غزہ پر قبضے کا موقف: غیر دانشمندانہ اور ناقابلِ عمل سوچ
اشاعت کی تاریخ: 9th, February 2025 GMT
غزہ پر قبضے کی سوچ نہ صرف بڑی تباہی کا پیش خیمہ ہو سکتی ہے بلکہ عملی طور پر بھی ناقابلِ عمل ہے۔ کسی بھی بیرونی طاقت کی طرف سے غزہ پر براہ راست قبضے کی کوشش بین الاقوامی قوانین، سفارتی اصولوں اور انسانی حقوق کے بنیادی ضوابط کی کھلی خلاف ورزی ہوگی۔ یہ اقدام نہ صرف اقوام متحدہ کے چارٹر کے منافی ہوگا، بلکہ عالمی برادری، خاص طور پر مسلم دنیا اور انسانی حقوق کی تنظیموں کی شدید مزاحمت کا سامنا بھی کرے گا۔ بین الاقوامی قانون کی خلاف ورزی بین الاقوامی قانون کے تحت، کسی بھی خودمختار یا نیم خودمختار علاقے پر زبردستی قبضہ غیر قانونی ہے۔ اقوام متحدہ کی قراردادیں اور عالمی معاہدے ریاستوں کی خودمختاری اور عوام کے حقِ خود ارادیت کو تسلیم کرتے ہیں۔
فلسطینی عوام کو بھی اپنے مستقبل کا فیصلہ کرنے کا وہی حق حاصل ہے جو دیگر اقوام کو دیا گیا ہے۔ کسی طاقتور ملک کی جانب سے اس حق کو دبانے کی کوشش عالمی سطح پر کشیدگی کو مزید بڑھا سکتی ہے اور علاقائی استحکام کے لیے خطرہ بن سکتی ہے۔امریکہ کے لیے عالمی تنہائی کا خطرہ ڈونلڈ ٹرمپ کا غزہ پر قبضے کا نیا موقف ان کی سابقہ پالیسیوں سے ہٹ کر ہے۔ اگر امریکہ براہ راست یا بالواسطہ اس نظریے کی حمایت کرتا ہے تو اسے شدید عالمی ردعمل کا سامنا کرنا پڑے گا۔ امریکہ کی بین الاقوامی ساکھ پہلے ہی کئی متنازعہ پالیسیوں کے باعث متاثر ہو چکی ہے، اور غزہ پر ممکنہ قبضے جیسا قدم اسے مزید عالمی تنہائی کی طرف دھکیل سکتا ہے۔خاص طور پر مسلم ممالک میں اس فیصلے کے خلاف شدید ردِعمل آئے گا، جو نہ صرف سفارتی سطح پر امریکہ کے اثر و رسوخ کو کمزور کرے گا بلکہ امریکہ کے معاشی اور تجارتی مفادات کو بھی نقصان پہنچا سکتا ہے۔
ایک طاقتور ملک ہونے کے باوجود، امریکہ کو یہ سمجھنا چاہیے کہ طاقت کے بے جا استعمال سے قلیل مدتی فوائد حاصل ہو سکتے ہیں، لیکن طویل مدتی نقصانات ناگزیر ہیں۔
چین، روس، یورپی یونین اور دیگر بڑی عالمی طاقتیں بھی اس اقدام کی مذمت کریں گی، جس سے امریکہ کے لیے نئے چیلنجز پیدا ہوں گے۔طاقت کے زعم کے نتائج اگرچہ طاقتور ممالک بسا اوقات اپنی فوجی قوت کے بل پر فیصلے مسلط کرنے کی کوشش کرتے ہیں، لیکن تاریخ ہمیں بتاتی ہے کہ ایسے فیصلے دیرپا کامیابی حاصل نہیں کر پاتے۔ افغانستان، عراق اور دیگر خطوں میں فوجی مداخلت کے نتائج واضح ہیں، جہاں طاقت کے بل پر مسلط کیے گئے فیصلے طویل مدتی استحکام اور امن کی بجائے مزید تنازعات کو جنم دیتے ہیں۔غزہ ایک منفرد جغرافیائی، سیاسی اور سماجی حیثیت رکھتا ہے۔ وہاں طاقت کے بل پر قبضہ کرنا کسی بھی عملی حکمتِ عملی کے مطابق ممکن نہیں۔ مقامی آبادی کی مزاحمت، بین الاقوامی پابندیاں، اور عالمی سطح پر ممکنہ ردِعمل اسے ایک ایسی جنگ میں تبدیل کر دے گا جس کے نتائج خود قبضہ کرنے والوں کے لیے بھی خطرناک ثابت ہو سکتے ہیں۔
