اداکار امیر گیلانی کا ساجن جی گھر آئے” پر رقص، دلہن ماورا حسین جھوم اٹھیں
اشاعت کی تاریخ: 7th, February 2025 GMT
اسلام آباد: معروف اداکار امیر گیلانی اور اداکارہ ماورا حسین کی شادی کی تقریبات کی جھلکیاں سوشل میڈیا پر خوب وائرل ہو رہی ہیں، جن میں دونوں کو خوشگوار موڈ میں رقص کرتے دیکھا جا سکتا ہے۔
جوڑے نے 5 فروری کو انسٹاگرام پر نکاح کی تصاویر شیئر کرکے اپنی شادی کی تصدیق کی تھی۔ کافی عرصے سے دونوں کے تعلقات کے حوالے سے قیاس آرائیاں جاری تھیں، اور ان کی شادی کی خبریں پہلے ہی منظرعام پر آ چکی تھیں۔
ماورا اور امیر کی شادی کی تقریبات لاہور اور اسلام آباد میں منعقد ہوئیں، جن میں قریبی عزیزوں اور دوستوں نے شرکت کی۔ اس موقع پر معروف گلوکار فرحان سعید نے گانا گایا جبکہ اداکارہ عروہ حسین نے بھی شادی کی تقریبات میں پرفارم کیا، جس کی ویڈیوز سوشل میڈیا پر وائرل ہو گئیں۔
حالیہ وائرل ویڈیوز میں امیر گیلانی کو بھارتی گانے "ساجن جی گھر آئے” پر رقص کرتے دیکھا جا سکتا ہے، جبکہ ماورا حسین ڈانس کے اختتام پر انہیں گلے لگا لیتی ہیں۔ اسی طرح ایک اور ویڈیو میں دلہن کو فرحان سعید کی گلوکاری پر جھومتے اور خود بھی رقص کرتے ہوئے دیکھا گیا۔
ماورا حسین اور امیر گیلانی نے شادی کی مختلف تصاویر اور ویڈیوز انسٹاگرام پر شیئر کیں، جن پر مداحوں اور شوبز شخصیات نے جوڑے کے لیے نیک تمناؤں کا اظہار کیا۔
.ذریعہ: Nai Baat
کلیدی لفظ: امیر گیلانی ماورا حسین شادی کی
پڑھیں:
’پولیس کا کام پیسے پکڑنا ہی رہ گیا؟‘، شادی پر پیسوں کا تھال پکڑے پنجاب پولیس کے اہلکار کی ویڈیو وائرل
سوشل میڈیا پر ایک ویڈیو وائرل ہو رہی ہے جس میں معروف ٹک ٹاکر کاشف ضمیر چوہدری اپنے کسی دوست کی شادی پر پیسے پھینک رہے ہیں اور پیسوں کا تھال جس نوجوان نے پکڑا ہوا ہے وہ پنجاب پولیس کا جوان ہے جو نوٹوں کی گڈیاں کاشف ضمیر کو دیتا رہا۔
ویڈیو سوشل میڈیا پر وائرل ہوئی تو صارفین کی جانب سے اس پر خوب تنقید کی گئی۔ صارفین نے سوال کیا کہ پنجاب پولیس صرف انہی کاموں کے لیے رہ گئی ہے جبکہ کئی صارفین کا کہنا تھا کہ کاشف ضمیر کو پنجاب پولیس کا پروٹوکول کس حیثیت میں ملا ہوا ہے۔
https://Twitter.com/muqadasawann/status/1911488953271914537
علی عمران عباسی لکھتے ہیں کہ کیا پنجاب پولیس کے جوان صرف اس لیے رہ گئے ہیں کہ وہ پیسوں کا تھال پکڑیں اور ٹک ٹاکرز پیسے اڑائیں۔
https://Twitter.com/aliimranabbasi/status/1911373094339436872
شمع جونیجو نے لکھا کہ پنجاب پولیس کا اب یہ کام رہ گیا ہے کہ شادیوں پر رئیس زادوں کے لیے نوٹ پکڑ کے کھڑے رہیں تاکہ وہ گانے والیوں پر لُٹائیں؟ انہوں نے سوال کیا کہ یہ شخص کون ہے جس کی چاکری ہورہی ہے؟
https://Twitter.com/ShamaJunejo/status/1911499516425257253
ایک ایکس صارف نے طنزاً لکھا کہ پولیس کا کام پیسے پکڑنا ہی رہ گیا ہے اب چاہے شادی ہو یا سڑک کنارے۔
https://Twitter.com/MSK_1184/status/1911529195118723079
فائق خانزادہ نے پنجاب پولیس آفیشلز کو ٹیگ کرتے ہوئے لکھا کہ یہ پولیس کی وردی کے ساتھ زیادتی ہے۔
https://Twitter.com/Faiqikhan/status/1911532946751934932
واضح رہے کہ کاشف ضمیر چوہدری ایک معروف ٹک ٹاک اسٹار ہے اور اسے سونے کی بھاری چین اور گھر میں شیر پالنے والے کے حوالے سے بھی جانا جاتا ہے۔
کاشف ضمیر چوہدری ‘چوہدری گروپ آف کمپنیز پنجاب’ کا مالک بھی ہے اور سوشل میڈیا پر ان کی متعدد سیاستدانوں سمیت دیگر شخصیات کے تصاویر بھی موجود ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب پولیس کاشف ضمیر
عمران خان نے اڈیالہ جیل میں ملاقات سے متعلق معاملہ سپریم کورٹ لے جانے کی ہدایت کردی