کمشنر کوہاٹ نے جرگہ رپورٹ محکمۂ داخلہ کو بھیج دی
اشاعت کی تاریخ: 7th, February 2025 GMT
—فائل فوٹو
کمشنر کوہاٹ نے کرم کے حالات پر جرگے کی رپورٹ محکمۂ داخلہ کو بھیج دی۔
سرکاری ذرائع کے مطابق رپورٹ میں بتایا گیا ہے کہ فریقین نے ہتھیار جمع کرانے کے طریقہ کار سےحکومت کو آگاہ کیا ہے۔
حکومت نے جمع کرائے گئے طریقہ کار پرعمل درآمد سے متعلق غور شروع کر دیا ہے۔
کرم امن معاہدے پرعمل درآمد سےمتعلق دوبارہ جرگہ طلب کیا گیا۔ پشاور سے ذرائع کے مطابق جرگہ کل کمشنر کوہاٹ کی سربراہی میں کمشنر ہاؤس میں ہوگا۔
حکومت اسلحہ جمع کرانے کے مناسب طریقہ کار پر متفق ہوتے ہی فریقین کو آگاہ کر دے گی۔
ادھر جرگے میں امن معاہدے کے تحت بنکرز گرانے کا عمل بھی جاری ہے۔
مجموعی طور پر اب تک 50 بنکرز گرائے جا چکے جبکہ دونوں فریقین کے بنکرز کی مجموعی تعداد 250 ہے۔
یاد رہے کہ گزشتہ روز کمشنر ہاؤس کوہاٹ میں فریقین کا جرگہ ہوا تھا۔
.ذریعہ: Jang News
کلیدی لفظ: کمشنر کوہاٹ
پڑھیں:
بشریٰ بی بی کی جیل میں بہتر سہولیات کی فراہمی کی درخواست پر فریقین سے جواب طلب
اسلام آباد(اُردو پوائنٹ اخبارتازہ ترین - این این آئی۔ 14 اپریل2025ء)بانی پی ٹی آئی کی اہلیہ بشریٰ بی بی کی جیل میں بہتر سہولیات کی فراہمی کی درخواست پر فریقین سے جواب طلب کرلیاگیا۔(جاری ہے)
تفصیلات کے مطابق اسلام آباد ہائیکورٹ میں بشریٰ بی بی کی جیل میں بہتر سہولیات کی فراہمی کی درخواست پر سماعت ہوئی،جسٹس انعام امین منہاس نے کیس کی سماعت کی۔اسلام آباد ہائیکورٹ نے بشریٰ بی بی کی درخواست پر فریقین سے جواب طلب کرلیا۔عدالت کی جانب سے سیکرٹری داخلہ اور جیل سپرنٹنڈنٹ کو نوٹس جاری کر دیئے گئے۔ اسلام آباد ہائیکورٹ نے دو ہفتوں میں رپورٹ طلب کر لی۔بشریٰ بی بی نے جیل میں بہتر سہولیات کے حصول کے لئے عدالت سے رجوع کررکھا ہے۔
عامر وڑائچ پر قاتلانہ حملے کیخلاف بلوچستان بھر میں عدالتی کارروائی کا بائیکاٹ