سعودی عرب میں جدید ٹیکنالوجی کا سب سے بڑا ایونٹ ’لیپ 2025‘
اشاعت کی تاریخ: 8th, February 2025 GMT
سعودی عرب ٹیکنالوجی کے سب سے بڑے اور جدید ایونٹ ’لیپ 2025‘ کی میزبانی کے لیے تیار ہے، جس میں دنیا بھر سے ہزاروں ماہرین، سرمایہ کار اور ٹیکنالوجی کمپنیز شرکت کریں گی۔ اس عالمی کانفرنس میں 1800 سے زائد بین الاقوامی ٹیکنالوجی کمپنیاں اور 1000 سے زیادہ ماہرین اپنی تحقیق، اختراعات اور تجربات پیش کریں گے، جبکہ نئی شراکت داریوں اور سرمایہ کاری کے بے شمار مواقع بھی پیدا ہوں گے۔
یہ کانفرنس نہ صرف مشرق وسطیٰ بلکہ عالمی سطح پر ٹیکنالوجی کے مستقبل کی راہ متعین کرنے میں اہم کردار ادا کرے گی۔ مصنوعی ذہانت، روبوٹکس، بائیو ٹیکنالوجی، بلاک چین، انٹرنیٹ آف تھنگز اور چوتھے صنعتی انقلاب جیسے موضوعات پر تفصیلی تبادلہ خیال کیا جائے گا۔
مزید پڑھیں: عمرہ زائرین کے لیے بڑی خوشخبری! سعودی عرب نے مسافروں کو بڑا ریلیف دے دیا
ڈیجیٹل معیشت، اسمارٹ شہروں، توانائی کے جدید حل اور صحت عامہ میں ٹیکنالوجی کے کردار جیسے امور بھی اس کانفرنس کے مرکزی نکات میں شامل ہوں گے۔
نئی کمپنیوں اور اسٹارٹ اپس کے لیے بھی یہ کانفرنس غیر معمولی مواقع لے کر آ رہی ہے، جہاں جدید کاروباری ماڈلز پر گفتگو ہوگی اور اسٹارٹ اپس کو سرمایہ کاروں سے جڑنے کے مواقع فراہم کیے جائیں گے۔ اس کے علاوہ، ای کامرس، ڈیجیٹل مارکیٹنگ، اور فنانشل ٹیکنالوجی کے شعبے میں ہونے والی ترقی پر بھی روشنی ڈالی جائے گی، جس کا مقصد عالمی کاروبار اور معیشت میں جدت لانا ہے۔
مزید پڑھیں: سعودی عرب میں گداگری کرنے والے 10 پاکستانی ڈی پورٹ، واپسی پر گرفتار
’لیپ 2025‘ میں شرکا کے لیے تفریحی سرگرمیوں کا بھی خاص اہتمام کیا گیا ہے۔ ’لیالی لیپ‘ کے تحت صحرا میں کیمپنگ، گالف ٹورنامنٹ، اور روایتی سعودی ثقافتی تجربات ایونٹ کا حصہ ہوں گے۔
یہ کانفرنس سعودی عرب کے ’وژن 2030‘ کے تحت ہونے والی ڈیجیٹل ترقی میں ایک اور اہم قدم ہے، جس کا مقصد ملک کو جدید ٹیکنالوجی کے مرکز میں تبدیل کرنا ہے۔ ٹیکنالوجی اور کاروبار سے وابستہ افراد کے لیے یہ ایونٹ ایک شاندار موقع ہے جہاں وہ دنیا کے جدید ترین رجحانات سے آگاہی حاصل کر سکیں گے اور عالمی سطح پر اپنے نیٹ ورک کو وسعت دے سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’لیپ 2025‘ سعودی عرب.ذریعہ: WE News
کلیدی لفظ: لیپ 2025 ٹیکنالوجی کے لیپ 2025 کے لیے
پڑھیں:
ڈیننگ اسپورٹس فیسٹول، ٹیبل ٹینس گرلز ایونٹ بحریہ کے نام
