کراچی: ڈیفنس میں چھاپے کے دوران پولیس پر ملزمان کی فائرنگ، ڈی ایس پی سمیت 2 اہلکار زخمی
اشاعت کی تاریخ: 8th, February 2025 GMT
فوٹو: اسکرین گریپ جیو نیوز
کراچی کے علاقے ڈیفنس گزری میں اے وی سی سی پولیس نے بنگلے پرچھاپا مارا، جہاں ملزمان نے پولیس پر فائرنگ کردی، جس سے ڈی ایس پی سمیت 2 پولیس اہلکار زخمی ہوگئے۔
ڈی آئی جی سی آئی اے مقدس حیدر کا کہنا ہے کہ چھاپا اغوا ہوئے نوجوان کے کیس میں مارا گیا تھا۔
انہوں نے مزید بتایا کہ بنگلے سے ملزمان نے پولیس اہلکار پر فائرنگ کی، جس میں ڈی ایس پی سمیت 2 اہلکار زخمی ہوگئے۔
پولیس کی مزید نفری طلب کرلی گئی، بنگلے کو چاروں طرف سے گھیرا ہوا ہے، گھر سے وقفے وقفے سے فائرنگ کا سلسلہ جاری ہے، پولیس نے گھر کے اطراف کی لائٹیں بند کر دی ہیں، بکتر بند بھی پہنچ گئی۔
.ذریعہ: Jang News
پڑھیں:
پنجاب پولیس کا ایک اور جوان فرض کی راہ میں شہید
اٹک:حضرو ہٹیاں روڈ پر نامعلوم موٹر سائیکل سوار ملزمان کی فائرنگ سے پنجاب پولیس کے کانسٹیبل قدیر خان شہید جبکہ ان کے ساتھی کانسٹیبل نصرت خان شدید زخمی ہوگئے۔
تھانہ حضرو کے علاقے بہادر خان کے قریب پولیس اہلکاروں نے پٹرولنگ کے دوران تین مشکوک موٹر سائیکل سواروں کو رکنے کا اشارہ کیا، جس پر ملزمان نے پولیس ٹیم پر سیدھی فائرنگ شروع کردی۔ فائرنگ کے نتیجے میں چوکی ہٹیاں پر تعینات کانسٹیبل قدیر خان موقع پر شہید ہوگئے جبکہ ان کے ساتھی کانسٹیبل نصرت خان شدید زخمی ہوگئے، جنہیں فوری طور پر سول اسپتال منتقل کیا گیا۔
آئی جی پنجاب نے واقعے کا نوٹس لیتے ہوئے آر پی او راولپنڈی سے رپورٹ طلب کرلی اور ڈی پی او اٹک کو ملزمان کی فوری گرفتاری کے احکامات جاری کیے۔ آئی جی پنجاب نے کانسٹیبل قدیر خان کی قربانی کو خراج عقیدت پیش کرتے ہوئے کہا کہ پنجاب پولیس شہید اہلکار کے اہلخانہ کے غم میں برابر کی شریک ہے اور ان کی دیکھ بھال میں کوئی کسر اٹھا نہیں رکھی جائے گی۔
ڈی پی او اٹک ڈاکٹر سردار غیاث گل خان جائے وقوعہ پر پہنچے اور زخمی کانسٹیبل نصرت خان کی اسپتال میں عیادت کی۔ ڈی پی او اٹک کے مطابق فائرنگ میں ملوث ملزمان کی گرفتاری کے لیے پولیس ٹیمیں تشکیل دے دی گئی ہیں اور انہیں جلد گرفتار کرلیا جائے گا۔
جنگ بندی کے دو ہفتے بعد غزہ میں امدادی کارروائیاں عروج پر