اٹک: نامعلوم افراد کی فائرنگ سے 1 کانسٹیبل جاں بحق، دوسرا زخمی
اشاعت کی تاریخ: 7th, February 2025 GMT
—فائل فوٹو
اٹک میں حضرو ہٹیاں روڈ پر نامعلوم افراد کی فائرنگ سے 1 کانسٹیبل جاں بحق اور دوسرا زخمی ہو گیا۔
اس حوالے سے پولیس کا کہنا ہے کہ 2 پولیس رائیڈرز ٹیموں نے موٹر سائیکل سوار 3 مشکوک افراد کو رکنے کا اشارہ کیا تھا۔
یہ بھی پڑھیے کیمپ جیل کی چھت سے گرکرکانسٹیبل جاں بحقپولیس نے کہا کہ رکنے کے بجائے موٹرسائیکل سوار افراد پولیس ٹیم پر فائرنگ کر کے فرار ہو گئے۔
پولیس نے بتایا کہ نامعلوم موٹر سائیکل سوار حضرو کی جانب موٹر سائیکل پر فرار ہو گئے۔
.ذریعہ: Jang News
پڑھیں:
پنجاب پولیس کا ایک اور جوان فرض کی راہ میں شہید
اٹک:حضرو ہٹیاں روڈ پر نامعلوم موٹر سائیکل سوار ملزمان کی فائرنگ سے پنجاب پولیس کے کانسٹیبل قدیر خان شہید جبکہ ان کے ساتھی کانسٹیبل نصرت خان شدید زخمی ہوگئے۔
تھانہ حضرو کے علاقے بہادر خان کے قریب پولیس اہلکاروں نے پٹرولنگ کے دوران تین مشکوک موٹر سائیکل سواروں کو رکنے کا اشارہ کیا، جس پر ملزمان نے پولیس ٹیم پر سیدھی فائرنگ شروع کردی۔ فائرنگ کے نتیجے میں چوکی ہٹیاں پر تعینات کانسٹیبل قدیر خان موقع پر شہید ہوگئے جبکہ ان کے ساتھی کانسٹیبل نصرت خان شدید زخمی ہوگئے، جنہیں فوری طور پر سول اسپتال منتقل کیا گیا۔
آئی جی پنجاب نے واقعے کا نوٹس لیتے ہوئے آر پی او راولپنڈی سے رپورٹ طلب کرلی اور ڈی پی او اٹک کو ملزمان کی فوری گرفتاری کے احکامات جاری کیے۔ آئی جی پنجاب نے کانسٹیبل قدیر خان کی قربانی کو خراج عقیدت پیش کرتے ہوئے کہا کہ پنجاب پولیس شہید اہلکار کے اہلخانہ کے غم میں برابر کی شریک ہے اور ان کی دیکھ بھال میں کوئی کسر اٹھا نہیں رکھی جائے گی۔
ڈی پی او اٹک ڈاکٹر سردار غیاث گل خان جائے وقوعہ پر پہنچے اور زخمی کانسٹیبل نصرت خان کی اسپتال میں عیادت کی۔ ڈی پی او اٹک کے مطابق فائرنگ میں ملوث ملزمان کی گرفتاری کے لیے پولیس ٹیمیں تشکیل دے دی گئی ہیں اور انہیں جلد گرفتار کرلیا جائے گا۔
سندھ کابینہ کا اجلاس کل طلب، زرعی انکم ٹیکس قانون کی منظوری کا امکان