حکمرانوں کو کفایت شعاری اختیار کرنی چاہیے
اشاعت کی تاریخ: 9th, February 2025 GMT
ایک مشہور محاورہ ہے کہ ’’کفایت شعاری اوپر سے شروع ہوتی ہے‘‘ وطنِ عزیز میں اس محاورہ کے برعکس ہوتا نظر آرہا ہوتا ہے، حکمران سمیت اشرافیہ کا کہنا یہی ہوتا ہے کہ ’’کفایت شعاری نیچے سے شروع کی جائے‘‘ وہ کچھ بھی کرتے رہیں ان سے کوئی پوچھ گچھ نہیں کی جائے۔
وطنِ عزیز کی یہ ستم ظریفی ہے کہ نواب زادہ خان لیاقت علی خان کے بعد ہمیں جتنے بھی حکمراں ملے ان میں سے کسی نے بھی کفایت شعاری کو اپنانے کی کوشش نہیں کی بلکہ جیسے جیسے ملک آگے بڑھتا گیا ہمارے حکمرانوں کے انداز حکمرانی میں کفایت شعاری اور سادگی کی بجائے اصرافِ بے جا اور نمود و نمائش میں اضافہ ہوتا رہا اور ساتھ ہی ان کے اخراجات بھی آسماں سے باتیں کرتے نظر آنے لگے ہیں۔ آج صورتِ حال یہ ہے کہ صدر، وزیرِ اعظم، گورنر یا وزیرِ اعلیٰ جہاں سے ان کے قافلے کو گزرنا ہوتا ہے اس راستے پر کرفیو جیسا سماں ہوتا ہے سوائے پولیس و رینجرز کی نفری اور سرکاری گاڑیوں کے اور کچھ نہیں نظر آرہا ہوتا اور حیرت اس بات پر ہوتی ہے کہ ان گاڑیوں میں بیٹھے ہوئے رہمناؤں کو باہر کیا ہو رہا ہے کچھ نظر بھی نہیں آرہا ہوتا۔ کیا یہ اپنے ساتھ بیٹھے ہوئے اشخاص سے بھی نہیں پوچھتے کہ اس شہر کے عوام اچانک کہاں غائب ہوگئی ہے اور وہاں کی عوام کو ان کی اس نقل و حرکت سے کتنی تکالیف و پریشانیوں کا سامنا کرنا پڑتا ہے اور ہنگامی صورتِ حال سے دو چار طبعی امداد کے لیے کئی افراد بھی اپنے خالقِ حقیقی سے جا ملتے ہیں۔ اگر ہم اقوامِ عالم میں دیکھیں تو وہاں کے سربراہان جو ایک شہر سے دوسرے شہر یا اپنے ہی شہر میں ایک جگہ سے دوسری جگہ جاتے ہیں تو وہاں وطنِ عزیز جیسی کوئی صورتِ حال نظر نہیں آرہی ہوتی وہاں کے حکمران عام افراد کی طرح ہی اپنی نقل و حرکت جاری رکھتے ہیں۔ حفاظتی اقدامات ضرور ہونے چاہیں اور مربوط انداز میں ہونے چاہیں لیکن ضرورت سے زیادہ اہتمام بھی مناسب نہیں۔
کئی ماہ سے پانی کی قلت اور تنازع کے بارے میں خبریں گردش کررہی ہیں کہ عوام الناس کو روزمرہ کے استعمال اور ساتھ ہی پینے کے پانی کے حصول کے لیے کافی دقت کا سامنا کرنا پڑ رہا ہے، خصوصاً سندھ کے کئی شہر اس سے خاصے متاثر نظر آرہے ہیں جہاں پانی کی قلت شدد اختیار کر گئی ہے اور لمبی قطاریں بنی نظر آرہی ہوتی ہیں جس میں ہر عمر کے مرد، خواتین اور بچے برتن تھامے نظر آرہے ہوتے ہیں۔ دوسری طرف وطنِ عزیز کے اشرافیہ، سیاست دان، صدر، وزیرِ اعظم، گورنر، وزیرِاعلیٰ سمیت تمام حکومتی عہد داران کی رہائش گاہیں و دفاتر کی طرف دیکھا جائے جہاں صبح و شام بڑی بڑی کیاریوں اور لان کو وافر مقدار پانی سے تر کیا جارہا ہوتا ہے۔ ان جگہوں میں رہائشی رقبہ تو مختصر ہوتا ہے لیکن غیراستعمال شدہ رقبہ کئی ایکڑ پر پھیلا ہوا ہوتا ہے جس کو دیگر کسی مصرف میں لایا جاسکتا ہے۔ ان کیاریوں اور لانوں کو جس مقدر میں پانی استعمال کیا جاتا ہے اتنا پانی آدھے شہر کی ضرورت پوری کرسکتا ہے۔ دراصل ہمارے حکمران سمیت عوام بھی بے حس ہوگئی ہے کہ کسی بھی چیز میں بھی اب برائی نظر نہیں آرہی ہوتی۔ عوام کو بنیادی سہولیات، صاف پانی، گیس، بجلی، صحت، طبعی سہولت ملے یا نہ ملے اس سے حکمرانوں کو کوئی غرض نہیں رہی۔
