انڈونیشیا کا غزہ کی پٹی میں 100 مساجد تعمیر کرنے کا اعلان
انڈونیشیا کی مساجد کونسل نے کہاہے کہ وہ غزہ کی پٹی میں 100 مساجد تعمیر کرنے کا ارادہ رکھتی ہے۔ انڈونیشیا کے سابق نائب صدر محمد یوسف کلہ نے بتایا کہ غزہ میں ڈیڑھ سال کے دوران ایک ہزار سے زائد مساجد شہید ہوچکی ہیں۔ پہلے قدم کے طور پر انڈونیشیا کی مساجد کونسل 10 نیم مستقل مساجد تعمیر کرے گی، جس کی کل تعداد 100 مساجد تک پہنچ جائے گی۔انہوں نے امید کا اظہار کیا کہ انڈونیشیا کے شہری غزہ میں مساجد کی تعمیر میں مدد کے لیے اپنی آمدن کا 10 فی صد تک خرچ کرسکتے ہیں۔ انہوںنے کہا کہ ہم نے غزہ میں متعلقہ حکام کے ساتھ رابطہ قائم کیا ہے اور اس بات کا تعین کریں گے کہ تعمیراتی عمل کو کیسے شروع کیا جائے۔ یوسف نے انڈونیشیا میں نمازیوں کو اس پروگرام میں شرکت کی ترغیب دیتے ہوئے تباہ شدہ مساجد کی تعمیر نو میں مدد میں بڑھ چڑھ کر حصہ لینے کی اپیل کی۔
اسرائیلی فوجیوں نے کوریج کرنے والی فلسطینی صحافیہ کو گولی مار دی
فلسطین کے مقبوضہ مغربی کنارے کے شمالی شہر طولکرم میں جارحیت کے دوران فوجی حملے کی کوریج کرنے والی ایک فلسطینی صحافیہ کو گولی مار دی جس کے نتیجے میں وہ شدید زخمی ہوگئی۔ عینی شاہدین نے بتایاکہ قابض فوج نے طولکرم پر دھاوے کے دوران نغم الزائط کو گولیاں مار کر زخمی کردیا۔ صحافی صہیب ابو دیاک نے بتایا کہ نغم اور دیگر فلسطینی صحافی شہر میں الشاہد چوک میں تھے جب قابض فوج نے ان پر براہ راست فائرنگ کی ۔ اسے زخمی حالت میں شہر میں ہلال احمر کے اسپتال منتقل کیا گیا ار فوری طبی امداد فراہم کی گئی۔ اسرائیلی فوج نے صحافیوں کو کوریج سے روکنے کے لیے ان پر فائرنگ کی اور ان پر صوتی بموں کا استعمال کیا۔
العراقیب گائوں صہیونی فوج کے ہاتھوں 235 ویں بار مسمار
گزشتہ 15سال سے اسرائیلی فوج کی دہشت گردی کا تواتر کے ساتھ نشانہ بننے والا العراقیب گاؤں ایک بار پھر مسمار کردیا گیا۔ فلسطینی قصبے العراقیب کی مسماری کا سلسلہ جولائی 2010ء کے بعد سے جاری ہے اور اب تک اسے235 بار مسمار کیا جا چکا ہے۔ انہدامی کارروائی میں صہیونی فوجیوں نے العراقیب گائوں کے باشندوں کے عارضی خیمے بھی اکھاڑ پھینکے اوران کی کرسیاں اور خیموں میں موجود دیگر سامان بھی لوٹ لیا۔ یہ کارروائی ایک ایسے وقت میں کی گئی جب فلسطین میں موسم شدید خراب ہے اور بارش کا سلسلہ جاری رہے۔صہیونی فوج، پولیس اور اسپیشل فورسز کے سیکڑوں اہلکاروں نے بھاری مشینوں اور بلڈوزروں کی مدد سے شہریوں کے مکانات کی مسماری شروع کی اور سیکڑوں فلسطینیوں کو ایک بار پھر سخت موسم کے باوجود ان کی کچی جھونپڑیوں سے بھی محروم کردیا ۔
اونرواکے کام میں خلل پڑنے سے لاکھوں فلسطینیوں کی زندگی داؤ پر لگ گئی
اقوام متحدہ کی ریلیف اینڈ ورکس ایجنسی برائے فلسطینی پناہ گزین اونرواکے کمشنر جنرل فلپ لازارینی نے اعلان کیا کہ اسرائیلی پابندیوں کی وجہ سے مقبوضہ فلسطینی علاقوں میں اقوام متحدہ کے ادارے کا کام متاثر ہوگا۔ لازارینی نے بیانات میں کہا کہ اسرائیل کا اونروا پردہشت گردی کا الزام اقوام متحدہ کے اداروں کے کام میں مداخلت کا غیر معمولی واقعہ ہے۔ انہوں نے زور دے کر کہا کہ یو این آر ڈبلیو اے کی سرگرمیوں پر اسرائیل کی پابندی لاکھوں فلسطینیوں کی تقدیر کو داؤ پر لگا دے گی۔اقوام متحدہ کی ایجنسی کی موجودگی فلسطینی علاقوں میں استحکام کی ضمانت ہے۔ ہم فلسطینی علاقوں میں روزانہ 17ہزار سے زیادہ طبی خدمات فراہم کرتے ہیں۔
اسرائیلی زندانوں میں قید یوں پر بہیمانہ تشدد ‘2 فلسطینی شہید
اسرائیلی جیلوں میں قید 2فلسطینی شہری صہیونی جلادوں کے وحشیانہ تشدد سے شہید ہوگئے۔ فلسطینی اسیران کے ذمے دار اداروں نے بتایا کہ قابض اسرائیلی قابض اسرائیلی زندانوں میں غزہ کی پٹی سے تعلق رکھنے والے 2قیدیوں محمد شریف العسلی اور ابراہیم عدنان عاشور کی شہادت کا اعلان کیا۔ نئے شہدا کے بعد قابض ریاست کی جیلوں میں شہید ہونے والے قیدیوں کی تعداد 57 ہوگئی ہے۔ خدشہ ہے کہ صہیونی زندانوں میں شہید قیدیوں کی تعداد بیان کردہ اعدادوشمار سے کہیں زیادہ ہے۔ واضح رہے کہ اس وقت ہزاوں فلسطینی اسرائیلی زندانوں میں قید ہیں۔
ذریعہ: Jasarat News
پڑھیں:
اسرائیلی مفادات کو تسلیم کرنے کی قیاس آرائیاں بے بنیاد، فارن آفس کا بیان
اسلام آباد میں فارن آفس نے اسرائیلی مفادات کو تسلیم کرنے کی قیاس آرائیاں بے بنیاد قرار دیتے ہوئے کہا ہے کہ پاکستان تو اسرائیل کے ساتھ کسی کثیرالجہتی پلیٹ فارم تک پر رابطہ نہیں رکھتا۔
دفترخارجہ کی طرف سے آج ایک وضاحتی بیان جاری کیا گیا جس میں کہا گیا کہ اسرائیلی مفادات کو تسلیم کرنے کی قیاس آرائیاں بے بنیاد ہیں، پاکستان اسرائیل کوتسلیم نہیں کرتا،کثیرالجہتی پلیٹ فارمز پر رابطے بھی نہیں کرتا۔
صدر مملکت نے پیٹرولیم لیوی بڑھانے کا آرڈیننس جاری کر دیا
فلسطین سے متعلق اقوام متحدہ قرارداد پر سوشل میڈیا پوسٹس گمراہ کن ہیں،قرارداد پاکستان کی نہیں بلکہ جنیوا میں اوآئی سی گروپ کی سالانہ مشترکہ پیشکش تھی۔قرارداد کا متن فلسطینی وفد کی منظوری اور اوآئی سی کی تائید سے پیش کیا گیا۔پاکستان نے کسی بھی مرحلے پر قرارداد کے متن میں یکطرفہ ترمیم نہیں کی۔پاکستان کا فلسطینی کاز سے تاریخی اور غیرمتزلزل عزم برقرار ہے۔
دفترخارجہ کی جانب سے جاری بیان میں کہا گیا ہے کہ فلسطین سے متعلق اقوام متحدہ قرارداد پر سوشل میڈیا پوسٹس گمراہ کن ہیں، قرارداد پر بعض سوشل میڈیا تبصروں کی بنیاد غلط میڈیا رپورٹس پر ہے۔
پنجاب میں بارشوں کی پیشگوئی، لاہور کا موسم کیسارہیگا؟
دفتر خارجہ کا کہنا ہے کہ پاکستان نے قرارداد او آئی سی کوآرڈینیٹر کی حیثیت سے پیش کی، قرارداد پاکستان کی نہیں بلکہ جنیوا میں اوآئی سی گروپ کی سالانہ مشترکہ پیشکش تھی، قرارداد کا متن فلسطینی وفد کی منظوری اور او آئی سی کی تائید سے پیش کیا گیا۔
دفتر خارجہ کے مطابق پاکستان نے کسی بھی مرحلے پر قرارداد کے متن میں یکطرفہ ترمیم نہیں کی، قرارداد کا مقصد تجویز کو ختم کرنا نہیں بلکہ اسے اقوام متحدہ جنرل اسمبلی کے سپرد کرنا ہے۔
سٹیج اداکارہ خوشبو پر پابندی برقرار، ندا چوہدری ، آفرین خان کو ریلیف مل گیا
دفتر خارجہ کا کہنا ہے کہ پاکستان نے فلسطینی وفد کی درخواست پر او آئی سی کی مزید 2 قراردادیں بھی پیش کیں، پاکستان کا فلسطینی کاز سے تاریخی اور غیرمتزلزل عزم برقرار ہے۔
Waseem Azmet
پارٹی رہنماوں کے ایک دوسرے پر الزامات، عمران خان نے وارننگ دیدی