غزہ پر قبضے جیسے اقدام سے نہ صرف عالمی امن کو خطرہ لاحق ہوگا، بلکہ امریکہ کی اپنی معاشی، سیاسی اور سفارتی حیثیت کو بھی شدید دھچکا لگے گا۔غزہ پر قبضے کا ممکنہ اقدام نہ تو قانونی ہے، نہ ہی عملی۔ یہ نہ صرف بین الاقوامی برادری کی جانب سے مسترد کیا جائے گا، بلکہ امریکہ کے لئے بھی تباہ کن نتائج کا باعث بن سکتا ہے۔ ایسے اقدامات سے پرہیز کرنا اور تنازعات کے حل کے لئے پرامن اور قانونی راستے بین الاقوامی قراردادوں کے مطابق اختیار کرنا ہی دانشمندی ہے۔ طاقت کا زعم کسی طرح کسی مسئلہ کا حل نہیں ہو سکتا۔
تنازع کے حل کے لیے پرامن راستہ ہی بہترین آپشن عقلمندی اسی میں ہے کہ عالمی برادری طاقت کے غیر ضروری استعمال کی بجائے، سفارتی اور قانونی ذرائع سے فلسطینی مسئلے کا حل تلاش کرے۔ اقوام متحدہ کی قراردادوں اور بین الاقوامی معاہدوں کے مطابق مسئلے کا پرامن اور منصفانہ حل ہی حقیقی استحکام اور امن کی ضمانت دے سکتا ہے۔غزہ پر قبضے کی کوئی بھی کوشش نہ صرف ناقابلِ عمل ہے بلکہ عالمی برادری کی طرف سے شدید مخالفت اور ممکنہ ردِعمل کا سامنا بھی کرے گی۔ بہتر یہی ہے کہ عالمی قیادت انصاف اور امن کی راہ اختیار کرے، تاکہ ایک دیرپا اور منصفانہ حل ممکن ہو سکے۔ ورنہ طاقت کے گھمنڈ میں کئی فرعون اور نمرود نیست و نابود ہوگئے۔
ذریعہ: Daily Ausaf
کلیدی لفظ: بین الاقوامی امریکہ کے کہ عالمی سکتا ہے طاقت کے کے لیے
پڑھیں:
سزائے موت اسلامی قانون کا حصہ ہے، طالبان رہنما کا موقف
اسلام آباد (اُردو پوائنٹ ۔ DW اردو۔ 13 اپریل 2025ء) افغان طالبان کے رہنما ملا ہیبت اللہ اخوندزادہ نے گزشتہ جمعے کو افغانستان میں چار افراد کو دی گئی سزائے موت کو اسلامی شریعت کا لازمی حصہ قرار دیا ہے۔ قبل ازیں انسانی حقوق کے گروپوں اور اقوام متحدہ کی جانب سے ان چار افراد کو سرعام دی گئی سزائے موت کو شدید تنقید کا نشانہ بنایا گیا تھا۔
یہ سزائیں سن 2021 میں طالبان کی اقتدار میں واپسی کے بعد ایک ہی دن میں دی جانے والی موت کی سب سے زیادہ سزاؤں میں سے تھیں۔ موت کی سزائیں کب اور کہاں دی گئیں؟افغانستان کی سپریم کورٹ نے چار افراد کو قتل کے جرم میں مجرم قرار دیا تھا۔ عدالت نے فیصلہ سنایا کہ مقتولین کے اہل خانہ نے ملزمان کو معافی دینے سے انکار کر دیا تھا، جس کے بعد سزائے موت کا حکم جاری کیا گیا۔
(جاری ہے)
یہ سزائیں گزشتہ جمعے کو تین مختلف صوبوں نمروز، فراہ اور بادغیس کے اسٹیڈیمز میں ہزاروں تماشائیوں کے سامنے دی گئیں۔ طالبان کے جنگجوؤں نے بندوقوں سے فائرنگ کر کے ان سزاؤں پر عمل درآمد کیا۔
اخوندزادہ کا موقفاتوار کو طالبان کے ترجمان ذبیح اللہ مجاہد نے ایکس پر اخوندزادہ کا ایک 45 منٹ کا آڈیو پیغام جاری کیا، جو انہوں نے جنوبی صوبے قندھار میں حج انسٹرکٹرز کے ایک سیمینار کے موقع پر دیا تھا۔
اخوندزادہ نے کہا، ''ہمیں نظم و ضبط کے لیے اقدامات کرنے، نمازیں پڑھنے اور عبادات کا حکم دیا گیا ہے۔ اسلام صرف چند رسومات تک محدود نہیں، یہ الہٰی احکام کا ایک مکمل نظام ہے۔‘‘انہوں نے مزید کہا کہ خدا نے لوگوں کو نماز کے ساتھ ساتھ سزاؤں پر عملدرآمد کا بھی حکم دیا ہے۔ اخوندزادہ نے دعویٰ کیا کہ طالبان نے اقتدار یا دولت کے لیے جنگ نہیں لڑی، بلکہ ان کا مقصد ''اسلامی قانون کا نفاذ‘‘ ہے۔
انہوں نے ان سزاؤں پر عالمی تنقید کو مسترد کرتے ہوئے کہا کہ مغربی قوانین کی افغانستان میں ضرورت نہیں۔ سزاؤں پر عالمی ردعملاقوام متحدہ کی امدادی مشن برائے افغانستان (یو این اے ایم اے) نے ان سزاؤں کو انسانی حقوق کی ''واضح خلاف ورزی‘‘ قرار دیتے ہوئے فوری طور پر موت کی تمام سزاؤں پر پابندی کا مطالبہ کیا ہے۔ انسانی حقوق کے گروپوں نے خدشہ ظاہر کیا کہ عوامی سطح پر سزائیں خوف پھیلانے اور طالبان کے سخت گیر نظریے کو مسلط کرنے کا ذریعہ ہیں۔
یو این اے ایم اے نے ان سزاؤں کو مسترد کرتے ہوئے شفاف عدالتی کارروائی، منصفانہ مقدمات اور ملزمان کے لیے قانونی نمائندگی کے حق کی ضرورت پر زور دیا۔گزشتہ روز اقوام متحدہ کے انسانی حقوق کے دفتر نے ان سزاؤں پر شدید غم و غصے کا اظہار کرتے ہوئے کہا تھا، ''یہ انسانی وقار اور حق حیات سے بنیادی طور پر متصادم ہیں۔‘‘
ہیومن رائٹس واچ نے ان سزاؤں کو ''شدید پریشان کن‘‘ اور ''بین الاقوامی انسانی حقوق کے قانون کی سنگین خلاف ورزی‘‘ قرار دیا۔
اس تنظیم کی افغانستان ریسرچر فرشتہ عباسی نے کہا کہ یہ واقعات عالمی برادری، خاص طور پر اقوام متحدہ کی انسانی حقوق کی کونسل کے لیے ایک یاد دہانی ہیں کہ وہ افغانستان میں ایک آزاد احتسابی نظام قائم کرے تاکہ ''ان غیر قانونی اقدامات کے ذمہ داروں‘‘ کو جواب دہ بنایا جا سکے۔ طالبان کی سابقہ پالیسیاںاخوندزادہ نے سن 2022 میں ججوں کو ہدایت کی تھی کہ وہ اسلامی شریعت کے تحت حدود اور قصاص کی سزاؤں کو مکمل طور پر نافذ کریں۔
نومبر 2022 میں لوگر صوبے میں 12 افراد کو سرعام کوڑے مارے گئے تھے، جو طالبان کی اقتدار میں واپسی کے بعد اس طرح کی سزا کا پہلا مصدقہ واقعہ تھا۔ ماہرین کا کہنا ہے کہ طالبان کے پہلے دور (1996-2001) میں بھی عوامی سطح پر دی جانے والی سزائیں عام تھیں اور موجودہ پالیسیاں اسی طرز کی طرف واپسی کا اشارہ دیتی ہیں۔ عالمی تعلقات پر اثراتاخوندزادہ کا یہ بیان ایک ایسے وقت پر سامنے آیا ہے، جب طالبان مغربی ممالک سمیت عالمی برادری کے ساتھ تعلقات بہتر بنانے کی کوشش کر رہے ہیں۔
گزشتہ ماہ امریکہ نے طالبان کے تین سینئر رہنماؤں بشمول وزیر داخلہ، جو ایک طاقتور نیٹ ورک کے سربراہ بھی ہیں، کے سروں کے لیے رکھی گئی انعامی رقوم ختم کر دی تھیں۔ رواں سال طالبان نے چار امریکی شہریوں کو رہا کیا، جنہیں وہ امریکہ کے ساتھ تعلقات کی ''نارملائزیشن‘‘ کا حصہ قرار دیتے ہیں۔ تاہم انسانی حقوق کی خلاف ورزیوں اور عوامی سطح پر سزاؤں نے طالبان کی ممکنہ بین الاقوامی قبولیت کی راہ میں ایک بڑی رکاوٹ پیدا کر رکھی ہے۔ افغان عوام کے خدشاتافغانستان میں طالبان کے سخت گیر قوانین کے باعث خواتین کے حقوق، تعلیم اور آزادیوں پر شدید پابندیاں عائد ہیں۔ طالبان رہنما اخوندزادہ کی پالیسیوں کے نتیجے میں لڑکیوں کی ثانوی تعلیم پر پابندی ہے اور خواتین کی عوامی مقامات تک رسائی بھی محدود ہو چکی ہے۔
ادارت: مقبول ملک
مظفرآباد، جیپ کھائی میں گرنے سے 3 افراد جاں بحق