چیمپیئنز ٹرافی 2025: وہ کھلاڑی جو پہلے بھی اس ایونٹ میں کھیل چکے ہیں
اشاعت کی تاریخ: 8th, February 2025 GMT
چیمیئنز ٹرافی 2025 پاکستان کی میزبانی میں رواں مہینے کھیلی جائے گی، اور اس کے لیے تمام ٹیموں نے اپنے اسکواڈز کا اعلان کردیا ہے۔
چیمپیئنز ٹرافی مین حصہ لینے والے کھلاڑیوں میں سے کچھ کھلاڑی ایسے بھی ہیں جو اس سے قبل بھی اس ایونٹ میں حصہ لے چکے ہیں۔
پاکستان کی ٹیم میں بابر اعظم، فخر زمان اور فہیم اشرف چیمپیئنز ٹرافی 2017 میں کھیل چکے ہیں جبکہ بھارتی ٹیم کے موجودہ اسکواڈ میں ویرات کوہلی، روہت شرما، جدیجا، پانڈیا، بمراہ اور شامی اس ایونٹ میں دوبارہ حصہ لے رہے ہیں۔
یہ بھی پڑھیے:قذافی کرکٹ اسٹیڈیم چیمپیئنز ٹرافی کے لیے تیار
نیوزی لینڈ کی ٹیم میں ویلیم سن، سینٹنیر اور ٹام لاتھم جبکہ ساؤتھ افریقہ کی ٹیم میں ڈیوڈ ملر، کگیسو رباڈا اور مہاراج چیمپیئنز ٹرافی میں دوسری بار پرفارم کرنے جارہے ہیں۔
انگلینڈ کے اسکواڈ میں جوس بٹلر، جو روٹ، عادل رشید ار مارک ووڈ جبکہ بنگلہ دیش کی ٹیم میں محموداللہ، محمد رحیم، سرکار، حسن میراج، تسکین احمد اور محمد رحمان 2017 کی چیمپیئنز ٹرافی کے بعد اس بار بھی اس میگا ایونٹ کے لیے میدان میں نظر آئیں گے۔
اس کے علاوہ آسٹریلیا کی ٹیم میں میکس ویل، اسٹارک، پیٹ کمینس، ٹریورس ہیڈ، اسٹیو سمتھ، ہیزل ووڈ اور ایڈم زمپا بھی ایسے کھلاڑی ہیں جنہیں ان کی ٹیم اس ایونٹ کے لیے دوسری بار موقع دے رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکواڈ چیمپیئنز ٹرافی قذافی اسٹیڈیم کرکٹ کھلاڑی.ذریعہ: WE News
کلیدی لفظ: اسکواڈ چیمپیئنز ٹرافی قذافی اسٹیڈیم کرکٹ کھلاڑی چیمپیئنز ٹرافی کی ٹیم میں اس ایونٹ کے لیے
پڑھیں:
پی ایس ایل 10 : اسلام آباد یونائیٹڈ نے افتتاحی میچ میں لاہور قلندرز کو 8 وکٹوں سے شکست دے دی
راولپنڈی(نیوز ڈیسک) پاکستان سپر لیگ 10 کے افتتاحی میچ میں اسلام آباد یونائیٹڈ نے کولن منرو کی ناقابل شکست نصف سنیچری کی بدولت لاہور قلندرز کو 8 وکٹوں سے ہرا دیا۔
راولپنڈی اسٹیڈیم میں اسلام آباد یونائیٹڈ نے ٹاس جیت کر فیلڈنگ کا فیصلہ کیا۔ کپتان شاداب خان کا یہ فیصلہ درست ثابت ہوا اور لاہور قلندرز کی ٹیم بڑا اسکور نہ کرسکی اور 19.2 اوورز میں139 رنز بنا کر آؤٹ ہوگئی۔
لاہور قلندرز کی جانب سے فخر زمان اور محمد نعیم نے اننگز کا آغاز کیا، دوسرے ہی اوور کی چوتھی گیند پر فخرزمان محض ایک رن بنا کر کیچ آؤٹ ہوگئے، انہیں اعظم خان نے ریلے میریڈتھ کی گیند پر کیچ کیا۔
پانچویں اوور میں محمد نعیم بھی 8 رنز بنا کر چلتے بنے، انہیں اعظم خان ہی نے جیسن ہولڈرز کی گیند پر کیچ کیا، اس کے بعد وقفے وقفے سے لاہور قلندرز کی وکٹیں گرتی رہیں۔
لاہور قلندرز کی جانب سے صرف عبداللہ شفیق نے ففٹی اسکور کی، انہوں نے محض 38 گیندوں پر 66 رنز کی دلکش اننگز کھیلی۔
قلندرز کے تین کھلاڑی سام بلنگ، جہانداد خان اور ڈیوڈ ویز کو صفر پر آؤٹ ہوئے، جبکہ ڈیرل مچل نے 13، سکندر رضا نے 23 ، شاہین شاہ آفریدی 2، اور حارث رؤف نے 10 رنز بنائے، آصف آفریدی 2 رنز بنا کر ناٹ آؤٹ رہے۔
اسلام آباد یونائیٹڈ کی جانب سے جیسن ہولڈر نے شاندار بولنگ کا مظاہرہ کرتے ہوئے چار وکٹیں حاصل کیں، کپتان شاداب خان کے حصے میں تین وکٹیں آئیں جبکہ نسیم شاہ، ریلے میریڈتھ اور عمادوسیم نے ایک ایک کھلاڑی کو آؤٹ کیا۔
اسلام آباد یونائیٹڈکا اسکواڈ : اینڈریز گاؤس، صاحبزادہ فرحان، کولن منرو، سلمان آغاز، اعظم خان، شاداب خان ( کپتان ) جیسن ہولڈر، عماد وسیم، محمد شہزاد، نسیم شاہ، ریلے میریڈتھ
لاہور قلندرز کا اسکواڈ: فخر زمان، محمد نعیم، عبداللہ شفیق، ڈیرل مچل،سام بلنگز ، سکندر رضا، ڈیوڈ ویز، شاہین شاہ آفریدی ( کپتان )، جہانداد خان، حارث رؤف، آصف رؤف
راولپنڈی اسٹیڈیم میں پی ایس ایل10کے افتتاحی میچ سمیت 11 مقابلے ہوں گے، اس کے بعد قذافی اسٹیڈیم 18 مئی کو ہونے والے فائنل سمیت 13 میچوں کی میزبانی کرے گا۔
کراچی اور ملتان 5،5 میچوں کی میزبانی کریں گے جبکہ پشاور میں 8 اپریل کو نمائشی میچ کا انعقاد کیا جائے گا۔
11 اپریل تا 18 مئی، 37 دنوں تک جاری رہنے والے ٹورنامنٹ میں مجموعی طور پر 34 میچ کھیلے جائیں گے، جبکہ ایونٹ میں 6 ٹیمیں حصہ لے رہی ہیں۔
Post Views: 2
منگلا ڈیم میں پانی کی سطح میں مسلسل کمی