سلیکٹرز چیمپئنز ٹرافی اسکواڈ کو ریویو کررہے ہیں، محسن نقوی کی میڈیا سے غیررسمی گفتگو
اشاعت کی تاریخ: 8th, February 2025 GMT
لاہور:
چیئرمین پی سی بی محسن نقوی نے انکشاف کیا کہ سلیکشن کمیٹی چیمپئنز ٹرافی اسکواڈ کو ریویو کررہی ہے، ان کے مطابق پاکستانیوں کے لیے اماراتی ویزے کا مسئلہ حل ہوگیا، ایکریڈیشن یا میچ ٹکٹس ہولڈر کو ویزا مل جائے گا۔
تفصیلات کے مطابق لاہور میں میڈیا سے غیر رسمی گفتگو کرتے ہوئے محسن نقوی نے کہا کہ سلیکشن کمیٹی چیمپئنز ٹرافی اسکواڈ کو ریویو کررہی ہے، سلیکٹرز کو اختیار حاصل ہے کہ وہ کوئی تبدیلی کرتے ہیں یا نہیں، خوشدل شاہ اور فہیم اشرف کو نیک نیتی سے اسکواڈ کا حصہ بنایا گیا۔
انہوں نے کہا کہ پاکستانیوں کو یو اے ای کا ویزا لینے میں اب کوئی مشکل نہیں ہوگی جس کے پاس چیمپئنز ٹرافی کا میچ ٹکٹ یا ایکریڈیشن کارڈ ہوگا اسے ویزا جاری کر دیا جائے گا۔چارٹرڈ فلائٹس کے لیے پی آئی اے سے بات کریں گے، آئی سی سی کے ساتھ میچ پاسز کی ڈیل طے پا چکی، ہم ان سے طے شدہ رقم لیں گے۔
چیئرمین نے کہا کہ قذافی اسٹیڈیم کے نئے فائیو اسٹار ہوٹل کی تعمیر اگلے ایک سال میں مکمل کرلی جائے گی، چیمپئنز ٹرافی کے بعد نیشنل کرکٹ اکیڈمی لاہور کی بلڈنگ کو گرا کر نئے طریقے سے ڈیزائن کریں گے، ٹریننگ گراؤنڈ کو وسیع کیا جائے گا۔
انہوں نے کہا کہ قذافی اسٹیڈیم وی آئی پی باکسز کو 6 سال کے لیے کرائے پر دیا جائے گا، ہر باکس کی قیمت 10 کروڑ روپے رکھی جائے گی، 24 میں سے کچھ باکس سیریز در سیریز جبکہ دیگر کچھ مدت کے لیے رینٹ پر دیں گے۔
محسن نقوی نے بتایا کہ 16 فروری کو چیمپئنز ٹرافی کی تقریب آئی سی سی کی آفیشل تقریب ہے، کونسل نے اس میں مختلف ممالک کی شخصیات کو مدعو کیا ہے، محسن نقوی نے کہا کہ اسلام آباد کے پرفضا مقام پر نیا اسٹیڈیم بنایا جائے گا۔
.ذریعہ: Express News
کلیدی لفظ: چیمپئنز ٹرافی محسن نقوی نے نے کہا کہ جائے گا کے لیے
پڑھیں:
لکی مروت میں کامیاب آپریشن، محسن نقوی کا خیبرپختونخوا پولیس کو خراجِ تحسین
سٹی 42 : وفاقی وزیرداخلہ محسن نقوی نے لکی مروت میں کامیاب سرچ اینڈ سٹرائیک آپریشن پر خیبرپختونخوا پولیس کو خراج تحسین پیش کیا ہے۔
وزیرداخلہ محسن نقوی نے آپریشن میں 3 خوارجی دہشتگردوں کو جہنم واصل کرنے پر کے پی کے پولیس کی ستائش کرتے ہوئے کہا کہ خوارجی دہشتگردوں کے مذموم عزائم ناکام بنانے پر خیبرپختونخوا پولیس کو شاباش دیتے ہیں۔ انہوں نے کہا کہ خیبرپختونخوا پولیس کی جرات اور پیشہ وارانہ صلاحیتوں پر فخر ہے۔
فلسطین اور اسرائیل کے معاملے میں ڈپلومیسی ناکام ہوگئی ہے؛ماہر بین الاقوامی امور محمد مہدی
محسن نقوی نے کہا کہ کے پی کےپولیس دہشتگردی کےخلاف جنگ میں فرنٹ لائن پر ہے، خیبرپختونخوا پولیس خوارجی دہشتگردوں کے خاتمے کیلئے پر عزم ہے۔
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا