ماربل ایسوسی ایشن وفد کی ایس ایس پی غربی سے ملاقات
اشاعت کی تاریخ: 8th, February 2025 GMT
کراچی( اسٹاف رپورٹر ) ایس ایس پی ویسٹ طارق الٰہی مستوئی نے ماربل ایسوسی ایشن منگھوپیر کے عہدیداران سے اپنے آفس میں جمعہ کے روز ملاقات کی ۔میٹینگ میں ماربل ایسوسی ایشن منگھوپیر کے نائب صدر سمیت دیگر عہدیداروں بھی شریک تھے ۔میٹینگ میں ماربل ایسوسی ایشن کے عہدیداران نے اپنے درپیش مسائل سے ایس ایس پی ویسٹ کو آگاہ کیا۔ایس ایس پی طارق الٰہی مستوئی نے ماربل ایسوسی ایشن کے ممبران کا خیر مقدم کرتے ہوئے ان کے مسائل سنے اور پولیس کے مکمل تعاون کی یقین دھانی کرائی۔اس موقع پر ایس ایس پی نے متعلقہ ڈی ایس پی کو سختی سے ہدایات جاری کی کہ ماربل ایسوسی ایشن کے درپیش مسائل کو اولین بنیادوں پر حل کریں۔علاقہ میں مؤثر پولیس پیٹرولنگ اور موٹر سائیکل پیٹرولنگ کو بڑھایا جائے تاکہ وہاں پر چھینا جھپٹی کے واقعات نا ہونے پائیں خاص طور پر ان علاقہ جات میں جس کی نشاندہی ماربل ایسوسی ایشن کے ممبران نے کی ہے۔
میٹینگ کے اختتام پر ماربل ایسوسی ایشن منگھوپیر کے عہدیداران نے ایس ایس پی ویسٹ کا شکریہ ادا کیا اور اپنے مکمل تعاون کا یقین دھانی کرائی۔
ذریعہ: Jasarat News
کلیدی لفظ: ماربل ایسوسی ایشن کے ایس ایس پی
پڑھیں:
اسٹیبلشمنٹ سے ڈیل کا علم نہیں، اعظم سواتی نے اپنے طور پر بات کی، سلمان اکرم راجا
پاکستان تحریک انصاف (پی ٹی آئی) کے رہنما سلمان اکرم راجا نے کہا ہے کہ اسٹیبلشمنٹ سے ڈیل کا میرے علم میں نہیں۔
نجی ٹی وی کے مطابق لاہور میں انسداد دہشت گردی کی خصوصی عدالت کے باہر صحافیوں سے گفتگو میں سلمان اکرم راجا نے کہا کہ اسٹیبلشمنٹ سے ڈیل کی بات اعظم سواتی اپنے طور پر کہہ رہے ہیں، جب تک بانی پی ٹی آئی عمران خان سے بات نہیں ہوتی تب تک کچھ نہیں کہہ سکتے۔
سلمان اکرم راجا نے کہا کہ بانی پی ٹی آئی عمران سے ملاقات ہوگی تو صورت حال واضح ہوگی، اسی لیے بانی پی ٹی ائی سے ملاقات نہیں کرنے دی جا رہی، تاکہ ابہام برقرار رہے، ملاقات کے بعد پتا چلے گا کہ انہوں نے کسی کو مذاکرات کا کہا ہے یا نہیں۔
واضح رہے کہ گزشتہ دنوں پاکستان تحریک انصاف (پی ٹی آئی) کے رہنما اعظم خان سواتی نے دعویٰ کیا تھا کہ عمران خان اب بھی مذاکرات کی میز پر آنے کے لیے تیار ہیں، اگر اسٹیبلشمنٹ مذاکرات کے لیے تیار ہے تو انہیں پی ٹی آئی کے بانی کی آشیرباد حاصل ہے۔
ڈان اخبار کی رپورٹ میں بتایا گیا تھا کہ اڈیالہ جیل میں پارٹی کے بانی عمران خان سے حالیہ ملاقات کے بعد جاری کیے گئے ایک طویل ویڈیو پیغام میں اعظم سواتی نے کسی کا نام لیے بغیر جھوٹی خبر بیچنے پر کچھ وی لاگرز اور اینکرز کو تنقید کا نشانہ بنایا۔
خیبر پختونخوا میں پی ٹی آئی کی صفوں کے درمیان بڑھتی ہوئی خلیج کے درمیان اعظم سواتی نے صوبائی وزیراعلیٰ علی امین گنڈاپور، پی ٹی آئی کے پی کے رہنما جنید اکبر اور پارٹی کے جنرل سیکریٹری سلمان اکرم راجا کی بھی حمایت کی اور کہا کہ انہیں عمران خان نے خود منتخب کیا تھا۔
Post Views: 1
شمالی وزیرستان میں تیل و گیس کا نیا ذخیرہ دریافت