نورا فیتحی کی سالگرہ کا دلکش انداز، مداحوں میں مقبول
اشاعت کی تاریخ: 7th, February 2025 GMT
میکسیکو:بالی وڈ کی معروف اداکارہ اور ڈانسر نورا فیتحی نے اپنی سالگرہ کے موقع پر ایسا شاندار انداز اپنایا کہ سوشل میڈیا پر دھوم مچ گئی۔ ہمیشہ منفرد فیشن اور اسٹائل کے باعث خبروں میں رہنے والی نورا فیتحی نے اس بار اپنی سالگرہ کے انداز سے سب کو حیران کر دیا۔
اداکارہ نے تقریب میں چمکدار سیاہ گاؤن زیب تن کیا، جو روشنی میں جھلملاتا نظر آ رہا تھا۔ یہ لباس عالمی شہرت یافتہ اسٹائلسٹ ماہر جریدی نے ڈیزائن کیا، جو معروف گلوکارہ نکّی مناج کے فیشن اسٹائل کے لیے بھی جانے جاتے ہیں۔
نورا فیتحی نے اپنی سالگرہ کے موقع پر اپنے نئے گانے "Snake” پر شاندار ڈانس کیا، جس نے مداحوں کو محظوظ کر دیا۔ یہ گانا صرف 24 گھنٹوں میں سب سے زیادہ دیکھے جانے والے ویڈیوز میں شامل ہو چکا ہے اور اسپاٹیفائی چارٹ میں 55 ویں نمبر پر پہنچ گیا ہے۔
نورا کی یہ کامیابی ان کی عالمی سطح پر مقبولیت میں مزید اضافہ کر رہی ہے، جبکہ مداحوں کی جانب سے انہیں بے حد سراہا جا رہا ہے۔
.ذریعہ: Nai Baat
پڑھیں:
دل کی تکلیف یا کچھ اور؟ ویرات کوہلی کی حالت نے مداحوں کو پریشان کردیا
جے پور: آئی پی ایل میچ کے دوران ویرات کوہلی کے دل کی دھڑکن چیک کروانے پر مداح تشویش میں مبتلا ہوگئے۔
بھارتی اسٹار بیٹر ویرات کوہلی نے آئی پی ایل 2025 میں راجستھان رائلز کے خلاف میچ میں 62 رنز کی ناقابلِ شکست شاندار اننگز کھیل کر رائل چیلنجرز بینگلورو کو 9 وکٹوں سے فتح دلوا دی۔ یہ میچ جے پور کے ساوائی مان سنگھ اسٹیڈیم میں کھیلا گیا۔
راجت پٹیدار کی قیادت میں آر سی بی نے ٹاس جیت کر پہلے فیلڈنگ کا فیصلہ کیا، راجستھان نے پہلے کھیلتے ہوئے 4 وکٹوں کے نقصان پر 173 رنز بنائے۔ یشسوی جیسوال نے 75 رنز کی عمدہ اننگز کھیلی۔
جواب میں آر سی بی نے فل سالٹ کے جارحانہ 65 رنز (33 گیندوں) اور ویرات کوہلی کے 62 رنز (45 گیندوں) کی بدولت ہدف 18ویں اوور میں ہی حاصل کرلیا۔
البتہ شدید گرمی نے ویرات کوہلی کو بھی متاثر کیا۔ 15ویں اوور میں دو رنز لینے کے بعد وہ سانس پھولنے کے باعث کچھ دیر کے لیے رک گئے جس کے بعد انہوں نے راجستھان کے کپتان سنجو سیمسن سے کہا کہ ان کی دل کی دھڑکن چیک کریں۔ سنجو نے چیک کرنے کے بعد کہا کہ سب ٹھیک لگ رہا ہے۔
دوپہر کے وقت کھیلے گئے اس میچ میں سخت گرمی اور دوڑ بھاگ نے ویرات کوہلی پر بھی اثر ڈالا جس پر مداحوں نے سوشل میڈیا پر اپنی تشویش کا اظہار کیا۔
سوشل میڈیا پر ایک صارف نے لکھ کہ ویرات کی سانس پھولتی دیکھ کر دل ٹوٹ گیا جبکہ ایک صارف کا کہنا تھا کہ ویرات کوہلی کا ہارٹ بیٹ چیک ہو رہا ہے اور ہارٹ اٹیک مجھے ہو رہا ہے۔
مداحوں کو اگرچہ ویرات کی فٹنس پر تشویش ہوئی لیکن خوشی کی بات یہ رہی کہ وہ بغیر کسی رکاوٹ کے مکمل اننگز کھیل کر ٹیم کو فتح دلا گئے۔
واضح رہے کہ اس اننگز کے دوران ویرات کوہلی نے ایک اور اہم اعزاز اپنے نام کیا، وہ ٹی 20 کرکٹ کی تاریخ میں 100 نصف سنچریاں بنانے والے دوسرے بیٹر بن گئے ہیں، ان سے آگے صرف ڈیوڈ وارنر ہیں جن کے نام 108 ففٹیز ہیں۔
پارٹی رہنماوں کے ایک دوسرے پر الزامات، عمران خان نے وارننگ دیدی