او جی ڈی سی ایل کی جانب سے سکھر آئی بی اے میں ٹیلنٹ ہنٹ پروگرام کی افتتاحی تقریب
اشاعت کی تاریخ: 7th, February 2025 GMT
سکھر (اُردو پوائنٹ اخبارتازہ ترین - اے پی پی۔ 07 فروری2025ء) او جی ڈی سی ایل کی جانب سے سکھر آئی بی اے میں ٹیلنٹ ہنٹ پروگرام کی افتتاحی تقریب کا انعقاد کیا گیا ۔ سکھر آئی بی اے کی جانب سے جاری کئے گئے اعلامیہ کے مطابق سکھر آئی بی اے یونیورسٹی نے فخر کے ساتھ 340 طلبہ کا خیرمقدم کیا، جو آئل اینڈ گیس ڈیولپمنٹ کمپنی لمیٹڈ (او جی ڈی سی ایل) کے اسپانسر کردہ قومی ٹیلنٹ ہنٹ پروگرام (این ٹی ایچ پی) کے تحت منتخب ہوئے ہیں۔
یہ پروگرام جو باصلاحیت مگر کم وسائل رکھنے والے نوجوانوں کو تعلیمی مواقع فراہم کرنے کے لیے بنایا گیا تھا، COVID-19 کے باعث مختصر تعطل کے بعد دوبارہ شروع کیا گیا ہےجس سےاو جی ڈی سی ایل کے پاکستان بھر میں تعلیم اور ترقی کے فروغ کے عزم کی توثیق ہوتی ہے۔افتتاحی تقریب میں سکھر آئی بی اے یونیورسٹی کے وائس چانسلر پروفیسر آصف احمد شیخ نے او جی ڈی سی ایل کی قیادت، بالخصوص ایم ڈی/سی ای او او جی ڈی سی ایل احمد حیات لک کا شکریہ ادا کیا کہ انہوں نے مستحق طلبہ کو معیاری تعلیم فراہم کرنے میں مسلسل تعاون کیا۔(جاری ہے)
انہوں نے اس پروگرام میں آزاد جموں و کشمیر اور گلگت بلتستان کے طلبہ کو شامل کرنے کے اقدام کو سراہتے ہوئے اسے ایک حقیقی قومی پروگرام قرار دیا۔فیکلٹی آف سائنسز اینڈ آئی ٹی کے ڈین اور پروگرام کے فوکل پرسن پروفیسر ڈاکٹر شیر محمد داودپوٹا نے سخت انتخابی عمل پر روشنی ڈالی۔ اس سال 5,500 سے زائد طلبہ نے درخواست دی جن میں سے 360 طلبہ کا ابتدائی انتخاب کیا گیا، جو ملک بھر کے 10 سے زائد مراکز میں ہونے والے داخلہ ٹیسٹ کے بعد ممکن ہوا، جن میں دور دراز کے علاقے بھی شامل تھے۔ اب یہ طلبہ فاؤنڈیشن سیمسٹر میں داخل ہیں، جہاں انہیں انگریزی، ریاضی اور آئی سی ٹی کی تربیت دی جائے گی اور ان میں سے بہترین 200 طلبہ کو سکھر آئی بی اے یونیورسٹی کے مکمل ڈگری پروگرامز میں داخلے کا موقع دیا جائے گا۔جاری کئے گئے اعلامیہ کے مطابق سادہ پس منظر سے تعلق رکھنے والے طلبہ نے بتایا کہ کس طرح اس پروگرام نے ان کی زندگیوں کو بدلا اور ان کے خوابوں کو حقیقت میں بدل دیا۔ ان کی جدوجہد اور عزم کی کہانیاں تعلیم کی طاقت کو اجاگر کرتی ہیں، جو مالی اور سماجی رکاوٹوں کو دور کرنے میں مدد دیتی ہے۔ رکن قومی اسمبلی سید خورشید احمد شاہ نے تعلیم کی زندگی بدلنے والی اہمیت پر زور دیتے ہوئے کہا کہ میرٹ پر مبنی مواقع فراہم کر کے کم وسائل رکھنے والے طلبہ کی مدد کے لیے کوششیں جاری رہنی چاہئیں۔ انہوں نے معیاری تعلیم کے مواقع بڑھانے میں حکومت کی ذمہ داری کو اجاگر کیا اور نوجوان ٹیلنٹ کو پروان چڑھانے والے اداروں کی کاوشوں کو سراہا۔ انہوں نے اس بات پر زور دیا کہ پاکستان کے بہتر مستقبل کے لیے تعلیم میں سرمایہ کاری کے لیے اجتماعی کوششوں کی ضرورت ہے۔تقریب کے مہمانِ خصوصی احمد حیات لک مینیجنگ ڈائریکٹر / سی ای او او جی ڈی سی ایل نے نیشنل ٹیلنٹ ہنٹ پروگرام کے ذریعے تعلیم کے فروغ میں کمپنی کے غیر متزلزل عزم کا اعادہ کیا۔ انہوں نے سکھر آئی بی اے یونیورسٹی کی کوششوں کو سراہا جو مستحق طلبہ کی نشاندہی اور ان کی صلاحیتوں کو نکھارنے میں معاون ثابت ہو رہی ہیں۔ انہوں نے او جی ڈی سی ایل کی سی ایس آر پالیسی کے تحت گلگت بلتستان اور آزاد کشمیر جیسے کم ترقی یافتہ علاقوں میں مزید اقدامات پر بھی روشنی ڈالی۔تقریب کا اختتام ایک خصوصی ویڈیو پریزنٹیشن کے ساتھ ہوا جس میں او جی ڈی سی ایل کے نیشنل ٹیلنٹ ہنٹ پروگرام کے سفر اور اس کے انقلابی اثرات کو اجاگر کیا گیا۔ او جی ڈی سی ایل اور سکھر آئی بی اے یونیورسٹی کی یہ شراکت کم وسائل رکھنے والے مستحق طلبہ کے لیے میرٹ پر مبنی، مکمل مالی معاونت پر مشتمل تعلیمی مواقع فراہم کرنے کی ایک مثال بن چکی ہے، جو پاکستان کے روشن مستقبل کی ضمانت ہے۔.ذریعہ: UrduPoint
کلیدی لفظ: تلاش کیجئے او جی ڈی سی ایل کی رکھنے والے انہوں نے کیا گیا کے لیے
پڑھیں:
قذافی اسٹیڈیم کا افتتاح آج، محسن نقوی کی افتتاحی تقریب کے لیے بہترین انتظامات کی ہدایت
وزیراعظم شہباز شریف آج نئے تعمیر کردہ قذافی اسٹیڈیم کا افتتاح کریں گے۔
چیئرمین پاکستان کرکٹ بورڈ (پی سی بی) محسن نقوی نے نئے تعمیر کردہ قذافی اسٹیڈیم کی افتتاحی تقریب کے لیے حکام کو بہترین انتظامات کرنے کی ہدایت کی ہے۔ انہوں نے کہا ہے کہ تقریب کو نئے قذافی اسٹیڈیم کے شایان شان ہونا چاہیے۔
یہ بھی پڑھیں: قذافی اسٹیڈیم کا افتتاح، گلوکاروں کی پرفارمنس پر شائقین کے لیے داخلہ فری
محسن نقوی آج صبح ہی چین سے واپس لاہور پہنچے اور بغیر آرام کیے قذافی اسٹیڈیم پہنچ گئے۔ انہوں نے قذافی اسٹیڈیم کی افتتاحی تقریب کے حوالے سے انتظامات کا جائزہ لیا۔
اس موقع پر گفتگو کرتے ہوئے انہوں نے کہا کہ آج پاکستان کے لیے فخر کا مقام ہے، ریکارڈ مدت میں اسٹیڈیم کی تعمیر نو کا کام مکمل کرنے کا کریڈٹ پوری ٹیم کو جاتا ہے۔
یہ بھی پڑھیں: قذافی اسٹیڈیم کا عمران خان انکلوژر: ’کیا یہاں بیٹھنے کی اجازت ہوگی؟‘
محسن نقوی نے کہا کہ دنیائے کرکٹ کا خوبصورت ترین عالمی معیار کا قذافی اسٹیڈیم ریکارڈ مدت میں مکمل ہوا، قوم سے کیا وعدہ پورا ہونے پر اللہ تعالیٰ کا شکرگزار ہوں۔
انہوں نے کہا کہ شائقین اور کھلاڑی اسٹیڈیم میں فراہم کردہ جدید سہولتوں سے محظوظ ہوں گے، ورکرز، ایف ڈبلیو او، نیسپاک، کنٹریکٹر اور پی سی بی تہہ دل سے شکریہ ادا کرتا ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آج افتتاح پاکستان کرکٹ بورڈ پی سی بی قذافی اسٹیڈیم محسن نقوی وزیراعظم شہباز شریف
مودی حکومت دیہی مزدوروں کو نظر انداز کر رہی ہے، جے رام رمیش