8 فروری کے الیکشن سے متعلق عوام کو گمراہ کرنے کی کوشش کی گئی‘ مریم اورنگزیب
اشاعت کی تاریخ: 8th, February 2025 GMT
لاہور (اُردو پوائنٹ اخبارتازہ ترین - این این آئی۔ 08 فروری2025ء)سینئر صوبائی وزیر مریم اورنگزیب نے کہا ہے کہ 8فروری کے الیکشن سے متعلق عوام کو گمراہ کرنے کی کوشش کی گئی،مخالفین نے ترقی کرتی معیشت کو آئی ایم ایف کے حوالے کر دیا، آج ملک ترقی کر رہا ہے تو اس کا کریڈٹ شہباز شریف اور ان کی ٹیم کو جاتا ہے،ہارس اینڈ کیٹل شو کی آج (اتوار ) گرینڈ اوپننگ ہو گی، افتتاحی تقریب میں وزیراعظم شہباز شریف مہمان خصوصی ہوں گے۔
انہوںنے لاہور میں پریس کانفرنس کرتے ہوئے کہا کہ ہم آج یوم تعمیر و ترقی منا رہے ہیں، 2018میں آر ٹی ایس بٹھا کر مینڈیٹ چوری کیا گیا، 8فروری 2024 کو چوری کیا گیا مینڈیٹ واپس ملا، 4سال میں کرپشن کی اعلی مثالیں قائم کی گئیں۔انہوں نے کہا کہ پی ٹی آئی دور میں ملک کرپشن کے اندھیروں میں چلا گیا، مخالفین نے ترقی کرتی معیشت کو آئی ایم ایف کے حوالے کر دیا، ملک میں مہنگائی عروج پر تھی، لوگ ریلیف سے محروم تھے، وزیراعظم شہباز شریف کی حکومت نے ملکی معیشت کو سنبھالا، مہنگائی کو 38فیصد سے 4فیصد پر لایا گیا۔(جاری ہے)
انہوں نے کہا کہ پی ٹی آئی کے دور میں خارجہ پالیسی کو تباہ اور دوست ممالک کو ناراض کر دیا گیا، آج (ن) لیگ کی حکومت کی کوششوں سے دوست ممالک دوبارہ رجوع کر رہے ہیں، آئی ایم ایف سے معاہدے کی خلاف ورزی اور پاکستان کو دیوالیہ کرنے کی کوشش کی گئی، آج سٹاک مارکیٹ ایک لاکھ پوائنٹس سے تجاوز کر چکی ہے، آج ملک ترقی کر رہا ہے تو اس کا کریڈٹ شہباز شریف اور ان کی ٹیم کو جاتا ہے۔مریم اورنگزیب نے کہا کہ وزیراعلی مریم نواز کی قیادت میں پنجاب نے جیسی ترقی کی اس کی مثال نہیں، مریم نواز کا کوئی بھی ایک منصوبہ ایسا نہیں جس کا پہلے اعلان کیا گیا ہو، پی ٹی آئی کے دور میں منصوبوں کے صرف اعلانات کئے گئے۔صوبائی وزیر کا کہنا تھا کہ پنجاب میں بچوں کو لیپ ٹاپس اور سکالر شپس دی جا رہی ہیں، مفت ادویات اور صحت کی سہولیات میسر ہیں، پنجاب میں بی ایچ یوز کو ری ویمپ کیا گیا ہے، اللہ کا شکر ہے گزشتہ 9ماہ میں سموگ کو کنٹرول کیا گیا، جس طرح وزیراعلی مریم نواز کے دور میں سموگ کنٹرول ہوئی اس کی مثال نہیں۔انہوں نے کہا کہ بھٹوں کو زگ زیگ ٹیکنالوجی پر منتقل کیا گیا، پنجاب میں زیرو پلاسٹک پالیسی ہے،صوبے میں پہلی بار سپر سیڈرز دیئے گئے، سموگ کو کنٹرول کرنے کیلئے ہر ممکن اقدامات کئے گئے، کسان کارڈ کے ذریعے کاشتکاروں کو سہولیات دی گئی ہیں۔ان کا کہنا تھا کہ لاہور میں ہارس اینڈ کیٹل شو کے ذریعے ہماری ثقافت کو دوبارہ اجاگر کیا جا رہا ہے، ہارس اینڈ کیٹل شو کی آج (اتوار ) گرینڈ اوپننگ ہے، افتتاحی تقریب میں وزیراعظم شہباز شریف مہمان خصوصی ہوں گے۔مریم اورنگزیب نے کہا کہ ہارس اینڈ کیٹل شو 23فروری تک جاری رہے گا جس میں مختلف کھیل اور تقریبات شامل ہیں، آج (اتوار ) فوٹریس سٹیڈیم میں افتتاحی تقریب کا انعقاد ہوگا، ہارس اینڈ کیٹل شو ہمارے قومی ورثے اور ثقادت کی جانب ایک اہم قدم ہے۔.ذریعہ: UrduPoint
