UrduPoint:

بھارت کے زیر انتظام کشمیر میں متنوع مسائل کا شکار نوجوان طلبہ

اشاعت کی تاریخ: 8th, February 2025 GMT

اسلام آباد (اُردو پوائنٹ ۔ DW اردو۔ 08 فروری 2025ء) بھارت کے زیر انتظام کشمیر کے شمالی علاقے کریری سے تعلق رکھنے والی سید مسکان اپنی تعلیمی جدوجہد کے بارے میں کہتی ہیں، ’’پہلے تو مجھے اپنے والدین کو راضی کرنا پڑا کہ میں گھر سے بہت دور نئی دہلی جا کر اعلیٰ تعلیم حاصل کرنا چاہتی ہوں۔ میرے والدین کو نئی دہلی میں لڑکیوں کے تحفظ کے بارے میں تشویش تھی، کیونکہ وہاں خواتین کے خلاف جرائم کے ارتکاب کی رپورٹیں سامنے آتی رہتی ہیں۔

‘‘

کشمیر میں موجودہ تعلیمی نظام میں پائے جانے والے مسائل کے بارے میں مسکان نے ڈی ڈبلیو کو بتایا، ’’وہاں تعلیمی حوالے سے وسائل بہت محدود ہیں۔ انٹرنیٹ سروسز اکثر بند رہتی ہیں۔ یہ بھی دو اہم وجوہات ہیں جو کشمیری طلبہ کو تعلیم کے حصول کے لیے وادی سے باہر جانے پر مجبور کرتی ہیں۔

(جاری ہے)

‘‘

سید مسکان بھارتی دارالحکومت نئی دہلی کی جامعہ ملیہ اسلامیہ میں صحافت کی تعلیم حاصل کر رہی ہیں۔

مسکان ہی کی طرح کشمیری نوجوانوں کی ایک اچھی خاصی تعداد بھارت کی مختلف ریاستوں جیسے پنجاب، چندی گڑھ، ہریانہ، اتراکھنڈ اور خاص طور پر نئی دہلی میں اعلیٰ تعلیم کے لیے مختلف یونیورسٹیوں میں داخلہ لیتی ہے۔ مگر ان یونیورسٹیوں میں داخلے کے لیے کچھ طلبا و طالبات کو خاصی جدوجہد کرنا پڑتی ہے۔ پھر داخلہ ہو جانے کے بعد بھی ان نوجوانوں کو کئی طرح کے مسائل کا سامنا رہتا ہے۔

مشکل حالات میں ایسی ہی جدوجہد شمالی کشمیر سے تعلق رکھنے والے عاقب نذیر نے بھی کی۔

اعلیٰ تعلیم کی خواہش اور خاندان کی کفالت کی ذمے داری

اپنے تعلیمی خوابوں کی تکمیل کے عمل میں عاقب نذیر کو زندگی میں بہت سی مشکلات کا سامنا کرنا پڑا۔ سال 2012 میں ان کے والد کو، جو اب ایک سابقہ سبزی فروش ہیں، دل کا دورہ پڑا جس کے بعد وہ گھر پر ہی رہنے پر مجبور ہو گئے۔

ان حالات میں عاقب نے اپنے خاندان کی کفالت کرنے کے لیے اپنا ایک چھوٹا سا فوڈ بزنس شروع کیا، جو کچھ عرصے تک تو کامیاب رہا لیکن اس دوران وہ اپنی تعلیم جاری رکھنے سے قاصر رہے۔

عاقب نذیر نے ڈی ڈبلیو سے بات کرتے ہوئے کہا، ’’میں نے تب اپنے اس چھوٹے سے کاروبار سے کچھ پیسے تو کمائے، جن سے ہمارے خاندان کی مالی ضروریات پورا ہو جاتی تھیں۔

لیکن یہ رقم میرے لیے نئی دہلی جا کر تعلیم جاری رکھنے کے لیے تو بالکل بھی کافی نہیں تھی۔‘‘

