پیپلز پارٹی کے رکن اسمبلی نے میئر کراچی کی زیرسرپرستی کرپشن کی داستان سے پردہ اٹھادیا
اشاعت کی تاریخ: 8th, February 2025 GMT
کراچی:لیاری سے منتخب ہونے والے پاکستان پیپلز پارٹی کے رکن سندھ اسمبلی یوسف بلوچ نے میئر کراچی کی سرپرستی میں ہونے والی کرپشن کی داستان سے پردہ اٹھا دیا۔
یوسف بلوچ نے کہا کہ میئر کراچی مرتضی وہاب کے ساتھ اس وقت جتنے لوگ بیٹھے ہیں ان کے پاس مال آرہا ہے یہ لوگ اپنی ذات کے لیے پیسے بنا رہے ہیں،20 لاکھ روپے کی ترقیاتی کام کی فائل میں سے 16 لاکھ روپے رشوت میں چلے جاتے ہیں بقیہ 4 لاکھ روپے ٹھیکیدار کو ملتے ہیں کیا 4لاکھ روپے میں کیا کوئی ترقیاتی کام ہوسکتا ہے؟کراچی کے اوپر اور خاص طور پر ہمارے لیاری پر میئر کراچی کے نام پر وائسرائے مسلط کردیا گیا ہے۔
ان خیالات کا اظہار انہوں نے ہفتے کی سہہ پہر لیاری میں میئر کراچی کے صدارت میں ہونے والے پیپلز پارٹی کے تنظیمی اجلاس کے دوران میئر کراچی کو مخاطب کرتے ہوئے کیا۔
پیپلز پارٹی سے تعلق رکھنے والے ممبر صوبائی اسمبلی یوسف بلوچ نے مزید کہا کہ میئر کراچی ہمیں بیوقوف بنا رہا ہے اور خود میئر شپ کے مزے لے رہا ہے جیسے یہ خود وائسرائے بنا ہوا ہے ۔
انہوں نے کہا کہ میئر کراچی کے پاس سوشل میڈیا ،پرنٹ میڈیا اور الیکڑونک میڈیا سب ان کے پاس ہے اور یہ جیسے چاہتا ہے اسے اپنی ترجمانی کے لیے استعمال کرتا ہے۔ان کا کہنا تھا کہ میئر کراچی اپنے آپ کو میڈیا کے سامنے بیٹھ کر اس طرح پیش کرتے ہے جیسے لیاری میں اس نے بڑے ترقیاتی کام کرا لیے ہیں ،لیکن لیاری میں کوئی کام نہیں ہورہا ہے۔
انہوں نے میئر کراچی کو مخاطب کرتے ہوئے کہا کہ یہ جتنے بھی افسران آ پ کے ارد گرد بیٹھے ہیں ان سب کے پاس مال آرہا ہے یہ لوگ اپنی ذات کے لیے پیسے بنا رہے ہیں۔ انہوں نے کہاکہ میں نے ایک ٹھیکیدار سے پوچھا کہ اگر20 لاکھ کی فائل ہو تو کتنے پیسے ترقیاتی کام میں خرچ ہوتے ہے تو ٹھیکیدار نے مجھ سے کہا کہ صرف 4 لاکھ روپے بچتے ہیں،16 لاکھ روپے میئر کراچی کی سربراہی میں بیٹھے افسران کی رشوت میں چلے جاتے ہیں تو میئر کراچی بتائے کے ٹھیکےدار کیا ترقیاتی کام کریں گا 4 لاکھ میں کوئی کام ہوسکتا ہے۔
ہفتے کو ہو نے والے اجلاس کے دوران یوسف بلوچ نے میئر کراچی مرتضی وہاب کے آگے شکایتوں کی انبار لگا دیئے۔20 لاکھ کے فائل پر 16 لاکھ رشوت لی جارہی ہے۔بس صرف سوشل میڈیا اور مین میڈیا پر شور ہے۔
یوسف بلوچ نے کہا کہ میئر صاحب میں آپ سے گزارش کرتا ہوں خدارا لیاری کے لیے کوئی ترقیاتی کام کرا دیں اس کا کوئی طریقہ واضح کردیں ،لیاری کے اسٹیک ہولڈر کو شامل کرکے کوئی کمیٹی بنالیں تاکہ لیاری میں بھی کوئی ترقیاتی کام ہوتا ہوا نظر آئے۔
