مشتاق احمد، انضمام الحق، سعید انور اور مصباح الحق ہال آف فیم میں شامل
اشاعت کی تاریخ: 8th, February 2025 GMT
مشتاق احمد، انضمام الحق، سعید انور اور مصباح الحق ہال آف فیم میں شامل WhatsAppFacebookTwitter 0 8 February, 2025 سب نیوز
لاہور (سب نیوز)پاکستان کرکٹ بورڈ کے چیئرمین محسن نقوی نے ہال آف فیم میں شامل سابق کپتان انضمام الحق اور مصباح الحق کو سوینئرز پیش کر دیئے۔
تفصیلات کے مطابق سہ فریقی سیریز کے پہلے پاک نیوزی لینڈ میچ کے دوران چیئرمین پی سی بی محسن نقوی نے انضمام الحق اور مصباح الحق کو ہال آف فیم کیپ پہنائی اور دونوں کھلاڑیوں کو پلاک بھی پیش کئے۔چیئرمین پی سی بی محسن نقوی نے چاروں کرکٹ لیجنڈز کو مبارکباد پیش کرتے ہوئے کہا کہ پی سی بی ہال آف فیم میں ان کی شمولیت ان کی گراں قدر خدمات کو خراج تحسین پیش کرنا ہے۔
انضمام الحق اور مصباح الحق نے ہال آف فیم کیپ پہن کر گراونڈ کا چکر لگایا تو شائقین کرکٹ نے دونوں سابق کپتانوں کا تالیاں بجاکرخیر مقدم کیا۔چیئرمین پی سی بی محسن نقوی نے چاروں کرکٹ لیجنڈز کو مبارکباد پیش کرتے ہوئے کہا کہ پی سی بی ہال آف فیم میں ان کی شمولیت ان کی گراں قدر خدمات کو خراج تحسین پیش کرنا ہے۔انہوں نے کہا کہ مشتاق محمد کو پاکستان کے بہترین کپتانوں میں شمار کیا جاتا ہے جو اپنی ہوشیار قیادت اور متاثر کن انداز کے لیے شہرت رکھتے ہیں۔ محسن نقوی نے کہا کہ سابق کپتان انضمام الحق کے بے پناہ ٹیلنٹ اور میچ جیتنے کی صلاحیت نے انمٹ نقوش چھوڑے ہیں۔
محسن نقوی نے کہا کہ مصباح الحق نے مشکل وقت میں پاکستانی ٹیم کی قیادت سنبھالی ، ٹیسٹ رینکنگ کا عروج اور کیریبین میں تاریخی ٹیسٹ سیریز جیتنا ان کے کریئر کا اہم حصہ ہے جبکہ سعید انور نے اپنے فطری وقار اور کلاسیکل تکنیک کے ساتھ اوپنر کے کردار کی نئی تعریف پیش کی اور تمام حالات میں دنیا کے بہترین بالرز کے خلاف کامیابی حاصل کی۔ انہوں نے کہا کہ کھیل کے یہ چار بڑے کھلاڑی پاکستان کرکٹ کی تاریخ میں ایک خاص مقام رکھتے ہیں۔انہوں نے کہا کہ پاکستان کی خوش قسمتی ہے کہ اس نے ایسے غیر معمولی کھلاڑی پیدا کیے جنہوں نے عالمی سطح پر اپنی مہارت اور کھیل کا لوہا منوایا، امید ہے کہ ہمارے کرکٹرز ان آئیکونز کو دیکھیں گے اور ان کے نقش قدم پر چلنے کی کوشش کریں گے۔ان کا کہنا تھا کہ سینیئر کھلاڑیوں کی میراث کو آگے بڑھاتے ہوئے اور کرکٹ کے پاور ہاس کے طور پر پاکستان کی پوزیشن کو مزید مستحکم کرنے کی کوشش کریں گے۔
ذریعہ: Daily Sub News
کلیدی لفظ: اور مصباح الحق ہال آف فیم میں محسن نقوی نے انضمام الحق نے کہا کہ پی سی بی
پڑھیں:
وزیر داخلہ محسن نقوی کا امریکی وفد کے ہمراہ کرتارپور راہداری اور گوردوارہ دربار صاحب کا دورہ
اسلام آباد: وزیر داخلہ محسن نقوی نے امریکی کانگریس کے وفد کے ہمراہ کرتارپور راہداری اور گوردوارہ دربار صاحب کا دورہ کیا ہے جس کے دوران امریکی وفد نے بیساکھی میلے میں شرکت کی اور سکھ یاتریوں کیلئے کیے گئے انتظامات کو سراہا۔
وفاقی وزیرداخلہ محسن نقوی نے امریکی کانگریس مینز تھامس رچرڈ سوازی اور جوناتھن جیکسن کے ہمراہ کرتارپور کا دورہ کیا جبکہ وفد میں قائم مقام امریکی سفیر نیٹلی بیکر اور قونصل جنرل کرسٹن کے ہاکنز بھی شریک تھیں۔
محسن نقوی اور امریکی وفد کا درشنی ڈیوڑی کے باہر سکھ برادری کی سرکردہ شخصیات نے پرتپاک استقبال کیا اور پھول پیش کیے۔
محسن نقوی اور کانگریس مینز نے سکھ برادری کو بیساکھی میلے کی مبارکباد دی اور انہوں نے گوردوارہ صاحب میں بابا گرو نانک سے وابستہ مختلف اشیاء دیکھیں اور تاریخی کنواں کا بھی مشاہدہ کیا۔
وزیر داخلہ اور وفد کو گوردوارہ صاحب کے حوالے سے بریفنگ بھی دی گئی۔
دعائیہ تقریب میں شرکت کے بعد وفد کو روایتی طور پر سروپا پہنایا گیا اور کرپان پیش کی گئی۔
اس موقع پر بھارت سے آئے سکھ یاتریوں نے محسن نقوی اور امریکی وفد سے ملاقات کی اور تصاویر بھی بنوائیں جبکہ امریکی کانگریس مینز نے سکھ یاتریوں کیلئے کیے گئے انتظامات کو مثالی قرار دیا۔
اس موقع پر گفتگو کرتے ہوئے امریکی کانگریس مین ٹام سوزی نے کہا کہ بیساکھی واحد تہوار ہے جو پاکستان اور بھارت کو قریب لانے کا باعث بنتا ہے، دونوں ملکوں کی تاریخ صدیوں پر محیط ہے اور امید ہے ایک دن دونوں ملکوں کے بہترین تعلقات ہونگے۔
ان کا کہنا تھا کہ میں ایک امید لے کر آج یہاں آیا ہوں ، اس بیساکھی پر ہم اچھے مستقبل کیلئے دعاگو ہیں ، نئے سال کو نئے طریقے سے اور اچھے مستقبل کیلئے منانا چاہیے، پاکستان میں اپنے دوستوں کا شکریہ ادا کرتا ہوں اور سرحد کے اس پار اپنے دوستوں کو دھنے واد کہتا ہوں۔
Post Views: 3
ڈی جی خان: رشتے سے انکار پر لڑکی قتل