بھارت کا کشمیر سے لداخ تک سُرنگیں تعمیر کرنے کا فیصلہ

اس نوعیت کے اقتصادی اور مالی مسائل کے علاوہ کشمیر میں طالب علموں کو اپنے ارد گرد کے حالات کے سبب بھی کئی مشکلات کا سامنا کرنا پڑتا ہے۔ مثلاﹰ مقامی سطح پر ناقص یا ناپید ٹرانسپورٹ اور عام سڑکوں کی خستہ حالی کے سبب کئی کم عمنر بچے اسکول جانے سے محروم رہتے ہیں۔

پھر کشمیر کے پہاڑی علاقوں میں یہ بھی عموماﹰ دیکھا جاتا ہے کہ دور دروز علاقوں میں بہت سے بچے اسکول جانے کے لیے کئی کئی کلومیٹر پیدل سفر کرتے ہیں۔

کم عمری میں اسکولوں میں حصول تعلیم ہی کے سلسلے میں یہ پہلو بھی اہم ہے کہ کئی کشمیری بچے سخت سردی میں روزانہ اسکول جانے کے لیے طویل فاصلے تک پیدل چلنے سے قاصر ہوتے ہیں اور اسی لیے وہ مجبوراﹰ اسکول جانا ہی چھوڑ دیتے ہیں۔

کشمیری بچوں میں اسکول کی سطح پر ترک تعلیم کا تناسب بھارت میں سب سے زیادہ

بھارت میں سرکاری سطح پر تیار کردہ اعداد و شمار کے مطابق جموں و کشمیر میں سیکنڈری اسکول کی سطح پر اسکول جانا چھوڑ دینے والے طلبا و طالبات کی شرح نہ صرف 13 فیصد سے بھی زیادہ ہے بلکہ یہ تناسب پورے شمالی بھارت میں بھی سب سے زیادہ ہے۔

سرینگرمیں واقع کشمیر یونیورسٹی کے ایک اسسٹنٹ پروفیسر نے اپنا نام ظاہر نہ کرنے کی شرط پر ڈی ڈبلیو لو بتایا، ’’ہمیں یہ سمجھنے کی ضرورت ہے کہ کشمیر میں لڑکوں اور لڑکیوں کے اسکول جانا چھوڑ دینے کے واقعات کی وجوہات متعدد اور متنوع ہیں۔

مثلاﹰ کشمیری لڑکیوں کی جب کم عمری میں ہی شادیاں کر دی جاتی ہیں، تو ساتھ ہی ان سے کہا جاتا ہے کہ وہ ترک حصول تعلیم کر کے بس اپنا گھر سنبھال لیں۔ ایسا کشمیر کے بہت سے دیہی علاقوں میں بار بار دیکھنے میں آتا ہے۔‘‘

سری نگر یونیورسٹی کے اس اسسٹنٹ پروفیسر نے کہا، ’’کشمیر میں تشویش ناک صورتحال کے دوران ہم نے یہ بھی دیکھا کہ بہت سے والدین نے اپنی بیٹیوں کو اسکول نہ بھیجنے کو ترجیح دی۔

‘‘ ان کے مطابق لڑکوں کو اگر اسکول جانا چھوڑنا پڑے، تو اس کی ’’وجہ اکثر ان کے گھرانوں کے مالی مسائل اور آمدنی میں کچھ نہ کچھ اضافے کی خواہش‘‘ ہوتے ہیں۔

انفرادی سطح پر دیکھا جائے تو کشمیر سے آ کر نئی دہلی کی جامعہ ملیہ اسلامیہ میں میڈیا اسٹڈیز کی تعلیم حاصل کرنے والے عاقب نذیر کے لیے بڑے اطمینان کی بات یہ ہے کہ انہیں اپنی تعلیم جاری رکھنے کے لیے اب ایک اسکالرشپ بھی مل چکا ہے۔

.

