گلستان جوہر حادثے میں ملوث ڈمپر کا ڈرائیور گرفتار
اشاعت کی تاریخ: 8th, February 2025 GMT
کراچی:
پولیس نے گلستان جوہر حادثے میں ملوث ڈمپر ڈرائیور کو گرفتار کرلیا۔
گلستان جوہر موڑ کے قریب تیز رفتار ڈمپر کی ٹکر سے خاتون سمیت تین افراد جاں بحق ہوگئے تھے۔ حادثے کے بعد ڈمپر ڈرائیور موقع سے فرار ہو گیا تھا، تاہم پولیس نے کارروائی کرتے ہوئے ملزم کو گرفتار کر لیا۔
پولیس کے مطابق حادثے کے نتیجے میں تین افراد موقع پر ہی جاں بحق ہو گئے تھے۔ واقعے کے بعد ڈمپر ڈرائیور مواز خان، جائے وقوعہ سے فرار ہو گیا تھا۔
تاہم شاہراہ فیصل پولیس نے جدید ٹیکنالوجی کی مدد سے ملزم کا سراغ لگایا اور اسے گرفتار کر لیا۔ ملزم کے خلاف شاہراہ فیصل تھانے میں مقدمہ درج کر کے مزید تفتیش کا آغاز کر دیا گیا ہے۔
پولیس کا کہنا ہے کہ کراچی میں بھاری گاڑیوں کی لاپرواہ ڈرائیونگ کے باعث حادثات میں اضافہ ہو رہا ہے، جس پر قابو پانے کے لیے سخت اقدامات کیے جا رہے ہیں۔
واضح رہے کہ کراچی کے علاقے گلستان جوہر میں 5 فروری کو ڈمپر بے قابو ہو کر تین موٹر سائیکلوں اور 2 کاروں سے ٹکرا گیا، جس کے نتیجے میں خاتون سمیت 3 افراد جاں بحق ہو گئے تھے۔
.ذریعہ: Express News
کلیدی لفظ: گلستان جوہر
پڑھیں:
کراچی کے ضلع وسطی میں پورشن مافیا کے گرد گھیرا تنگ، متعدد گرفتار
شہر قائد کے ضلع وسطی میں غیر قانونی تعمیرات میں ملوث پورشن مافیا کے ٹھیکیداروں، سہولت کاروں اور بلڈرز کیخلاف مقدمہ درج کر کے متعدد کو گرفتار کرلیا گیا ہے۔
ایکسپریس نیوز کے مطابق سندھ بلڈنگ کنٹرول اتھارٹی کے جانب سے ڈسٹرکٹ سینٹرل میں غیرقانونی تعمیرات اور اس میں ملوث ٹھکیدار پورشن مافیا سمیت سہولت کاروں کے خلاف گھیراتنگ کردیا گیا ہے۔
ڈسٹرکٹ سینٹرل میں کئی ملزمان کے خلاف ایف آئی آرز درج کی گئی ہے، 18 سے زائد ملزمان کو پولیس نے حراست میں لے لیا جبکہ مزید گرفتاریوں کے لئے کارروائیوں کاسلسلہ جاری ہے۔
تفصیلات کے مطابق اس سلسلے میں ڈائریکٹر جنرل ایس بی سی اے محمد اسحاق کھوڑو نے دو ٹوک مؤقف اختیار کرتے ہوئے کہا ہے کہ غیرقانونی تعمیرات کے خلاف حکومت سندھ کی ہدایات کے مطابق زیروٹالرنس پالیسی غیرقانونی تعمیرات کے مکمل خاتمے تک جاری رہے گی۔
انہوں نے کہا کہ پورے شہر میں غیرقانونی تعمیرات میں ملوث ٹھکیدار و سہولت کاروں اور پورشن مافیا کے خلاف بھرپور قانونی کارروائیاں کی جائیں گی، غیر قانونی تعمیرات کا خاتمہ اورملوث ملزمان کو قانون کے کٹہرے میں لاکر کیفرکردار تک پہنچائیں گے۔
غیرقانونی تعمیرات سے متعلق حکومت سندھ کی زیروٹالرنس پالیسی پر عملدرآمد کے حوالے سے ڈائریکٹرجنرل محمد اسحاق کھوڑو مسلسل متحرک ہیں، انکی جانب سے شہر کے مختلف اضلاع کے ڈپٹی کمشنرز اور ایس ایس پیز سے ملاقاتوں کا سلسلہ جاری ہے جس میں غیرقانونی تعمیرات کے خاتمے اور ملوث ملزمان کے خلاف سخت ایکشنز کے سلسلے میں فیصلے اور لائحہ عمل مرتب کیا گیا ہے۔
ایس بی سی اے کی جانب سے ڈسٹرکٹ سینٹرل میں اب تک 260 سے زائد کاروائیاں عمل میں لائی جا چکی ہیں۔
واضح رہے کہ ڈائریکٹرجنرل سندھ بلڈنگ کنٹرول اتھارٹی کی خصوصی ہدایات پر ایس بی سی اے کے ڈسٹرکٹ ڈائریکٹرز،ویجیلینس ٹیم اور ڈیمالیشن ڈائریکٹر و دیگر افسران و عملے کے ہمراہ علاقوں میں غیرقانونی تعمیرات کے خلاف روزانہ کے بنیاد پر کارروائیوں میں مصروف عمل ہیں۔
پی ٹی آئی میں کلچربن چکا کسی کو گندا کرنا ہو تو اس پر اسٹیبلشمنٹ کا آدمی ہونے کا الزام لگا دو، شیر افضل مروت