تحریک انصاف کا 8 فروری کو یوم سیاہ کے موقع پر انتشار اور ٹکراؤ نہ کرنے کا اعلان
اشاعت کی تاریخ: 7th, February 2025 GMT
اسلام آباد: تحریک انصاف (پی ٹی آئی) نے 8 فروری کے الیکشن کو ایک سال مکمل ہونے پر انتشار اور ٹکراؤ نہ کرنے کا اعلان کرتے ہوئے مولانا فضل الرحمن عوام کے ساتھ کھڑے ہوں گے، مگر پی ٹی آئی آئین اور عدلیہ کے اصولوں کے لیے کھڑی ہے۔
میڈیا سے گفتگو کرتے ہوئے پی ٹی آئی کے جنرل سیکریٹری سلمان اکرم راجہ نے کہا کہ کل صرف صوابی میں جلسہ ہوگا جبکہ تحصیل اور یونین کونسل کی سطح پر احتجاج کیا جائے گا،کل کے دن کسی قسم کا انتشار یا ٹکراؤ کا ارادہ نہیں ہے۔
انہوں نے مزید کہاکہ کل الیکشن کو ایک سال مکمل ہونے پر ہم یوم سیاہ منارہے ہیں، اگر دیگر جماعتیں ساتھ چلنا چاہتی ہیں تو ٹھیک ورنہ پی ٹی آئی اکیلے ہی آگے بڑھے گی۔
خیال رہےکہ تحریک انصاف نے 8 فروری کو مینار پاکستان پر جلسے کے لیے درخواست دی تھی جو کہ ڈپٹی کمشنر نے مسترد کرتے ہوئے جلسے کی اجازت دینے سے انکار کردیا،ڈپٹی کمشنر نے کہاتھا کہ 8 فروری کو ایک کرکٹ میچ اور بین الاقوامی اسپیکر کانفرنس بھی متوقع ہے اور لاہور میں ہارس اینڈ کیٹل شو بھی شروع ہو رہا ہے جس کی وجہ سے سکیورٹی کے لیے ہزاروں اہلکار تعینات کیے جا رہے ہیں، جس کی وجہ سے پی ٹی آئی کو جلسے کی اجازت نہیں دی گئی ہے۔
.
ذریعہ: Al Qamar Online
کلیدی لفظ: پاکستان کھیل پی ٹی آئی
پڑھیں:
وزیراعظم کا ڈیجیٹل انقلاب کا اعلان: 70 کروڑ ڈالر کی سرمایہ کاری، نوجوانوں کیلئے آئی ٹی اور اے آئی کی نئی راہیں کھل گئیں
اسلام آباد:وزیراعظم محمد شہباز شریف نے منگل کے روز منعقدہ ڈیجیٹل فارن ڈائریکٹ انویسٹمنٹ کانفرنس سے خطاب کرتے ہوئے آئی ٹی کے شعبے میں انقلاب آفرین اقدامات کا اعلان کر دیا۔ انہوں نے کہا کہ 70 کروڑ ڈالر کی غیر ملکی سرمایہ کاری پاکستان کے باصلاحیت نوجوانوں کی ترقی میں اہم کردار ادا کرے گی، اور حکومت اس شعبے میں سرمایہ کاروں کو ہر ممکن سہولیات فراہم کرے گی۔
وزیراعظم نے کانفرنس میں شرکت کرنے والے 11 سے زائد دوست ممالک کے وزرا، ڈپٹی وزرا اور ڈیجیٹل ماہرین کا پرتپاک خیرمقدم کرتے ہوئے کہا کہ پاکستان کی 60 فیصد آبادی نوجوانوں پر مشتمل ہے، اور یہ نوجوان ڈیجیٹل دنیا میں عالمی سطح پر پاکستان کا نام روشن کر رہے ہیں۔
انہوں نے کہا کہ پاکستان میں مصنوعی ذہانت (AI) اور انفارمیشن ٹیکنالوجی کے میدان میں تعلیم و تربیت کا ایک بڑا منصوبہ شروع کیا گیا ہے، جس کے ذریعے زراعت، صنعت، برآمدات اور دیگر کلیدی شعبوں میں انقلابی تبدیلیاں متوقع ہیں۔
وزیراعظم نے اپنی وزارت اعلیٰ کے دور کا حوالہ دیتے ہوئے بتایا کہ کس طرح پنجاب میں 4 لاکھ لیپ ٹاپ میرٹ پر تقسیم کیے گئے، اور دیہی معیشت کو ڈیجیٹلائز کرنے کے لیے ورلڈ بینک کی مدد سے ایگریکلچرل سسٹم کو جدید خطوط پر استوار کیا گیا۔
انہوں نے اعلان کیا کہ وفاقی اور صوبائی سطح پر آئی ٹی پارکس، انکیوبیشن سینٹرز، تحقیق و ترقی کے مراکز اور تربیتی منصوبوں پر بھرپور کام جاری ہے۔ لاہور کے سیف سٹی منصوبے کا حوالہ دیتے ہوئے وزیراعظم نے کہا کہ یہ دنیا کی بہترین کمپنی کے ساتھ مل کر مکمل کیا گیا، اور چینی کمپنی ہواوے کے ساتھ اشتراک سے ہر سال 2 لاکھ طلبا کو آئی ٹی ہنر سکھایا جا رہا ہے۔
وزیراعظم نے بتایا کہ مارچ 2025 میں پاکستان نے 4 ارب 10 کروڑ ڈالر کی ترسیلات زر حاصل کیں، جو ملک کی تاریخ میں ایک نیا ریکارڈ ہے۔ انہوں نے کہا کہ اس کانفرنس کے نتیجے میں کیے گئے اعلانات سے پاکستان آئی ٹی کے شعبے میں عالمی صف میں شامل ہو جائے گا۔
اس موقع پر انہوں نے پاکستان میں اپنے روسی شراکت دار کے ساتھ 50 کروڑ ڈالر کی سرمایہ کاری کا اعلان کرنے والے پاکستانی سرمایہ کار کو خراج تحسین پیش کیا، جبکہ دیگر پاکستانی ڈاکٹروں اور ماہرین کی جانب سے کیے گئے مجموعی 70 کروڑ ڈالر کے اعلانات کا بھی خیر مقدم کیا۔
وزیراعظم نے ڈیجیٹل کوآپریشن آرگنائزیشن کی سیکریٹری جنرل دیما الیحییٰ سمیت تمام بین الاقوامی شرکاء کا شکریہ ادا کیا اور کہا کہ پاکستان کو ڈیجیٹل میدان میں دنیا کے ساتھ کھڑا کرنے کے لیے وہ ذاتی طور پر ہر قدم پر رہنمائی کریں گے۔
آخر میں وزیراعظم نے پُرعزم لہجے میں کہا کہ غیر متزلزل عزم اور مسلسل کوششوں سے پاکستان آئی ٹی کا عالمی مرکز بنے گا۔
Post Views: 1
وزیر خزانہ کی عالمی بینک کے جنوبی ایشیا کے نائب صدر مارٹن رائزر سسے ملاقات