انہوں نے کہا کہ مجھے میئر کراچی سے میرا کوئی ذاتی اختلاف نہیں ہے لیکن جو کچھ ہمارے لیاری کے ساتھ ہورہا ہے اس کا میں نے سب کے سامنے کھل کر اظہا ر کیا ہے۔میئر کراچی میری کوئی لفافے کی جنگ نہیں ہے اللہ نے مجھے بہت نوازا ہوا ہے ،بعدازں میئر کراچی نے ان کے مسائل حل کرنے کی یقین دہانی کرائی ہے ۔
اجلاس میں مئیر کراچی کے ترجمان کرم اللہ وقاصی نبیل گبول کراچی واٹر اینڈ سیوریج کارپوریشن کے ایم ڈی اسداللہ خان سمیت بلدیہ عظمیٰ کراچی کے دیگر افسران اور پیپلز پارٹی کے رہنماء موجود تھے۔
.ذریعہ: Jasarat News
کلیدی لفظ: پیپلز پارٹی کے نے میئر کراچی کہ میئر کراچی یوسف بلوچ نے ترقیاتی کام کہا کہ میئر لاکھ روپے لیاری میں نے کہا کہ کراچی کے انہوں نے نے والے کے لیے کے پاس
پڑھیں:
متعدد ہلاکتوں کے بعد میئر کی ٹریفک حادثات پر تشویش
کراچی ( اسٹاف رپورٹر) میئر کراچی بیرسٹر مرتضیٰ وہاب نے شہر کی مختلف سڑکوں اور شاہراہوں پر خلاف ضابطہ ہیوی ٹریفک چلنے کے باعث ہونے والے حادثات اور شہریوں کی قیمتی جانوں کے ضیاع پر اپنی تشویش کا اظہار کرتے ہوئے ٹریفک پولیس سمیت تمام متعلقہ اداروں کے ذریعے صورتحال کو ٹھیک کرنے کے لئے ہرممکن اقدامات پر زور دیا ہے، ایڈیشنل انسپکٹر جنرل آف پولیس کراچی کو لکھے گئے ایک خط میں میئر کراچی بیرسٹر مرتضیٰ وہاب نے کہا ہے کہ شہر کی سڑکوں پر بغیر کسی نظم و ضبط کے بھاری گاڑیوں بشمول ڈمپرز اور ٹرکس کے چلنے کی وجہ سے حادثات میں شہریوں کا زخمی اور جاں بحق ہونا سخت تشویش کا باعث ہے اور یہ صورتحال کسی بھی طرح قابل قبول نہیں۔ انہوں نے کہا کہ بلدیہ عظمیٰ کراچی کی کونسل نے بھی سڑکوں پر ہونے والے حادثات کا شدید نوٹس لیا ہے اور ہم یہ سمجھتے ہیں کہ اس سلسلے میں ٹریفک پولیس اپنی ذمہ داریوں کو پورا کرتے ہوئے شہر کی سڑکوں پر تمام ہیوی ڈمپرز اور ٹرکس کو صرف رات کے اوقات میں چلانے کی اجازت دے جس کے لئے رات آٹھ بجے سے صبح چھ بجے تک کا وقت مقرر کیا جائے جبکہ ضروری بلدیاتی خدمات کی فراہمی پر مامور گاڑیوں کو دن کے اوقات میں بھی چلانے کی اجازت ہونی چاہئے البتہ ٹریفک پولیس کی جانب سے ان کی بھی مستقل نگرانی کی جائے، انہوں نے کہا کہ تمام سرکاری حکام کی اولین ذمہ داری ہے کہ شہریوں کی زندگی اور صحت کو بچانے کے لئے عملی اقدامات کریں اور بلدیہ عظمیٰ کراچی کو یقین ہے کہ سندھ پولیس شہر بھر میں بھاری گاڑیوں کی حرکات و سکنات کو باضابطہ بنانے کے لئے ٹھوس اقدامات اٹھائے گی، انہوں نے کہا کہ بلدیہ عظمیٰ کراچی اس سلسلے میں ضروری اقدامات کرنے کے لئے پرعزم ہے اور سندھ پولیس کو ہر ممکن معاونت فراہم کی جائے گی۔
خیبرپختونخواہ اپنی بجلی ٹرانسمیشن لائن بچھانے والا پہلا صوبہ بن گیا