کارڈیک ہسپتال مظفرآباد میں ڈاکٹرز کی لاپرواہی کی نسبت غیر جانبدار انکوائری کرائی گئی، انوارالحق
اشاعت کی تاریخ: 8th, February 2025 GMT
قانون ساز اسمبلی میں سابق وزیراعظم راجہ محمد فاروق حیدر خان کی قراردادوں پر بحث میں حصہ لیتے ہوئے وزیراعظم آزاد کشمیر کا کہنا تھا کہ کارڈیک ہسپتال میں ایک شہری کی دوران علاج موت پر حکومت نے کچھ ڈاکٹرز کے خلاف انکوائری کروائی ہے۔ یہ تاثر دینا غلط ہے کہ ادارے غیر فعال ہو گے ہیں۔ اسلام ٹائمز۔ وزیراعظم آزاد کشمیر چوہدری انوارالحق نے کہا ہے کہ کارڈیک ہسپتال مظفرآباد میں ڈاکٹرز کی لاپرواہی کی نسبت غیر جانبدار انکوائری کرائی گئی جس کی روشنی میں ذمہ داران کے خلاف انضباطی کارروائی عمل میں لائی گئی ہے۔ موسمیاتی تغیر اور خشک سالی کے حوالے سے درپیش چیلنجز سے نبرد آزما ہونے کے لیے موجودہ حکومت نے گزشتہ کابینہ اجلاس میں ٹاسک فورس قائم کی ہے۔ مہاجرین کی شناخت کو شناختی کارڈ پر درج کرنے کی رائے بہترین تجویز ہے، اس پر قرارداد سے مکمل اتفاق ہے۔ چیف الیکشن کمشنر کی تقرری کا عمل قائد حزب اختلاف کے مشورے سے آئندہ چند دنوں میں مکمل ہو جائے گا۔ ان خیالات کا اظہار انہوں نے آزاد جموں و کشمیر قانون ساز اسمبلی میں سابق وزیراعظم راجہ محمد فاروق حیدر خان کی قراردادوں پر بحث میں حصہ لیتے ہوئے کیا۔ وزیراعظم آزاد کشمیر چوہدری انوار الحق نے کہا ہے کہ کارڈیک ہسپتال مظفر آباد فعال ہے، کارڈیک ہسپتال میں ایک شہری کی دوران علاج موت پر حکومت نے کچھ ڈاکٹرز کے خلاف انکوائری کروائی ہے۔ یہ تاثر دینا غلط ہے کہ ادارے غیر فعال ہو گے ہیں یہ قطعی طور پر مناسب بات نہیں ہے۔موسمیاتی تغیر کے سدباب کے لیے جنگلات کا تحفظ یقینی بنایا گیا ہے۔ ہنگامی بنیادوں پر اقدامات اٹھانے کی ضرورت ہے، رویے بدلنا ہوں گے۔‘‘ٹاسک فورس’’اس حوالے سے آئندہ دو ہفتوں میں اپنی سفارشات پیش کرے گی۔انہوں نے کہا کہ آئین کا بنیادی تقاضا ہے کہ الیکشن میں جانے سے پہلے‘‘حلقہ بندیاں’’مردم شماری اور الیکشن ایکٹ کی بنیاد پر ہوں۔ انہوں نے کہا کہ مردم شماری کے اعداد و شمار حکومت آزادکشمیر کو اب مل جانے چاہیے۔یہی اہم وقت ہے جس میں نادرا سے رابطہ کرنا چاہیے ، علاوہ ازیں مہاجرین کی ووٹر لسٹوں کی بھی گھر گھر جا کر تصدیق کرنے کی ضرورت ہے۔ وزیراعظم آزاد کشمیر نے کہا کہ اس معاملہ سے متعلقہ اور دیگر دو پیش کی گئی قراردادوں سے 100 فیصد اتفاق ہے۔ انہوں نے کہا کہ یہاں سے کچھ قراردادیں ادارہ شماریات کے پاس بھیجی گئیں جن میں ایک قرارداد’مقامی زبانوں‘سے متعلق تھی جس میں’مردم شماری‘ کے دوران زبان کے ’خانہ‘ میں مقامی زبانوں کے اندراج کا مطالبہ کیا گیا۔مہاجرین جموں و کشمیر کی شناخت کے ’خانے‘ کا مطالبہ بھی کیا گیا۔وزیراعظم آزادکشمیر نے چیف الیکشن کمشنر کی تعیناتی کے حوالے سے گفتگو کرتے ہوئے کہا کہ اخلاقی اور سیاسی تقاضا بھی ہے کہ ایسا نام چنا جائے جو غیر متنازعہ ہو، اس حوالے سے قائد حزب اختلاف سے مشاورت جاری ہے۔
.ذریعہ: Islam Times
کلیدی لفظ: نے کہا کہ حوالے سے انہوں نے
پڑھیں:
پشاور: ہوٹل میں سلنڈر دھماکے سے 12 افراد زخمی
پشاور(نیوز ڈیسک)پشاور میں خیبر ٹیچنگ ہسپتال (کے ٹی ایچ) کے قریب ہوٹل میں سلنڈر دھماکے کے نتیجے میں 12 افراد زخمی ہوگئے۔نجی چینل کے مطابق ریسکیو 1122 کے ترجمان بلال فیضی نے بتایا کہ کے ٹی ایچ کے قریب ہوٹل میں سلنڈر دھماکا ہوا، اطلاع ملتے ہی ریسکیو ایمبولینس اور فائر ویکل موقع پر پہنچ گئی اور امدادی کارروائیاں شروع کیں۔
انہوں نے کہا کہ ابتدائی طور پر خود ہی زخمیوں کو ہسپتال منتقل کیا گیا، جبکہ فائر فائٹرز نے جلد ہی آگ پر قابو پالیا۔ہسپتال ذرائع کے مطابق چند زخمی اب بھی ہسپتال میں زیر علاج ہیں۔
اسلام آباد ہائیکورٹ نے عافیہ صدیقی اور شکیل آفریدی کے تبادلے پر حکومت سے جواب طلب کرلیا
یونس علی کو تحریک حسینی پاراچنار کا نیا صدر منتخب کرلیا گیا