فخر زمان کو کونسی بیماری ہوگئی تھی جس نے ان کا 10 کلو وزن کم کردیا، اوپنر نے سب بتادیا
اشاعت کی تاریخ: 7th, February 2025 GMT
قومی ٹیم کے اوپننگ بیٹر فخر زمان جو کچھ عرصے سے ٹیم کا حصہ نہیں تھے، اس حوالے سے شائقین کرکٹ کی جانب سے مختلف سوالات بھی اٹھائے جا رہے تھے، اب ان سوالات کا جواب دیتے ہوئے فخر زمان نے کہا کہ وہ بیماری کی وجہ سے ٹیم سے باہر تھے۔
پی سی بی پوڈ کاسٹ میں گفتگو کرتے ہوئے فخر زمان نے بتایا کہ انہیں انجری نہیں تھی بلکہ وہ بیمار تھے۔ انہیں ہائپر تھائیرائیڈ ہوگیا تھا جس کی وجہ سے ان کا 10 کلو وزن کم ہوا اور پٹھے کمزور ہو گئے تھے۔ انہوں نے بتایا کہ اس کی ریکوری میں بہت وقت لگا۔
یہ بھی پڑھیں: کیا چیمپیئنز ٹرافی کی افتتاحی تقریب منعقد نہیں کی جائے گی؟
فخر زمان نے بتایا کہ انہیں بیماری کی تشخیص میں بہت وقت لگا، انہیں 4 مہینے سے یہ بیماری تھی لیکن انہیں بہت لیٹ پتہ چلا۔ اسی وجہ سے ٹیم سے بھی باہر تھے، اور کوئی وجہ نہیں تھی۔
کرکٹر نے بتایا کہ اب وہ بالکل ٹھیک ہیں لیکن شروع کے 4،5 میچ ان کے لیے بہت مشکل تھے، انہیں ایسا لگ رہا تھا جیسے وہ کھیلنا بھول گئے ہیں لیکن آہستہ آہستہ پرفارمنس بہتر ہوتی رہی اور اب بالکل 100 فیصد ٹھیک محسوس کر رہے ہیں۔
یہ بھی پڑھیں: چیمپیئنز ٹرافی کے آفیشل ترانے کا ٹیزر جاری، عاطف اسلم کی تعریفیں
فخر زمان کا کہنا تھا کہ وہ چیمپیئنز ٹرافی کے لیے بہت پُر جوش ہیں اور یہ چیمپیئنز ