آسٹریلیا نے سری لنکا کو 9 وکٹوں سے شکست دے کر سیریز 0-2 سے جیت لی
اشاعت کی تاریخ: 9th, February 2025 GMT
آسٹریلیا نے سری لنکا کو دوسرے ٹیسٹ میچ میں 9 وکٹوں سے شکست دے کر سیریز 0-2 سے اپنے نام کرلی ہے، سری لنکا کی ٹیم دوسری اننگزمیں 231 رنز پر آؤٹ ہوگئی، آسٹریلیا نے یہ ہدف بآسانی ایک وکٹ کے نقصان پر پورا کر لیا۔
اتوار کو مہمان ٹیم نے 75 رنز کے ہدف کا تعاقب کرتے ہوئے کھیل کے چوتھے روز لنچ سے قبل صرف ٹریوس ہیڈ کی وکٹ گنوائی اور میچ اور سیریز اپنے نام کر لی۔
اس سے قبل اتوار کی صبح آسٹریلیا نے سری لنکا کو 231 رنز پر ہی آؤٹ کر دیا تھا جس کے بعد میزبان ٹیم نے 8 وکٹوں کے نقصان پر 211 رنز کے اسکور میں صرف 20 رنز کا اضافہ کیا تھا۔
سری لنکا کی اتوار کے روز بیٹنگ بالکل مختصررہی ، میزبان ٹیم صرف 26 منٹ تک بلے بازی کرنے میں کامیاب ہوئی۔ کوشل مینڈس 50 رنز بناکر آؤٹ ہوئے جبکہ لہیرو کمارا 9 رنز بناکر آؤٹ ہوئے۔
آسٹریلیا کے اسپنرز نیتھن لیون اور میتھیو کوہنمین باؤلنگ اٹیک پر چھائے رہے اور اسپن باؤلنگ والی ٹرننگ پچ پر4 ، 4 کھلاڑیوں کو آؤٹ کیا جبکہ بیاؤویبسٹر نے 2 کھلاڑیوں کو آؤٹ کیا۔
کوہنیمین اپنے پانچویں ٹیسٹ میچ میں 16 وکٹیں لے کر سیریز میں سب سے زیادہ وکٹیں حاصل کرنے والے بولر کے طور پر سامنے آئے۔ ان کی کارکردگی خاص طور پر قابل ذکر تھی کیونکہ پہلے ٹیسٹ سے 2 ہفتے قبل ان کا دایاں انگوٹھا زخمی ہوگیا تھا۔
سری لنکا کی بیٹنگ کا زیادہ تر انحصار کوشل مینڈس پر رہا جنہوں نے اپنی پہلی اننگز میں ناقابل شکست 85 رنز بنائے تھے تاہم دوسری اننگز میں انہوں نے شاندار نصف سینچری اسکور کی۔
تاہم کچھ کوشل مینڈس تھوڑی ہی دیر بعد لیون کی گیند پر اسٹیو اسمتھ کے ہاتھوں کیچ آؤٹ ہو گئے، اسمتھ کا کیچ ایک اہم سنگ میل تھا، جس سے وہ ٹیسٹ تاریخ میں 200 کیچ پکڑنے والے پانچویں کھلاڑی بن گئے۔ وہ راہول ڈریوڈ، جو روٹ، مہیلا جے وردھنے اور جیک کیلس جیسے لیچنڈ کھلاڑیوں میں شامل ہو گئے۔
آسٹریلیا نے پہلے ٹیسٹ میں شاندار کارکردگی کا مظاہرہ کیا تھا، جس میں آسٹریلیا نے سری لنکا کو ایک اننگز اور 242 رنز سے شکست دی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپنرز نیتھن لیون آسٹریلیا اننگز بولنگ بیٹنگ ٹیسٹ میچ جیت چیمپیئن سری لنکا شاندار کارکردگی میتھیو کوہنمین.ذریعہ: WE News
کلیدی لفظ: ا سٹریلیا بولنگ بیٹنگ ٹیسٹ میچ جیت چیمپیئن سری لنکا شاندار کارکردگی سٹریلیا نے سری لنکا کو آسٹریلیا نے ا سٹریلیا
پڑھیں:
سہ ملکی سیریز؛ فخر کے پاس سعید انور کا ریکارڈ توڑنے کا موقع
چیمپئینز ٹرافی اسکواڈ میں واپسی کرنیوالے قومی ٹیم کے جارح مزاج اوپنر فخر زمان کو نیوزی لینڈ کیخلاف میچ میں لیجنڈری سعید انور کا ریکارڈ توڑنے کا موقع مل گیا۔
پاکستانی ٹیم آج سہ ملکی سیریز کے پہلے میچ میں نیوزی لینڈ کے خلاف قذافی اسٹیڈیم میں مدمقابل آئے گی، دونوں ٹیموں کے درمیان میچ مقامی وقت کے مطابق 2 بجے شروع ہوگا۔
اس میچ میں قومی ٹیم کے اوپنر فخر زمان کے پاس لیجنڈری اوپنر سعید انور کا نیوزی لینڈ کے خلاف سب سے زیادہ ون ڈے سینچریاں ریکارڈ توڑنے کا موقع ہے۔
مزید پڑھیں: چیمپئینز ٹرافی سے قبل چھکوں کو لیکر فخر زمان نے بڑی ڈیمانڈ کردی
فخر زمان کی واپسی اوپنر صائم ایوب کے انجرڈ ہونے کے بعد ہوئی ہے، وہ گزشتہ کچھ ماہ سے انجری کے باعث اسکواڈ سے باہر تھے۔
90 کی دہائی کے لیجنڈری اوپنر نے پاکستان کی نمائندگی کرتے ہوئے 32 اننگز میں 4 سنیچریاں اسکور کیں تھی جبکہ فخر زمان نے محض 17 اننگز میں کیویز کیخلاف 4 سنیچریاں اسکور کرچکے ہیں۔
مزید پڑھیں: کون سی ٹیمیں سیمی فائنل کھیلیں گی؟ شعیب اختر نے بتادیا
اگر جارح مزاج اوپنر آج میچ میں کیویز کیخلاف سینچری اسکور کرنے میں کامیاب ہوئے تو وہ یہ ریکارڈ اپنے نام کرلیں گے۔
مزید پڑھیں: بابراعظم سے اداکارہ نے کھلے عام ''محبت'' کا اظہار کردیا
ان کے علاوہ فہرست میں تیسرا نمبر رمیز راجا کا ہے جنہوں نے 19 میں 3، چوتھا نمبر احمد شہزاد کا ہے جنہوں نے 15 اننگز میں 2 جبکہ پانچواں نمبر بابراعظم ہے جنہوں نے بطور اوپنر نیوزی لینڈ کیخلاف 20 اننگز میں 2 سینچریاں بنانے کا اعزاز حاصل کر رکھا ہے۔
جموں و کشمیر کا تنازعہ پاکستان کی خارجہ پالیسی کا ایک اہم ستون ہے اور رہے گا، وزیراعظم