پاکستان کیخلاف میچ سے قبل نیوزی لینڈ کو بڑا دھچکا، اہم فاسٹ بولر انجرڈ
اشاعت کی تاریخ: 8th, February 2025 GMT
پاکستان کیخلاف سہ ملکی سیریز کے پہلے میچ سے قبل نیوزی لینڈ کو بڑ دھچکا لگ گیا۔
متحدہ عرب امارات (یو اے ای) کی آئی ایل ٹی20 لیگ میں شریک نیوزی لیںڈ کے اہم فاسٹ بولر لوکی فرگوسن چیمپئینز ٹرافی اور سہ ملکی سیریز کے پہلے میچ سے قبل ہیمسٹرنگ انجری کا شکار ہوگئے ہیں۔
لوکی فرگوسن آئی ایل ٹی20 لیگ میں ڈیزرٹ وائپرز کی نمانئدگی کررہے تھے۔
مزید پڑھیں: آسٹریلوی کپتان پیٹ کمنز سمیت اہم فاسٹ بولر چیمپیئنز ٹرافی سے باہر
انجری کے بعد کیوی پیسر کی سہ ملکی سیریز میں شرکت پر سوالیہ نشان لگ گیا ہے جبکہ کرکٹر کی میڈیکل رپورٹ کا انتظار کیا جارہا ہے، جس کے بعد انکی چیمپئینز ٹرافی اسکواڈ میں شمولیت کا فیصلہ ہوگا۔
فرگوسن کوالیفائر 1 کے دوران ڈیزرٹ وائپرز کی نمائندگی کررہے تھے تاہم وہ اپنے کوٹے کے 4 اوورز کروانے سے محروم رہے اور لنگڑاتے ہوئے میدان چھوڑنا پڑا۔
مزید پڑھیں: چیمپیئنز ٹرافی اسکواڈ میں شامل آسٹریلوی کھلاڑی کا فوری ریٹائرمنٹ کا اعلان
نیوزی لینڈ کے ہیڈ کوچ گیری اسٹیڈ کا کہنا ہے کہ فاسٹ بولر کی شمولیت کا فیصلہ میڈیکل رپورٹس کے سامنے آنے کے بعد کیا جائے گا تاہم یہ کیوی ٹیم کیلئے بڑا دھچکا ہوسکتا ہے۔
واضح رہے کہ ٹم ساؤتھی کی ریٹائرمںٹ کے بعد توقع کی جارہی تھی کہ لوکی فرگوسن، میٹ ہنری کیساتھ ملکر پیس اٹیک مضبوط کریں گے تاہم انکی انجری نے نیوزی لینڈ کے خیمے کو پریشان کردیا ہے۔
مزید پڑھیں؛ کمنز کی انجری! آسٹریلیا نے نئے کپتان کی تلاش شروع کردی
دوسری جانب اگر رپورٹس میں ڈاکٹرز کی جانب سے کرکٹر کو آرام کا مشورہ دیا تھا تو کرکٹ نیوزی لینڈ کو انکے متبادل کے نام کا اعلان کرنا ہوگا، 12 فروری کے بعد کوئی ٹیم اسکواڈ میں تبدیلی کیلئے آئی سی سی کی ٹیکنیکل کمیٹی سے اجازت لے گی۔
.ذریعہ: Express News
کلیدی لفظ: نیوزی لینڈ فاسٹ بولر کے بعد
پڑھیں:
سہ افریقی سیریز کا افتتاحی میچ آج پاکستان اور نیوزی لینڈ کے درمیان کھیلا جائے گا
لاہور(نیوز ڈیسک)پاکستان، نیوزی لینڈ اور جنوبی افریقا کے درمیان ٹرائی نیشن سیریز کا آغاز آج سے ہوگا۔ سہ فریقی سیریز کا پہلا میچ آج پاکستان اور نیوزی لینڈ کے درمیان قذافی اسٹیڈیم میں کھیلا جائے گا۔جمعہ کو تینوں ٹیموں کے کپتانوں کے ہمراہ سہ فریقی سیریز کی ٹرافی کی رونمائی بھی کی گئی۔ میچ سے قبل نیوزی لینڈ نے لاہور میں پریکٹس کی۔ کیوی کپتان مچل سینٹنر نے ٹرافی کے ہمراہ تصویر بنوائی اور کہا کہ چیمپئنز ٹرافی سے قبل تین ملکی سیریز اہم ہے ۔
پہلی بار لاہور آئے ہیں ، قذافی اسٹیڈیم بہت خوب صورت لگا۔دوسری جانب ذرائع کے مطابق نیوزی لینڈ کے خلاف سہ فریقی سیریزکے افتتاحی کیلئے قومی ٹیم کی فائنل الیون میں بابر اعظم اور فخر زمان اننگز شروع کریں گے ۔ذرائع کا کہنا ہے کہ دیگر کھلاڑیوں میں کامران غلام ، محمد رضوان ،طیب طاہر ، سلمان آغا اور خوشدل شاہ شامل ہو ں گے جبکہ شاہین آفریدی ، نسیم شاہ ، حارث رؤف اور ابرار احمد بولنگ اٹیک کا حصہ ہوں گے۔
امریکی خاتون اونیجا کی محبت کا ’دی اینڈ‘، واپس چلی گئی
ایف بی آئی افسران ٹرمپ کے انتقام سے خوفزدہ، ڈیسک خالی کرنا شروع کر دیے