بلاول بھٹو کی امریکی صدر کے دعائیہ ناشتے میں شرکت، حسین حقانی اور بلاول بھٹو میں بحث
اشاعت کی تاریخ: 8th, February 2025 GMT
بلاول بھٹو کی امریکی صدر ڈونلڈ ٹرمپ کے نیشنل پریئر بریک فاسٹ میں شرکت کے بعد بلاول بھٹو کے سیاسی مخالفین یہ دعویٰ کررہے ہیں کہ انہوں نے اس اعلیٰ سطحی تقریب میں شرکت کے لیے پیسے دیے تھے اور انہیں کوئی سرکاری دعوت نہیں دی گئی تھی۔
دوسری طرف کچھ لوگوں کا خیال ہے کہ انہوں نے اس دعوت میں شرکت کے لیے کوئی فیس نہیں بھری بلکہ انہیں امریکی صدر کی طرف سے اس تقریب میں شرکت کی دعوت دی گئی۔
ایسے میں پاکستان کے امریکا میں سابق سفیر حسین حقانی اور پی ٹی آئی کے سابق وفاقی وزیر فواد چوہدری کے درمیان ایکس پر دلچسپ بحث چھڑ گئی ہے۔
یہ بھی پڑھیے: ’یہ مسیحیوں کا ناشتہ نہیں‘، بلاول بھٹو نے ’نینشل پریئر بریک فاسٹ‘ کی اختتامی تقریب سے خطاب میں اور کیا کہا؟
فواد چوہدری نے جمعے کے روز ایکس پر لکھا، ’صدر ٹرمپ کا 73ویں نیشنل بریک فاسٹ سے خطاب ختم ہوا ہے، شاید ہی کسی اور ملک کے وزیر خارجہ نے اس طرح ٹکٹ لے کر خطاب سنا ہو جس طرح بلاول بھٹو صاحب نے سنا ہے، حیران ہوں اتنی کیا Obsession ہے!‘
فواد چوہدری کی ایکس پوسٹ کو حسین حقانی کا کہنا تھا کہ اس تقریب کے ٹکٹ نہیں ہوتے بلکہ اس میں مہمانوں کو مدعو کیا جاتا ہے۔ انہوں نے فواد چوہدری پر طنز کرتے ہوئے لکھا کہ بندہ جہلم میں بیٹھکر واشنگٹن کی بات کرے تو کسی سے پُوچھ ہی لیتا ہے۔ ویسے ٹکٹ کی بات ہوتی تو پی ٹی آئی والوں کے پاس چندہ کی کیا کمی ہے؟ کسی ڈاکٹر سے کہہ کر ٹکٹ خریدوا لیتے۔
اس کے بعد فواد چوہدری نے ایک اور اسکرین شوٹ شیئر کیا جس میں کہا گیا تھا کہ اس تقریب میں مہمانوں کی دعوت سے امریکی حکومت کا کوئی تعلق نہیں ہوتا نہ ہی اس میں شریک مہمانوں کی تقریریں امریکی حکومت کے موقف کی نمائندگی کرتے ہیں۔
یہ بھی پڑھیے: ہمیں فیک نیوز چیلنج کا سامنا ہے، بلاول بھٹو
فواد چوہدری نے اس پر تبصرہ کرتے ہوئے لکھا تھا کہ ایک وقت تھا نیٹ نہیں تھا آپ نے کافی جھوٹ بیچا اب ہر چیز نیٹ پر مل جاتی ہے آپ کو اپنی دکان بند کر کے ابو طہبی آنا پڑا۔
اس پوسٹ کو بھی سابق پاکستانی سفیر حسین حقانی نے شیئر کیا اور لکھا کہ انہوں نے جواب میں بھی ٹکٹ والے دعوے کا کوئی ثبوت تو کیا ذکر بھی نہیں۔ یہ تو ایشو تھا ہی نہیں کہ نیشنل پرئیر بریک فاسٹ کوئی امریکی سرکاری تقریب تھی۔ امریکی آئین سرکاری خرچ پر مذہبی تقریب کے انعقاد کی اجازت ہی نہیں دیتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلاول بھٹو حسین حقانی دعائیہ ناشتہ ڈونلڈ ٹرمپ.ذریعہ: WE News
کلیدی لفظ: بلاول بھٹو دعائیہ ناشتہ ڈونلڈ ٹرمپ فواد چوہدری بلاول بھٹو بریک فاسٹ میں شرکت انہوں نے
پڑھیں:
بلاول بھٹو زرداری کا قومی دعائیہ ناشتے میں خطاب، پاک-امریکا تعلقات پر زور
پاکستان پیپلز پارٹی کے چیئرمین بلاول بھٹو زرداری نے کہا ہے کہ پاکستان اور امریکا کے عوام کے درمیان تعلقات کو مزید مستحکم ہونا چاہیے واشنگٹن میں میڈیا سے گفتگو کرتے ہوئے بلاول بھٹو زرداری نے بتایا کہ انہوں نے قومی دعائیہ ناشتے کی تقریب میں شرکت کی جہاں دنیا بھر سے اہم شخصیات موجود تھیں اور امریکی صدر نے بھی خطاب کیا بلاول بھٹو کا کہنا تھا کہ یہ تقریب بین المذاہب ہم آہنگی کے فروغ کے لیے ایک بہترین موقع ہے ان کا مزید کہنا تھا کہ وہ اب وزیر خارجہ نہیں رہے اس لیے تمام ملاقاتیں ذاتی حیثیت میں کیں انہوں نے کہا کہ مذہب کو تقسیم کا ذریعہ بنانے کے بجائے اتحاد کے لیے استعمال کرنا چاہیے اور معاشرتی ہم آہنگی کے فروغ کے لیے بین المذاہب پروگرامز انتہائی ضروری ہیں بلاول بھٹو زرداری نے امریکا میں مقیم پاکستانیوں کے ساتھ مل کر مزید کام کرنے کی خواہش کا اظہار کرتے ہوئے کہا کہ برابری اور رواداری کے اصولوں کو اپنانا چاہیے تاکہ معاشرتی تقسیم سے بچا جا سکے
بلوچستان میں درجہ حرارت منفی 7 ڈگری تک گر گیا،بارش اور برفباری کا امکان