حکومت پاکستان موسمیاتی تبدیلیوں سے متعلق صوبوں اور عالمی شراکت داروں اور دیگر متعلقہ فریقوں کے ساتھ مل کر کام کرنے کے لئےپرعزم ہے،احسن اقبال
اشاعت کی تاریخ: 7th, February 2025 GMT
اسلام آباد (اُردو پوائنٹ اخبارتازہ ترین - اے پی پی۔ 07 فروری2025ء) وفاقی وزیر برائے منصوبہ بندی ترقی واصلاحات وخصوصی اقدامات پروفیسر احسن اقبال نے کہا ہے کہ حکومت پاکستان موسمیاتی تبدیلیوں سے متعلق صوبوں، عالمی شراکت داروں اور دیگر متعلقہ فریقوں کے ساتھ مل کر کام کرنے کے لیے پرعزم ہے۔ جمعہ کو موسمیاتی تبدیلی کے حوالے سے منعقدہ بین الاقوامی کانفرنس ’’بریتھ پاکستان ‘‘ سے خطاب کرتے ہوئے پاکستان کی جانب سے اس عالمی مسئلے سے نمٹنے کے لئے کئےجانے والے اقدامات اور مستقبل کی حکمت عملی پر روشنی ڈالی۔
انہوں نے کہا کہ حکومت پاکستان نے موسمیاتی تبدیلیوں کے اثرات کو کم کرنے اور ان کے ساتھ مطابقت پیدا کرنے کے لئے کئی اہم اقدامات اٹھائے ہیں۔احسن اقبال نے کہا کہ موسمیاتی تبدیلیوں سے نمٹنے کے لئے پاکستان جیسے ترقی پذیر ممالک کو مالی وسائل کی ضرورت ہے، کیونکہ ان ممالک پر موسمیاتی تبدیلیوں کے منفی اثرات سب سے زیادہ مرتب ہو رہے ہیں۔(جاری ہے)
انہوں نے اس بات پر زور دیا کہ عالمی برادری کو ترقی پذیر ممالک کو فنڈز فراہم کرنے اور ٹیکنالوجی کی منتقلی کو یقینی بنانا چاہیے تاکہ وہ موسمیاتی تبدیلیوں کے چیلنجوں سے نمٹ سکیں۔انہوں نے کہا کہ حکومت پاکستان نے موسمیاتی تبدیلیوں سے نمٹنے کے لئے ایک خصوصی سیل قائم کیا ہے، جو موسمیاتی تبدیلیوں سے متعلق منصوبہ بندی اور اقدامات کو مربوط کرے گا۔ اس کے علاوہ، حکومت ایک کلائمیٹ چینج اتھارٹی بھی قائم کر رہی ہے، جو موسمیاتی تبدیلیوں سے متعلق مختلف علاقائی اور عالمی معاہدوں پر عمل درآمد کو یقینی بنائے گی۔احسن اقبال نے کہا کہ حکومت پاکستان موسمیاتی تبدیلیوں سے متعلق صوبوں، عالمی شراکت داروں اور دیگر متعلقہ فریقوں کے ساتھ مل کر کام کرنے کے لئے پرعزم ہے۔ انہوں نے اس بات پر زور دیا کہ صوبوں کا موسمیاتی تبدیلی پالیسی کے نفاذ میں اہم کردار ہے، اور انہیں اس سلسلے میں مرکزی حکومت کے ساتھ مل کر کام کرنا چاہیے۔انہوں نے کہا کہ پاکستان پیرس معاہدے کا حصہ ہے اور اس معاہدے کے تحت اپنے عہدوں کو پورا کرنے کے لیے پرعزم ہے۔ حکومت موسمیاتی تبدیلی کے حوالے سے پیدا ہونے والے مسائل پر خصوصی توجہ دے رہی ہے اور ان مسائل کے حل کے لیے جامع حکمت عملی پر کام کر رہی ہے۔ احسن اقبال نے خبردار کیا کہ پاکستان سمیت دنیا بھر کو موسمیاتی تبدیلیوں سے شدید خطرات لاحق ہیں، اور اگر فوری اقدامات نہ اٹھائے گئے تو اس کے نتائج تباہ کن ہو سکتے ہیں۔ انہوں نے عالمی برادری سے اپیل کی کہ وہ موسمیاتی تبدیلیوں کے خلاف جنگ میں اپنا کردار ادا کریں اور ترقی پذیر ممالک کو اس سلسلے میں درپیش چیلنجوں سے نمٹنے میں مدد فراہم کریں۔.ذریعہ: UrduPoint
کلیدی لفظ: تلاش کیجئے موسمیاتی تبدیلیوں سے متعلق موسمیاتی تبدیلیوں کے کہ حکومت پاکستان کے ساتھ مل کر کام احسن اقبال نے نے کہا کہ انہوں نے کرنے کے کے لئے کام کر
پڑھیں:
وزیراعظم کے دورہ بیلا روس کے اچھے نتائج آئیں گے ،احسن اقبال
پسرور(آئی این پی)وفاقی وزیر برائے منصوبہ بندی احسن اقبال نے کہا ہے کہ کوئی بھی ملک کسی دوسرے ملک کے اندرونی معاملات میں مداخلت نہیں کر رہا، بانی پی ٹی آئی ایک سزا یافتہ مجرم ہے اور انہوں نے ساٹھ ارب روپے کا غبن کیا ہے۔وفاقی وزیر احسن اقبال نے میڈیا سے گفتگو کرتے ہوئے کہا کہ قائد مسلم لیگ ن محمد نواز شریف اور وزیر اعظم محمد شہباز شریف کے دورے بیلاروس کے اچھے نتائج آئیں گے۔ جو معاہدے ہوئے ہیں اس سے ڈیڑھ لاکھ پاکستانی نوجوانوں کے لئے روزگار کے مواقع پیدا ہوں گے، بیلاروس اور پاکستان کے درمیان تعلقات مزید مضبوط ہو گے۔احسن اقبال نے کہا کہ امریکہ اور پاکستان کے اچھے تعلقات ہیں کوئی بھی ملک کسی دوسرے ملک کے اندرونی معاملات میں مداخلت نہیں کر رہا، بانی پی ٹی آئی ایک سزا یافتہ مجرم ہے اور انہوں نے ساٹھ ارب روپے کا غبن کیا ہے۔
ویزوں کے مسائل حل، یو اے ای جانے کے خواہشمند افراد کیلئے بڑی خوشخبری