چیمپئنز ٹرافی 2025؛ قومی کرکٹ ٹیم کی جرسی کی رونمائی
اشاعت کی تاریخ: 7th, February 2025 GMT
آئی سی سی چیمپئنز ٹرافی 2025 کے لیے پاکستان کی جرسی کی رُونمائی کردی گئی۔
پاکستان کرکٹ بورڈ (پی سی بی) کی جانب سے جرسی کی رونمائی نوتعمیر شدہ قذافی اسٹیڈیم لاہور کی افتتاحی تقریب میں کی گئی۔ اس موقع پر پاکستانی ٹیم جرسی پہن کر اسٹیج پر موجود تھی۔
مزید پڑھیئے: چیمپئنز ٹرافی میں اس وقت کا انتظار کریں گے جب قومی ٹیم ہندوستان کو شکست فاش دے گی، وزیراعظم
س سے قبل وزیر اعظم پاکستان شہباز شریف نے اسٹیڈیم کا افتتاح کیا۔ افتتاحی تقریب میں بڑی تعداد میں لوگوں نے شرکت کی۔
مزید پڑھیئے: چیمپئنز ٹرافی کیلیے بہترین ٹیم کا انتخاب کیا ہے، صائم کی کمی محسوس ہوگی، محمد رضوانایونٹ میں فنکاروں نے اپنے فن کا مظاہرہ کیا۔
.ذریعہ: Express News
کلیدی لفظ: چیمپئنز ٹرافی
پڑھیں:
قذافی اسٹیڈیم کی رنگا رنگ افتتاحی تقریب آج ہوگی ،وزیر اعظم افتتاح کریں گے
٭افتتاحی تقریب میں معروف گلوکار پرفارم کرینگے ، آتش بازی، لائٹس شو بھی ہوگا
٭ چیمپئنز ٹرافی کے لیے قومی کرکٹ ٹیم کی کٹ کی رونمائی بھی ہوگی، عوام کا داخلہ مفت
(اسپورٹس ڈیسک) قذافی اسٹیڈیم لاہور کی افتتاحی تقریب آج (جمعہ ) ہوگی،وزیراعظم شہباز شریف افتتاح کریں گے ،اپ گریڈیشن کا کام مکمل ہونے کے بعد اسٹیڈیم کی افتتاحی تقریب کے دوران معروف گلوکار پرفارم کریں گے ، آتش بازی اور لائٹس شو کا بھی شاندار مظاہرہ ہوگا، تقریب میں داخلہ فری ہوگا۔ تفصیلات کے مطابق چیئرمین پی سی بی محسن نقوی نے اسٹیڈیم کی تعمیر نو میں دن رات کام کرنے پر پوری ٹیم کی تعریف کرتے ہوئے کہا کہ کہا ورکرز کا شکریہ جنہوں نے ناممکن ٹاسک کو ممکن بنایا، تنقید کے باوجود پوری ٹیم نے انتھک محنت کی، اللہ تعالی نے ہمارا راستہ آسان کیا۔چیمپئنز ٹرافی کا پاکستان میں 19فروری سے آغاز ہوگا، ایونٹ 9مارچ تک جاری رہے گا۔ چیمپئنز ٹرافی کے لئے پاکستانی اسٹیڈیمز کی تزین و آرائش کا کام آخری مراحل میں ہے ، لاہور کے قذافی اسٹیڈیم کا افتتاح آج بروز جمعہ کو کو رنگا رنگ تقریب کے ذریعے کیا جائے گا۔وزیراعظم شہباز شریف قذافی اسٹیڈیم کا افتتاح کریں گے ۔افتتاحی تقریب میں معروف گلوکار علی ظفر، عارف لوہار اور آئمہ بیگ پرفارم کریں گے ، اس موقع پر آتش بازی اور لائٹس شو کا بھی مظاہرہ کیا جائے گا، عوام کیلئے افتتاحی تقریب میں داخلہ فری ہوگا۔نئے تعمیر شدہ قذافی اسٹیڈیم میں پہلا میچ پاکستان اور نیوزی لینڈ کے درمیان 8فروری کو کھیلا جائے گا۔ چیئرمین پی سی بی محسن نقوی نے ذاتی طور پر تمام کاموں کا معائنہ کیا، صرف 117روز کی ریکارڈ مدت میں جدید ترین اسٹیڈیم تیار کیا گیا، زیادہ روشن ایل ای ڈی لائٹس، 2نئی پہلے سے بڑی اسکور سکرینز نصب کردی گئیں۔چیئرمین پی سی بی محسن نقوی قذافی اسٹیڈیم کی تعمیر میں شامل ایک ہزار ورکرز کو آج بروز جمعہ کو دن ایک بجے ظہرانہ دیں گے ، چیمپئنز ٹرافی کے لئے قومی کرکٹ ٹیم کی کٹ کی رونمائی بھی آج 7 فروری کو شام ساڑھے 7بجے کی جائے گی،شام کو کٹ کی رونمائی کے ساتھ قذافی سٹیڈیم میں لائٹ شو کا بھی اہتمام کیا گیاہے ۔
اقتدار میں آکر 26ویں آئینی ترمیم ختم کردیں گے، اسد قیصر کا اعلان