کراچی (اسپورٹس رپورٹر) ڈیننگ اسپورٹس سوسائٹی کے زیر اہتمام اور ڈیننگ اسپورٹس ڈپاٹمنٹ کے تعاون سے دوسرے ڈیننگ اسپورٹس فیسٹول کا ٹیبل ٹینس گرلز ایونٹ بحریہ یونیورسٹی نے جیت لیا جبکہ بوائز میں فاسٹ یونیورسٹی نے میدان مار لیا۔ٹیبل ٹینس ایونٹ میں شہر قائد کی 16 یونیورسٹیز نے بھر پور شرکت کی۔ ڈیننگ یونیورسٹی کے ریجنل اسپورٹس کو آرڈی نیٹر کاشف احمد فاروقی کے مطابق ٹیبل ٹینس بوائز اور گرلز ایونٹ کے مقابلے سندھ اسپورٹس بورڈ میں منعقد ہوئے، سندھ اولمپک ایسوسی ایشن کے سیکریٹری جنرل احمد علی راجپوت مہمان خصوصی تھے،جبکہ اس موقع پرڈیننگ اسپورٹس سوسائٹی کی صدر زھرا مظہر، سندھ فینسنگ ایسوسی ایشن کے سیکریٹری محمد تقی، پرنسپل گورنمنٹ فار مین کالج ناظم آباد پروفیسر نوید احمد ہاشمی، پروفیسر سید غوریخان، عظیم الشان، تحسین احمد،محمد وسیم، مظہر چنہ، محمد طلحہ، حسن عرفان، کھیلوں کی صحافت سے وابستہ نامور جرنلسٹس اصغر عظیم، شکیل یامین کانگا،شہزادہ معین،عمر شاہین، محمد حماد، وسیم قریشی، ارشد وہاب،ریحان اکرم، شہزاد قادر، جنید راجپوت، محمد ندیم صدیقی، عدنان صدیقی اور دیگر بھی موجود تھے۔ مہمان خصوصی احمد علی راجپوت نے ڈیننگ یونیورسٹی کے شعبہ اسپورٹس کو اس شاندار اسپورٹس فیسٹول کے انعقاد پر مبارک باد پیش کرتے ہوئے کہا کہ یونیورسٹی لیول پر ہونے والے تمام ایونٹس میں کھیل کا معیار بہت بلندتھا اس ایونٹ سے بھی بہترین ٹیلنٹ سامنے آئے گا، انہوں نے ٹیبل ٹینس کھیل کر مقابلوں کا افتتاح بھی کیا۔ ٹیبل ٹینس ٹیم ایونٹ میں 16 ٹیموں نے شرکت کی،بوائز کے فائنل میں فاسٹ یونیورسٹی نے آئی او بی ایم کو شکست دے کر ایونٹ اپنے نام کیا جبکہ بحریہ یونیورسٹی نے تیسری پوزیشن حاصل کی۔ گرلز مقابلوں میں بحریہ یونیورسٹی نے پہلی پوزیشن حاصل کی جبکہ ڈیننگ نے دوسری اور اقرا یونیورسٹی نے تیسری پوزیشن پر قبضہ جمایا۔ ٹیکنیکل آفیشلز میں محمد ناصر، دامیر احمد،شایان خان،سنیل حسین،محمد امان اور عظیم شامل تھے۔ ڈیننگ اسپورٹس فیسٹول کے اسپانسرز میں ماسٹر فیس ماسک، ایم ٹی مرچانی ٹریولز، تیملا، الغنی موٹرز، سعد ہائیٹس، ایم ایم وائی ایسوسی ایٹ، فے کمپنی، جسٹ ڈرایؤ ،میدان، احسن کنول اور کوئس شامل ہیں دوسرے ڈیننگ اسپورٹس فیسٹول میں سات کھیلوں کو شامل کیا گیا ہے جن میں بیڈ منٹن، ٹیبل ٹینس، کرکٹ، فٹسال، روئنگ، باسکٹ بال اور تھروبال شامل ہیں۔
پیپلز پارٹی کا مطالبہ مسترد، اراکین پارلیمنٹ کی متنازع ترقیاتی اسکیمیں بحال