لاہور میں وارداتوں کی ’’ففٹی‘‘ کرنے والا گینگ پولیس کے ہتھے چڑھ گیا
اشاعت کی تاریخ: 7th, February 2025 GMT
لاہور:
شہر میں وارداتوں کی ففٹی کرنے والا گینگ بالآخر پولیس کے ہتھے چڑھ گیا۔
ڈولفن اسکواڈ نے اسٹریٹ کریمنلز کے خلاف کارروائی کرتے ہوئے لاہور شہر میں وارداتوں کی ففٹی کرنے والا گینگ گرفتار کرلیا۔ 2رکنی گروہ نے صرف ماڈل ٹاؤن و اقبال ٹاؤن ڈویژن میں مجموعی طور پر 85 وارداتیں کی۔
ترجمان کے مطابق ڈولفن اسکواڈ نے ملزمان کو ریکی و انٹیلیجنس بیسڈ کارروائی کرتے ہوئے گرفتار کیا۔ اس دوران ملزمان کے زیر استعمال موٹر سائیکل بھی چوری کی نکلی، جس کا مقدمہ 334/25 تھانہ جوہر ٹاؤن میں درج ہے۔
ڈولفن ٹیم کو گرفتاری کے وقت ملزمان کی طرف سے شدید مزاحمت کا سامنا کرنا پڑا۔ دونوں ملزمان پر منشیات، ڈکیتی، چوری، جھپٹا و دیگر سنگین جرائم کے مقدمات درج ہیں۔ ملزمان کے قبضے سے موبائل فون اور چوری شدہ موٹر سائیکل برآمد کرکے انہیں تھانہ نواں کوٹ کے حوالے کردیا گیا ہے۔
.ذریعہ: Express News
پڑھیں:
لاہور میں بیجنگ طرز پر سائیکل اور موٹرسائیکل سواروں کیلئے الگ راستہ مختص
لاہور:چین کے دارالحکومت بیجنگ کی طرز پر لاہور کی سڑکوں پر سائیکل اور موٹر سائیکل سواروں کے لی الگ راستہ مختص کرنے کے پائلٹ منصوبے کا آغاز کر دیا گیا۔
ایکسپریس نیوز کے مطابق لاہور میں پہلے مرحلے میں فیروز پور روڈ کینال روڈ سے لاہور پل تک بائیکر لین شروع کر دی گئی ہے۔
لاہور میں 10 کلومیٹر بائیکرز لین سبز اور دیگر رنگوں سے تیار کی گئی، سائیکل اور موٹر سائیکل سواروں کی حادثات سے حفاظت ہو گی اور مرحلہ وار لاہور کی تمام سڑکوں پر بائیکر لینز بنائی جائیں گی۔
انتظامیہ کی جانب سے بتایا گیا کہ بائیکرز لین کے جدید عالمی تصور سے حادثات میں کمی اور ٹریفک میں روانی آئے گی۔
وزیراعلیٰ پنجاب مریم نواز نے شہریوں سے اپیل کی کہ شہری اپنے تعاون اور نظم و ضبط سے آزمائشی منصوبہ کامیاب بنائیں تاکہ جانوں کا تحفظ اور حادثات کی روک تھام ہو۔
جنید اکبر خفگی مٹانے کیلئے فاشسٹ زبان کا استعمال کررہے ہیں،رانا تنویر حسین