چیمپئنز ٹرافی کیلیے بہترین ٹیم کا انتخاب کیا ہے، صائم کی کمی محسوس ہوگی، محمد رضوان
اشاعت کی تاریخ: 7th, February 2025 GMT
پاکستان کی ون ڈے ٹیم کے کپتان محمد رضوان کا کہنا ہے کہ چیمپئنز ٹرافی میں صائم ایوب کی کمی ضرور محسوس کریں گے۔ اسکواڈ سب کے سامنے ہے، ہر چیز کو سامنے رکھ کر بہترین ٹیم کا انتخاب کیا گیا ہے۔
لاہورمیں پریس کانفرنس کے دوران محمد رضوان نے فہیم اشرف اور خوشدل شاہ کی سلیکشن کے متعلق بات کرتے ہوئے کہنا تھا کہ بہترین فارم والوں کو پہلی ترجیح دینی چاہیے، خوشدل شاہ اور فہیم اشرف اچھی فارم میں ہیں۔
مزید پڑھیئے: بھارتی امپائر نے چیمپئنز ٹرافی کیلیے پاکستان آنے سے کیوں انکار کیا؟ وجہ سامنے آگئی
انہوں نے مزید کہا کہ لاہور میں ڈیو اثر انداز ہوسکتی ہے اس لیے ابرار احمد کے علاوہ دوسرے اسپنر کے متعلق نہیں سوچا۔
مزید پڑھیئے: ہیڈ کوچ عاقب جاوید فہیم اشرف کی حمایت میں سامنے آگئے
فخر زمان کے حوالے سے گفتگو کرتے ہوئے محمد رضوان نے کہا کہ فخر زمان بیمار تھے اس لیے ٹیم میں نہیں تھے، اور کوئی بات نہیں۔
.ذریعہ: Express News
کلیدی لفظ: محمد رضوان
پڑھیں:
صائم ایوب کی کمی کو خوشدل شاہ پورا کریں گے
پاکستان ٹیم کے نائب کپتان سلمان علی آغا کا کہنا ہے کہ امید ہے صائم ایوب کی کمی کو خوشدل شاہ پورا کریں گے۔سہ فریقی سیریز سے قبل نائب کپتان سلمان علی آغا نے میڈیا سے گفتگو کرتے ہوئے کہا کہ ہمیں کنڈیشن کے ساتھ ایڈجسٹ کرنا ہوگا، صائم ایوب کی کمی محسوس کریں گے لیکن امید ہے خوشدل شاہ ان کی کمی کو پورا کریں گے۔انہوں نے کہا کہ کمبی نیشن بنا ہوا ہے اس میں زیادہ تبدیلی کی ضرورت نہیں پڑے گی۔سلمان علی آغا کا کہنا تھا کہ سب کھلاڑی پاکستان میں چیمپئنز ٹرافی کا ایونٹ کھیلنے کے لیے پرجوش ہیں۔دوسری جانب نیوزی لینڈ کرکٹ ٹیم کے ہیڈ کوچ جیکب اورم نے کہا کہ چیمپئنز ٹرافی سے قبل ٹرائی نیشن سیریز بہت اہم ہے، میگا ایونٹ میں سب ٹیموں کے پاس برابر کا موقع ہوتا ہے۔انہوں نے کہا کہ ہم بھارت اور پاکستان کے گروپ میں ہیں، دونوں ٹیموں کے خلاف اچھے مقابلے کی امید ہے۔واضح رہے کہ پاکستان، جنوبی افریقا اور نیوزی لینڈ کے درمیان چیمپئنز ٹرافی سے قبل ٹرائی نیشن سیریز کا آغاز ہفتے سے ہوگا۔
کرم میں قیام امن کیلئے جرگہ، سوشل میڈیا کا غلط استعمال روکنے پر اتفاق