کلیدی لفظ: تلاش کیجئے مریم اورنگزیب شہباز شریف نے کہا کہ کیا گیا کرنے کی کی گئی
پڑھیں:
شہباز شریف بڑی محنت کر رہے، مریم نے میرا سر فخر سے بلند کر دیا، نوازشریف: خدمت مسلم لیگ ن کی پہچان، وزراعلیٰ پنجاب
لاہور (نوائے وقت رپورٹ+نیوز رپورٹر) مسلم لیگ (ن) کے صدر نواز شریف اور وزیراعلیٰ مریم نواز سے پنجاب اسمبلی کے ارکان نے ملاقات کی۔ فیصل آباد، چنیوٹ، ٹوبہ ٹیک سنگھ اور جھنگ کے اضلاع سے تعلق رکھنے والے ارکان پنجاب اسمبلی ملاقات کرنے والوں میں شامل تھے۔ ملاقات میں ملک کی مجموعی صورتحال، پنجاب میں ترقیاتی عمل اور عوام کی خدمت کے منصوبوں پر غور کیا گیا۔ نوازشریف نے کہا کہ نیت ٹھیک ہو گی تو اللہ تعالیٰ کی مدد آئے گی۔ مخلوق خدا کی خدمت سب سے بڑی عبادت ہے۔ عوام کی خدمت کا صلہ اور انعام اللہ تعالیٰ دیتا ہے۔ معاشی بہتری اور مہنگائی میں کمی ملک وقوم کی بہتری کے اشارے ہیں۔ 30 ہزار پر آنے والی سٹاک ایکسچینج آج ایک لاکھ 20 ہزار پوائنٹس کی حدوں کو چھو چکی ہے۔ معاشی ترقی کے تسلسل سے ہی عوام کے حالات بدل سکتے ہیں۔ اللہ کا شکر ہے کہ پاکستان کا تنزلی کی طرف جاری سفر رک گیا۔ شہباز شریف بڑی محنت کر رہے ہیں، اداروں اور نظام کی اصلاح پر ٹھوس پیش رفت جاری ہے۔ مریم نواز نے وزیراعلی پنجاب کے طور پر میرا اور پارٹی کا سر فخر سے بلند کیا ہے۔ نیک نیتی اور محنت سے کام کریں تو اللہ تعالیٰ بھی مدد فرماتا ہے۔ ارکان اسمبلی نے پنجاب میں ترقیاتی کاموں اور عوامی منصوبوں پر وزیراعلی مریم نوازشریف کو خراج تحسین پیش کیا۔ ارکان پنجاب اسمبلی نے کہا کہ مریم نواز شریف نے اپنی محنت اور خدمت سے پنجاب کے عوام کا دل اور اعتماد جیتا ہے۔ قائد آپ کے دور میں، شہباز شریف کے دور میں اور مریم نواز شریف جس طرح کام کر رہی ہیں اْس کی ماضی اور حال میں مثال نہیں ملتی۔ ایک سال میں پنجاب کے ہر شعبے اور ہر علاقے کی ترقی کے منصوبوں نے عوام کو ایک نیا اعتماد اور حوصلہ دیا ہے۔ ارکان پنجاب اسمبلی نے ستھرا پنجاب، کسان کارڈ، سکالرشپ پروگرام، سڑکوں کی تعمیر و بحالی، دھی رانی پروگرام، بنیادی و دیہی مراکز اور صحت کے پورے نظام کی اپ گریڈیشن کے میگا پروگراموں پر وزیر اعلیٰ کو خراج تحسین پیش کیا۔ ارکان اسمبلی نے کہا کہ آپ کے کاموں پر عوام کا ہر طبقہ بہت خوش اور آپ کو دعائیں دیتے ہیں۔ پنجاب کو آپ جیسی محنتی سی ایم چاہیے تھی، جماعت اور ہمیں آپ پر فخر ہے۔ وزیر اعلیٰ کی ایک سال کی محنت اور کارکردگی قائد نواز شریف اور میاں شہباز شریف کی عوامی خدمت کا تسلسل ہے۔ وزیراعلی مریم نوازشریف نے ارکان پنجاب اسمبلی سے اظہار تشکر کیا۔ وزیراعلیٰ نے کہا کہ عوامی خدمت نواز شریف، شہباز شریف اور مسلم لیگ (ن) کی پہچان ہے، یہ معیار اور روایت ہی ہمارا اصل امتحان ہے۔ قیادت کی رہنمائی اور آپ سب کی تائید و حمایت ہماری قوت اور کامیابی کی ضمانت ہے۔ ترقی مسلم لیگ (ن) ہی دیتی ہے۔ ملاقات میں عوامی فلاح کے منصوبوں اور مستقبل کی سیاسی حکمت عملی پر مشاورت بھی کی گئی۔
مظفرگڑھ: بھینسوں کا گوبر چرانے پر خاتون نے مقدمہ درج کروا دیا