سابق پاکستانی کرکٹر افریقی ٹیم نے ''بالنگ کنسلٹنٹ'' مقرر
اشاعت کی تاریخ: 8th, February 2025 GMT
قومی کرکٹ ٹیم کے سابق آل راؤنڈر یاسر عرفات کو سہ ملکی سیریز کیلئے جنوبی افریقی ٹیم نے بالنگ کنسلٹنٹ مقرر کردیا۔
تین ٹیسٹ، 11 ون ڈے اور 13 ٹی20 میں پاکستان کی نمائندگی کرنے والے یاسر عرفات لندن سے پاکستان پہنچ گئے ہیں اور 10 فروری کو نیوزی لینڈ کے خلاف سہ ملکی سیریز کے پہلے میچ کے آغاز سے قبل تربیتی سیشن میں پروٹیز اسکواڈ کو جوائن کریں گے۔
یاسر عرفات پہلے پاکستانی کرکٹر ہیں، جنہوں نے انگلینڈ کی یونیورسٹی سے لیول 4 کا کوچنگ کورس مکمل کررکھا ہے۔
مزید پڑھیں: چیمپئینز ٹرافی کٹ نے فیز کو 90 کی دہائی کی ٹیم یاد دلادی
سابق آل راؤنڈر بطور بالنگ کوچ انگلش کاؤنٹی ٹیم سسیکس اور سرے کے علاوہ بگ بیش لیگ میں پرتھ اسکارچرز کیساتھ بھی منسلک رہ چکے ہیں۔
اس کے علاوہ یاسر عرفات نے پاکستانی ٹیم کے نیشنل ہائی پرفارمنس اور ہانگ کانگ ٹیم کے بالنگ کوچ کی ذمہ داریاں بھی سرانجام دیں تھی۔
مزید پڑھیں: سہ ملکی سیریز؛ فخر کے پاس سعید انور کا ریکارڈ توڑنے کا موقع
اپنی تقرری پر ردعمل دیتے ہوئے سابق کرکٹر کا کہنا تھا کہ جنوبی افریقی ٹیم کے ساتھ کام کرنا 'بہترین تجربہ' ہوگا۔
انہوں نے کہا کہ بطور بالنگ کنسلٹنٹ کوشش ہوگی مہمان ٹیم کی غلطیوں پر کام کروں اور انکے میچز سے قبل کنڈیشنز سے ہمکنار کرواؤں۔
ذریعہ: Express News
کلیدی لفظ: یاسر عرفات ٹیم کے
پڑھیں:
جنوبی افریقہ کی کرکٹ ٹیم لاہور پہنچ گئی
لاہور: جنوبی افریقہ کی کرکٹ ٹیم تین ملکی ون ڈے سیریز میں شرکت کے لیے لاہور پہنچ گئی ہے۔ لاہور کے علامہ اقبال انٹرنیشنل ایئرپورٹ پر ان کا شاندار استقبال کیا گیا اور انہیں سخت سیکیورٹی میں ہوٹل پہنچا دیا گیا۔
اس سیریز میں نیوزی لینڈ کی کرکٹ ٹیم پہلے ہی لاہور پہنچ چکی ہے اور اپنی تیاریوں میں مصروف ہے۔ پاکستان کرکٹ ٹیم نے آج کا ٹریننگ سیشن منسوخ کر دیا ہے، جو ایل سی سی اے گراؤنڈ میں ہونا تھا، لیکن نیوزی لینڈ کی ٹیم شیڈول کے مطابق اپنی ٹریننگ جاری رکھے گی۔
نیوزی لینڈ اور پاکستان کرکٹ ٹیموں کے کپتان بھی پری میچ پریس کانفرنس کریں گے۔ شائقین کرکٹ کو اس تین ملکی سیریز کا شدت سے انتظار ہے، جو کہ دلچسپ مقابلوں سے بھرپور ہو گی۔
شاہد خاقان عباسی کی جماعت عوام پاکستان پارٹی کو انتخابی نشان مل گیا