ذریعہ: UrduPoint

کلیدی لفظ: تلاش کیجئے اسکول جانا نئی دہلی کے لیے

پڑھیں:

شہ رگ کب تک زیرِ خنجر رہے گی؟

5 فروری کو پاکستان سمیت دنیا بھر میں یوم یکجہتی کشمیر منایا جاتا ہے۔ یہ دن کشمیریوں کی تحریک آزادی میں سنگ میل کی حیثیت رکھتا ہے، اس دن نہ صرف آزاد کشمیر اور پاکستان بلکہ دنیا بھر میں مقیم کشمیری، پاکستانی اور مہذب اقوام جہاں کشمیر و اہل کشمیر کی مظلومیت کے ساتھ یکجہتی کا بھر پور اظہار کرتے ہیں، وہیں بھارتی بربریت، سفاکیت اور کشمیریوں پر ڈھائے جانے والے انسانیت سوز مظالم کی مذمت اور غاصب بھارتی درندوں سے نفرت کا اظہار بھی کرتے ہیں۔ یوم یکجہتی کشمیر کا آغاز کب، کہاں اور کیسے ہوا۔ اپنی تاریخ سے نابلد نسل نو کو علم ہونا چاہیے تاکہ ان کے اندر اپنے آباؤاجداد کی طرح کشمیر اور اہل کشمیر سے محبت اور آزادیِ کشمیر کے سربکف رہنے کا جذبہ بیدار رہے۔

5فروری 1990 کو قاضی حسین احمد مرحوم نے آزاد کشمیر کے دارالحکومت مظفرآباد میں ایک بڑے جلسہ عام سے خطاب کرتے ہوئے اس دن کو یوم یکجہتی کشمیر کا نام دے کر منانے کا آغاز کیا۔ تب سے آج تک یہ دن پاکستان اور آزاد کشمیر میں سرکاری سطح پر منایا جارہا ہے، پورے ملک میں عام تعطیل ہوتی ہے، ملک بھر میں دینی، سیاسی اور سماجی تنظیموں کی جانب سے جلسے جلوس، سمینارز، تقاریب اور ریلیاں منعقد کی جاتی ہیں۔

ہر سال پانچ فروری کو دارالحکومت اسلام آباد بینروں اورپلے کارڈز سے سجایا جاتا ہے، جن پر اہل کشمیر کی جدوجہد کو خراج تحسین پیش کرنے اور کشمیر کی آزادی تک سیاسی، سفارتی اور اخلاقی حمایت کا یقین دلانے کے ساتھ ساتھ مسئلہ کشمیر پر اقوام متحدہ کی قراردادوں پر عملدرآمد کے حق میں تحریریں درج ہوتی ہیں مگر لاتوں کے بھوت باتوں سے نہیں مانتے، جب شہہ رگ زیر خنجر ہو تو صرف نعروں اور بینروں سے جان نہیں چھوٹتی عملی اقدامات کرکے خنجر چھین کر دشمن سے نپٹنا پڑتا ہے اس لیے اس دن کو کشمیر کی آزادی کے لیے تن من دھن کی بازی لگانے اور آزادی چھیننے کے لیے تجدید عہد کے طور پر منانا چاہیے۔

ریاست پاکستان کی جانب سے اپنے کشمیری بہن بھائیوں کو اس امر کی یقین دہانی کرائی جاتی ہے کہ اہل پاکستان کل بھی ان کی حمایت و مدد کے لیے کمربستہ تھے اور ہمیشہ رہیں گے۔ مگر اب ریاست پاکستان کو بھی عملی اقدام اور عوام کو ریاست کے شانہ بشانہ لڑ نے کی ضرورت ہے کہ ظلم کی یہ رات ڈھل جائے۔

