حکومت کی بنیادیں کھوکھلی، صرف ایک دھکا درکار ہے، بیرسٹر سیف
اشاعت کی تاریخ: 8th, February 2025 GMT
حکومت کی بنیادیں کھوکھلی، صرف ایک دھکا درکار ہے، بیرسٹر سیف WhatsAppFacebookTwitter 0 8 February, 2025 سب نیوز
پشاور(آئی پی ایس )مشیر اطلاعات خیبر پختونخوا بیرسٹر ڈاکٹر سیف نے کہا کہ حکومت کی بنیادیں کھوکھلی ہو چکی ہیں، اب صرف ایک دھکا درکار ہے۔اپنے بیان میں بیرسٹر سیف کا کہنا تھا کہ پی ٹی آئی کارکنوں کی پکڑ دھکڑ قابل مذمت ہے، عوام نے دفعہ 804 نافذ کی ہے، آج حکمرانوں سے نجات کے عہد کی تجدید کا دن ہے، آج کے دن جمہوریت پر شب خون مار کر فارم 47 کے ذریعے حکومت قائم کی گئی۔
انہوں نے کہا کہ صوابی میں اس نظام کے خلاف عوام کا سمندر امڈ آیا ہے، صوبے بھر سے کارکنان صوابی میں جمع ہو رہے ہیں، جلسے کیلئے تمام تیاریاں مکمل کر لی گئیں ہیں، علی امین گنڈاپور سمیت مرکزی قیادت جلسے میں شرکت کرے گی۔رہنما پی ٹی آئی کا مزید کہنا تھا کہ حکمرانوں کے احتساب کا وقت قریب آ چکا ہے، اس حکومت کی بنیادیں کھوکھلی ہو چکی ہیں، اب صرف ایک دھکا درکار ہے، جعلی نظام کے خاتمے کے بعد حکمرانوں کا سخت احتساب کیا جائے گا۔
.ذریعہ: Daily Sub News
پڑھیں:
عورت ہے، اسکا جسمانی ریمانڈ کیوں درکار ہے؟ صنم جاوید کیخلاف مقدمے میں چیف جسٹس کا استفسار
سپریم کورٹ میں پاکستان تحریک انصاف کی کارکن صنم جاوید کے خلاف 9 مئی 2023 سے متعلق مقدمے کی سماعت کے دوران چیف جسٹس پاکستان یحییٰ آفریی نے کہا ہے ملزمہ عورت ہے، اس کا اجسمانی ریمانڈ کیوں درکار ہے؟
سپریم کورٹ میں پی ٹی آئی کی کارکن صنم جاوید کے خلاف 9 مئی 2023 سے متعلق مقدمے کی سماعت ہوئی، چیف جسٹس کی سربراہی میں تین رکنی بنچ نے سماعت کی۔
دوران سماعت چیف جسٹس نے استفسار کیا کہ ملزمہ عورت ہے، اس کا جسمانی ریمانڈ کیوں درکار ہے؟ سپیشل پراسیکیوٹر ذوالفقار نقوی نے عدالت کو آگاہ کیا کہ جسمانی ریمانڈ کیخلاف اپیل پر ہائی کورٹ نے صنم جاوید کو مقدمہ سے ڈسچارج کر دیا ہے۔
سپریم کورٹ نے صنم جاوید کو نوٹس جاری کر دیا، ملزمہ صنم جاوید نے جسمانی ریمانڈ کےخلاف ہائی کورٹ میں اپیل کی تھی۔
Post Views: 4
پارٹی رہنماوں کے ایک دوسرے پر الزامات، عمران خان نے وارننگ دیدی