حکام کے مطابق ہلاکتوں کی تعداد 56 تک پہنچ چکی ہے۔
یہ واقعہ گاؤ سے 30 کلومیٹر دور کوبے گاؤں کے قریب پیش آیا، جو ایک عرصے سے داعش اور القاعدہ جیسے گروہوں کی سرگرمیوں کا مرکز رہا ہے۔
فوج نے جوابی کارروائی میں 19 حملہ آوروں کو ہلاک کرنے کا دعویٰ کیا ہے، تاہم فوجی اہلکاروں کے جانی نقصان کے بارے میں کوئی تفصیلات فراہم نہیں کی گئیں۔
مالی میں انتہاپسندی کی جڑیں 2012 میں توریگ علیحدگی پسند تحریک سے جڑی ہوئی ہیں اور اس کے بعد سے ملک میں تشدد کے واقعات میں مسلسل اضافہ ہو رہا ہے، گاؤ کے مقامی شہریوں کے مطابق فوج روزانہ کی بنیاد پر شہریوں کو سیکیورٹی فراہم کرنے کی کوشش تو کرتی ہے لیکن خونریزی معمول بن چکی ہے۔
خیال رہے کہ مالی، برکینا فاسو اور نائیجر میں 2020 سے 2023 کے دوران ہزاروں افراد شدت پسندی کی بھینٹ چڑھ چکے ہیں جبکہ لاکھوں افراد نقل مکانی پر مجبور ہوچکے ہیں۔
یوم یکجہتی کشمیر: پاکستانی مسلح افواج کا کشمیریوں کی حمایت کا اعادہ