معاشی استحکام بحال، فچ ایجنسی نے پاکستان کی معاشی صورتحال پر رپورٹ جاری کردی
اشاعت کی تاریخ: 7th, February 2025 GMT
عالمی ریٹنگ ایجنسی فچ نے پاکستان کی معاشی صورتحال پر رپورٹ جاری کردی جس میں کہا گیا کہ پاکستان میں معاشی استحکام بحال ہوئے اور بیرونی ذخائر کی بہتری میں پیشرفت ہوئی۔
اپنی رپورٹ میں فچ ایجنسی کا کہنا ہے کہ معاشی اصلاحات پر پیشرفت کریڈٹ پروفائل کے لیے کلیدی حیثیت رکھتی ہے۔ رپورٹ میں مزید کہا گیا کہ پاکستان کا پرائمری سرپلس آئی ایم ایف ہدف سے زیادہ رہا اور صوبوں نے زرعی انکم ٹیکس پر قانون سازی کرلی ہے جو خوش آئند ہے۔
مزید پڑھیں: معیشت درست سمت میں گامزن، پائیدار معاشی استحکام کے لیے پرعزم ہیں، وزیر خزانہ
رپورٹ میں بتایا گیا کہ مالی سال کی پہلی ششماہی میں ٹیکس آمدنی آئی ایم ایف ہدف سے کم رہی تاہم زرمبادلہ ذخائر میں ہونے والا اضافہ، بیرونی فنانسنگ جولائی میں مثبت ریٹنگ کا سبب بن سکتا ہے۔
فچ کا کہنا ہے کہ آئی ایم ایف جائزے میں تاخیر منفی ریٹنگ کا سبب ہوسکتی ہے جبکہ اصلاحات پر پیشرفت آئی ایم ایف کے آئندہ جائزوں کی کامیاب تکمیل سے مشروط اور اصلاحات دیگر کثیرالجہتی، قرض دہندگان سے معاونت کے تسلسل کے لیے اہم حیثیت رکھتی ہیں۔
فچ کی رپورٹ میں مزید بتایا گیا کہ اسٹیٹ بینک نے 27 جنوری کو پالیسی ریٹ کو 12 فیصد تک کم کرنے کا فیصلہ کیا جو مہنگائی پر قابو پانے میں ہونے والی حالیہ پیشرفت کی عکاس ہے۔ رپورٹ میں یہ بھی کہا گیا کہ جنوری 2025 میں مہنگائی کی سالانہ شرح 2 فیصد سے کچھ زیادہ رہی جو پچھلے سال تقریباً 24 فیصد کی اوسط شرح پر تھی۔
مزید پڑھیں: مہنگائی کی رفتار میں کمی کا آنا معاشی بہتری کا اشارہ ہے، نواز شریف
رپورٹ میں کہا گیا کہ مہنگائی میں کمی کی بنیادی وجوہات میں ماضی کے سبسڈی اصلاحات اثرات کا کم ہونا ہے اور اس پالیسی نے ملکی طلب اور بیرونی مالی ضروریات کو کم کرنے میں مدد دی۔
فچ کا مزید کہنا ہے کہ سخت پالیسی اقدامات، استحکام، شرح سود میں کمی سے معاشی سرگرمیوں میں اضافہ ہوا اور نجی شعبے کو دیا جانے والا قرض اکتوبر 2024 میں حقیقی معنوں میں مثبت ہوگیا جبکہ ترسیلات زر، زرعی برآمدات میں اضافہ، سخت پالیسیز سے کرنٹ اکاؤنٹ سرپلس میں تبدیل اور پاکستان کا کریڈٹ اکاؤنٹ 6 ماہ میں تقریباً 1.
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
کلیدی لفظ: ا ئی ایم ایف کہا گیا کہ رپورٹ میں کے لیے
پڑھیں:
سعودی حکومت نےعمرہ زائرین کیلئے نئی شرط رکھ دی
سعیداحمد سعید: سعودی حکومت نے مسافروں کے لیے نئی ہدایت جاری کردی، عمرہ ویزہ رکھنے والے مسافروں کیلئےسعودی عرب حکومت نے نئی شرط عائد کردی۔
سعودی حکومت نے دنیا بھر کی ایئرلائنز کو نئی ہدایت جاری کردی، ہر سال 15 شوال کے بعد عمرہ زائرین کو سعودی سفر کرنے کی اجازت نہیں ہوگی، ایئرلائنز کو نئی ہدایت پر سختی سے عمل کرنے کا حکم دے دیا۔
سعودی ایوی ایشن کا کہنا تھا کہ شوال کی 15 تاریخ کے بعد مسافرایئرلائنز بورڈنگ نہ دیں،خلاف ورزی کرنے پر مسافروں اور ایئرلائنز کیخلاف کارروائی ہوگی،سعودی ایوی ایشن نے ایئرلائنز کے لیے نیاہدایت نامہ جاری کردیا۔
لاہور پریس کلب ہاؤسنگ سکیم ایف بلاک میں بجلی کی تنصیب کا افتتاح
گھر سے بے دخل خاتون ٹک ٹاکر نے نہر میں چھلانگ لگا دی