سنی اتحاد کونسل کے سربراہ صاحبزادہ حامد رضا نے عمران خان کو ’معشوق‘ قرار دے دیا
اشاعت کی تاریخ: 8th, February 2025 GMT
سنی اتحاد کونسل کے سربراہ صاحبزادہ حامد رضا نے بانی پی ٹی آئی عمران خان کو ’معشوق‘ قرار دے دیا۔
صوابی جلسہ عام سے قبل ’وی نیوز‘ سے گفتگو کرتے ہوئے انہوں نے کہاکہ عمران خان اپنی جرات اور استقامت کی بنیاد پر جیل سے باہر کے لوگوں کو حرارت دے رہا ہے۔
یہ بھی پڑھیں ہمارے لب سی دیے گئے لیکن میری زبان بولے گی، شیر افضل مروت کی صوابی جلسے میں للکار
انہوں نے جیل میں قید عمران خان کو معشوق قرار دیتے ہوئے کہاکہ میں جلد بانی پی ٹی آئی سے ملوں گا اور احتجاج کے حوالے سے انہیں مکمل منصوبہ بندی سے آگاہ کروں گا۔
صاحبزادہ حامد رضا نے کہاکہ میں مزاحمت کا قائل ہوں، اور چاہتا ہوں کہ ہم سڑکوں پر نکلیں، کیونکہ مذاکرات کی ایک سنجیدہ کوشش حکومتی رویے کی وجہ سے ناکام ہوچکی ہے۔
انہوں نے کہاکہ میں سیاست میں فائنل کال یا فائنل معرکے کا قائل نہیں، یہ جہد مسلسل کا نام ہے، کیونکہ ہماری اتنے بڑے نظام سے ٹکر ہے۔
یہ بھی پڑھیں اب گولیوں کا مقابلہ کرنے کی تیاری کے ساتھ آئیں گے، جنید اکبر کی دھمکی
واضح رہے کہ ملک میں انتخابات کا ایک سال مکمل ہونے پر پی ٹی آئی یوم سیاہ منا رہی ہے، اور خیبرپختونخوا کے ضلع صوابی میں احتجاجی جلسے کا اہتمام کیا گیا تھا، جس میں مرکزی رہنماؤں سمیت محمود اچکزئی اور علامہ ناصر عباس نے بھی خطاب کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سنی اتحاد کونسل صاحبزادہ حامد رضا صوابی جلسہ عمران خان معشوق وی نیوز یوم سیاہ.ذریعہ: WE News
کلیدی لفظ: سنی اتحاد کونسل صوابی جلسہ وی نیوز یوم سیاہ
پڑھیں:
فضل الرحمان نے پارٹی پالیسی کیخلاف مائنز اینڈ منرلز بل کی حمایت کرنیوالوں سے جواب طلب کرلیا
ترجمان جے یو آئی نے کہا کہ بلوچستان اسمبلی میں کچھ ممبران کا بل کی حمایت کرنا پارٹی پالیسی کی خلاف ورزی ہے، جے یو آئی سربراہ مولانا فضل الرحمان نے نوٹس لے لیا ۔ اسلام ٹائمز۔ جمعیت علمائے اسلام (ف) کے سربراہ مولانا فضل الرحمان نے پارٹی پالیسی کیخلاف مائنز اینڈ منرلز بل کی حمایت کرنے والوں سے جواب طلب کرلیا۔ ترجمان جے یو آئی اسلم غوری کی جانب سے جاری بیان کے مطابق پارٹی بلوچستان اسمبلی سے پاس مائنز اینڈ منرلز بل کو مسترد کرتی ہے، بل کیخلاف سینٹ میں تحریک التواء جمع کرا دی گئی ہے۔ ترجمان جے یو آئی نے کہا کہ بلوچستان اسمبلی میں کچھ ممبران کا بل کی حمایت کرنا پارٹی پالیسی کی خلاف ورزی ہے، جے یو آئی سربراہ مولانا فضل الرحمان نے نوٹس لے لیا۔ اسلم غوری نے کہا کہ مولانا فضل الرحمان نے صوبائی جماعت کو حمایت کرنے والے اراکین اسمبلی سے جواب طلب کرنے کا حکم دے دیا، صوبائی جماعت سے جلد از جلد تحقیقات کر کے مرکزی جماعت کو رپورٹ دینے کیلئے کہا گیا ہے۔
گھر سے بے دخل خاتون ٹک ٹاکر نے نہر میں چھلانگ لگا دی