شہادت کے ایک برس بعد القسام بریگیڈز کے نائب سربراہ مروان عیسیٰ کی تدفین
اشاعت کی تاریخ: 7th, February 2025 GMT
مقبوضہ بیت المقدس:فلسطینی مزاحمتی تنظیم حماس کے عسکری ونگ القسام بریگیڈز کے نائب سربراہ مروان عیسیٰ ابو البراء کی شہادت کے ایک سال بعد ان کی تدفین کی گئی۔ مروان عیسیٰ 10 مارچ 2024 کو نصیرات کیمپ پر اسرائیلی فضائی حملے میں شہید ہوئے تھے۔
بین الاقوامی خبر رساں اداروں کے مطابق مروان عیسیٰ کی نماز جنازہ اور تدفین غزہ کے بریج کیمپ میں منعقد ہوئی، جس میں فلسطینی مزاحمتی تنظیموں کے مجاہدین کے علاوہ فلسطینیوں کی بڑی تعداد نے شرکت کی۔ مروان عیسیٰ القسام بریگیڈ کے شہید سربراہ محمد الضیف کے نائب تھے۔
یاد رہے کہ القسام بریگیڈز کے ترجمان ابو عبیدہ نے گزشتہ ہفتے مروان عیسیٰ کے علاوہ محمد الضیف اور دیگر سینئر کمانڈروں کی شہادت کا اعلان کیا تھا۔ فلسیطنی مزاحمتی تنظیموں کے ان شہدا کی قربانیوں کو فلسطینی عوام سمیت دنیا بھر میں خراج عقیدت پیش کیا جا رہا ہے۔ فلسطینی تنظیمیں ان کی جدوجہد کو جاری رکھنے کا عزم کیے ہوئے ہیں۔
مروان عیسیٰ کی شہادت اور تدفین نے غزہ میں مزاحمت کی روح کو ایک بار پھر تازہ کر دیا ہے۔ فلسطینی عوام اور مزاحمتی تنظیمیں اسرائیلی جارحیت کے خلاف اپنی جدوجہد کو جاری رکھنے کا عہد کررہی ہیں۔
.ذریعہ: Jasarat News
کلیدی لفظ: مروان عیسی
پڑھیں:
غزہ میں شہداء کی تعداد 51 ہزار تک جا پہنچی
عالمی برادری خصوصا امت مسلمہ کی مکمل خاموشی میں غزہ کے عوام کیخلاف غاصب و سفاک صیہونی رژیم کی وحشیانہ بمباری کا سلسلہ جاری ہے جبکہ آج جنگ کے 554ویں روز بھی قابض و سفاک صیہونی مرڈر مشین غزہ میں ہر اُس چیز کو انسانیت سوز بمباری کا نشانہ بنا رہی ہے کہ جسمیں زندگی کا ذرا سا رنگ بھی باقی ہو! اسلام ٹائمز۔ جنگ غزہ کے آغاز کو 1 سال، 6 ماہ اور 6 دن گزر چکے ہیں جبکہ غزہ میں جنگ بندی کے بعد قابض صیہونی رژیم کے وحشیانہ حملوں کا نیا دور 18 مارچ کے روز شروع ہوا جس کے بعد سے وہ پہلے سے بھی کہیں بڑھ کر بے دردی کے ساتھ بے گناہ فلسطینی عوام کا اجتماعی قتل عام کر رہی ہے۔ اس سلسلے میں آج غزہ کی وزارت صحت نے اعلان کیا ہے کہ گذشتہ 24 گھنٹوں کے دوران مزید 21 شہداء اور 64 زخمیوں کو غزہ کے ہسپتالوں میں منتقل کیا گیا ہے۔ اس رپورٹ کے مطابق 18 مارچ 2025 سے لے کر اب تک فلسطینی شہداء کی تعداد 1 ہزار 563 ہو گئی ہے جبکہ 4 ہزار 4 فلسطینی شہری زخمی بھی ہوئے ہیں۔ غزہ کی وزارت صحت نے یہ اعلان بھی کیا کہ 7 اکتوبر 2023 سے شروع ہونے والی اسرائیلی جارحیت کے متاثرین کی کل تعداد بھی بڑھ گئی ہے جن میں 50 ہزار 933 شہید اور 1 لاکھ 16 ہزار 45 زخمی شامل ہیں۔
منرلز انویسٹمنٹ فورم 2025: معدنی وسائل میں سرمایہ کاری کے لیے پاکستان نیا تجارتی و معاشی مرکز قرار