کراچی سے خیبر اور بولان سے گلگت بلتستان تک تمام سیاسی، مذہبی، سماجی اور سول سوسائٹی کی جانب سے جلسے جلوسوں میں اپنے کشمیری بھائیوں کو بھارت کے غاصبانہ اور ناجائز قبضے کے خاتمے کی جدوجہد پر خراج تحسین پیش کیا جاتا ہے۔ ہم سنتے چلے آرہے ہیں کہ کشمیر پاکستان کی شہ رگ ہے جو گزشہ 77 برسوں سے زیر خنجر ہے مگر نہ جانے کب تک ہماری شہ رگ زیرِخنجر رہے گی؟ بھارت نے کشمیر پر غاصبانہ قبضہ کرکے کشمیریوں کو یر غمال بنا کر ان کے حقوق سلب کر رکھے ہیں۔ ایک طرف کشمیر کی خود مختار حیثیت کو ختم کرکے وہاں آبادی کا تناسب تبدیل کرنے کے لیے جہاں ہندو انتہاپسندوں کو لا کر آباد کیا جارہا ہے تو دوسری طرف وہاں اہل کشمیر کا قتل عام بھی کیا جارہا ہے۔

کشمیریوں نے گزشتہ 77 برسوں سے مقبوضہ جموں وکشمیر پر بھارت کے غیر قانونی، غیر آئینی، غیر اخلاقی، غاصبانہ اور ناجائز قبضے کے خاتمے اور اپنی حق خودارادیت کے حصول کے لیے جو عظیم اور لازوال جدوجہد شروع کی ہے اس میں اب تک ایک لاکھ کے قریب کشمیری اپنی جانوں کا نذرانہ پیش کرچکے ہیں، بھارتی دہشت گردی کے نتیجے میں23 ہزار سے زائد خواتین بیوہ اور ایک لاکھ گیارہ ہزار بچے یتیم ہوچکے ہیں۔

بھارتی درندوں نے 12ہزارکے قریب کشمیری خواتین کی اجتماعی آبرویزی کی، لاکھوں کشمیری گرفتار کرکے انھیں بھارتی عقوبت خانوں میں قید رکھ کر ہزاروں کو دوران حراست فرضی جھڑپوں میں شہید کیا گیا، مقبوضہ جموں وکشمیر کے طول عرض میں ہزاروں گمنام قبریں دریافت ہوچکی ہیں، ایک ایک قبر میں سیکڑوں کشمیریوں کو اجتماعی طور پر دفن کیا گیا تھا، اربوں روپے کی جائیداد و املاک کو تباہ کیا گیا کئی دہائیوں سے جاری بھارتی دہشت گردی کے نتیجے میں کھیت و کھیلان تباہ ہوکر ویران بیاباں کے مناظر پیش کررہے ہیں۔ کشمیر میں کوئی گھر ایسا نہیں جس کی چوکھٹ سے شہیدوں کے جنازے نہ اٹھے ہوں، آج بھی معصوم کشمیری نوجوانوں کو بھارتی درندوں کے ہاتھوں فرضی جھڑپوں میں شہید کرنے کا سلسلہ جاری ہے۔ ان تمام ظالمانہ اور سفاکانہ کارروائیوں کا مقصد اہل کشمیر کو جدوجہد آزادی سے دستبردار کرانا ہے۔

سوال یہ ہے کہ 77 برسوں سے جاری اس ظلم و بربریت اور لاکھوں شہادتوں کے باوجود کیا اہل کشمیر کے دلوں سے جذبہ حریت مٹ چکا ہے؟ انھوں نے کیا بھارت کی غلامی کو قبول کرلیا ہے؟ ہرگز نہیں۔ 77 سال پہلے اہل کشمیر کے دلوں میں جو جذبہ آزادی موجود تھا، اسے غزہ پر اسرائیلی درندوں کی 471 دن کی مسلسل بربریت کے سامنے معصوم فلسطینی مسلمانوں کی عزم صمیم نے کشمیریوں کی تیسری نسل کے خون میں موجود وارثت میں ملا جذبہ آزادی کو پہلے سے کہیں زیادہ توانا اور قوی کیا ہے۔ ایک نہ ایک دن بھارت کو اقرار کرنا پڑے گا کہ کشمیر "تقسیم ہند" کا نامکمل ایجنڈا ہے۔

بھارتی درندے کشمیریوں کے دلوں سے آزادی و حریت کا جذبہ ختم نہیں کرسکتے۔ اقوام متحدہ کی سلامتی کونسل کی قراردادوں کی روشنی میں اس کا حل نہ نکلا تو کشمیری خنجر بن کر بھارت کے پیٹ میں پیوست ہوکر ہندو بنئے سے آزادی چھین لیں گے۔ آزادیِ کشمیر کے بغیر جنوبی ایشیاء میں قیام امن کا خواب ادھورا ہے اور ادھورا ہی رہے گا۔ دو ایٹمی طاقتوں پاکستان اور بھارت کے درمیان کشیدگی کا بنیادی سبب مسئلہ کشمیر ہے اور اگر اس کو حل کرنے کا کوئی راستہ نکال لیا جائے تو اس سے نہ صرف کشمیر کے کروڑوں باشندوں کی سیاسی و اقتصادی ترقی کے راستے کھل سکتے ہیں بلکہ جنوبی ایشیاء میں ترقی کے نئے باب روشن ہو سکتے ہیں لیکن اس حقیقت کو سمجھنے کے لیے بھارت کی جابر و ظالم مودی سرکار تیار نہیں۔

 اقوام متحدہ خاص طور پر مسئلہ فلسطین اور کشمیر کو حل کرنے میں جس بری طریقے سے ناکام ہوئی ہے وہ اس کے وجود پر ایک بڑا سوالیہ نشان ہے۔ اقوام متحدہ کی سلامتی کونسل نے اپنی قراردادوں میں کہا ہے کہ کشمیر کا حتمی فیصلہ کشمیری عوام عالمی ادارے کی زیر نگرانی رائے شماری کے ذریعے کریں گے۔ بھارت نے اس فیصلے کو قبول کیا ہے اور وہ اقوام متحدہ کے چارٹر کے آرٹیکل 25 کے مطابق اس کی تعمیل کا پابند ہے۔ بھارت کو کشمیرکی حیثیت کو تبدیل کرنے کے لیے کسی قسم کی یکطرفہ کارروائی کرنے کا کوئی حق نہیں۔ وہ کشمیریوں کی حق خودارادیت کی جائز جدوجہد کو بے شرمی سے کچلنے میں مصروف ہے اور مقبوضہ علاقے میں آبادی کے تناسب میں تبدیلی لانے کی جو بھونڈی کوششیں کر رہا ہے وہ علاقائی امن کے لیے سنگین خطرہ ہے۔

 اقوام متحدہ اور سلامتی کونسل میں استصواب کی منظور شدہ قراردادیں موجود ہیں مگر اقوام متحدہ آج تک ان قراردادوں پر عمل درآمد کرانے سے قاصر ہے۔ پاکستان سفارتی اور اخلاقی سطح پر کشمیری عوام کے حق میں دامے درمے قدمے سخنے ہر بین الاقوامی فورم پر آواز اٹھاتا رہتا ہے۔ اقوام متحدہ کو جانبدارانہ رویہ ترک کرنا چاہیے اور اپنی منظور شدہ قراردادوں کی روشنی میں مسئلہ کشمیر حل کرانے میں مزید وقت ضایع نہیں کرنا چاہیے۔

اصولی طور پر یہ اقوام متحدہ کی ہی ذمے داری ہے کہ وہ جارح بھارت کو نکیل ڈال کر مقبوضہ کشمیر میں استصواب کے لیے آمادہ کرے، اگر وہ اس طرف نہیں آتا تو عالمی سطح پر اس کے خلاف کارروائی عمل میں لا کر اس پر اقتصادی پابندیاں عائد کی جائیں۔ جب تک مسئلہ کشمیر کا پائیدار حل عمل میں نہیں آتا خطے میں امن کی ضمانت نہیں دی جا سکتی۔ اقوام متحدہ کشمیر و فلسطین پر اگر اپنا غیر جانبدارانہ کردار ادا نہیں کرتا تو مجھے اس بات میں کوئی شک نہیں کہ اس کا حشر بھی لیگ آف نیشن جیسا ہی ہوگا کیونکہ کشمیریوں کواب آزادی سے زیادہ دیر تک دور نہیں رکھا جاسکتا، بہت جلد مقبوضہ کشمیر نہیں بھارت زیر خنجر ہوگا۔ ان شاء اللہ