اصل میں یہ تمام چیزیں سوچنے کی ہیں لیکن ان پر اس وقت عمل ہوسکتا ہے جب ہم کفایت شعاری اور سادگی کو اپنائیں، جس دن بھی حکمران اور سیاسی رہنما اپنے مفادات و عیاشیوں سے صرفِ نظر کرکے وطنِ عزیز کے ساتھ عوام کی بھلائی کے لیے سوچنے لگیں تو سمجھ لیں ان شاء اللہ اس دن سے وطن اور عوام کی حالت بدلنا شروع ہو جائے گی۔ دنیا سمیت پاکستان میں ایسے بے شمار شخصیات گزری ہیں جنہوں نے کفایت شعاری اور سادگی کو اپنا شعار بنایا انہیں الحمدللہ آج بھی عوام اچھے الفاظ سے یاد کرتی ہے۔ ان میں وہ لوگ بھی شامل ہیں جو ملک کے سربراہ رہے ہیں، یہ لوگ حکمرانی کی وجہ سے نہیں بلکہ کفایت شعاری اور سادگی کے حوالے سے یاد کیے جاتے ہیں۔ پاکستان کے پہلے وزیرِ اعظم خان لیاقت علی خان جب شہید ہوئے تو ان کی بنک میں کل رقم بتیس روپے تھی اور ان کی قمیص پیوند شدہ تھی۔ وزیرِ اعظم محمد خان جونیجو اپنی اچھی عادات کی وجہ سے آج بھی عوام الناس کے دلوں میں زندہ ہیں۔ انہوں نے بلاتفریق تمام سرکاری افسران کے لیے آٹھ سو سی سی کی گاڑی سے اوپر کی گاڑی استعمال کرنے پہ پابندی عائد کردی تھی اور خود بھی چھوٹی گاڑی میں سفر کرتے تھے۔ آج ہمارے اربابِِ اختیار پرانی گاڑی کتنی بھی اچھی حالت میں کیوں نہ ہو اس میں بیٹھنا اپنی توہین سمجھتے ہیں اور اس کے ساتھ ہی ہر سال نئی ماڈل کی گاڑی انہیں درکار ہوتی ہے چاہے ان کے زیر استعمال گاڑی کتنی ہی اچھی حالت میں کیوں نہ ہو اور ہر سال ہی عوام کے ٹیکس سے اربوں روپوں کی نئی گاڑیوں کی خریداری کی جاتی ہے اور استعمال شدہ اچھی حالت کی گاڑیوں کو ضائع کردیا جاتا ہے اور اس کے ساتھ ہی نئی رہائش گاہوں کی تعمیر کرائی جاتی ہیں یا نئے سرے سے تزئین و آرائش کے کام میں کرائے جارہے ہوتے ہیں اور ان سب عیاشیوں کا بوجھ وطنِ عزیز کے خزانہ اور عوام کے ناتواں کندھوں پر پڑتا ہے جبکہ وطنِ عزیز کی گلی کوچوں میں گندگی کے ڈھیر لگے ہوئے ہیں۔(جاری ہے)
ذریعہ: Daily Ausaf
کلیدی لفظ: ہوتا ہے ساتھ ہی کی گاڑی ہے اور کے لیے
پڑھیں:
صدر کو دریائے سندھ پر نہروں کی تعمیر کی منظوری کا اختیار نہیں، مراد علی شاہ
دریائے سندھ پر نہروں کی تعمیر کا منصوبہ حکومت پنجاب کا گرین انیشیوٹیو کا حصہ ہے
پارٹی چیئرمین کی ہدایت پر پہلے بھی کام کیا ہے آگے اور زیادہ کریں گے ، وزیراعلیٰ
وزیر اعلیٰ سندھ سید مراد علی شاہ نے کہا ہے کہ دریائے سندھ پر نہروں کی تعمیر کا منصوبہ حکومت پنجاب کا گرین انیشیوٹیو کا حصہ ہے ۔انہوں نے سجاول اور ٹھٹھہ میں کئی سو کلو میٹر واٹر چینلز پکے کیے جانے کے بعد میڈیا سے بات کی۔انہوں نے کہا کہ پارٹی چیئرمین کی ہدایت پر پہلے بھی کام کیا ہے آگے اور زیادہ کریں گے ، دریائے سندھ پر نہروں کی تعمیر پیپلز پارٹی کو بدنام کرنے کی سازش ہے ۔ان کا کہنا ہے کہ سندھ، کے پی کے اور پنچاب کے لوگ دریائے سندھ کے مالک ہیں۔مراد علی شاہ نے کہا کہ یہ لوگ کہتے ہیں کہ زرداری صاحب نے نہروں کی اجازت دی، لیکن صدر کو کسی چیز کی منظوری کا اختیار نہیں، وہ اپنا پالیسی اسٹیٹمنٹ جوائنٹ سیشن میں دیتے ہیں۔انہوں نے کہا کہ صدر کو جیسے ہی پہلا موقع ملا انہوں نے فوری اس پر اعتراض کیا اور کہا کہ وہ اس منصوبے کو سپورٹ نہیں کرتے ۔وزیرِ اعلی سندھ نے کہا کہ بلاول بھٹو نے بھی کینالز کے خلاف 27 دسمبر کو واضح اعلان کیا تھا۔
ملتان، شہداء کی یاد میں چراغاں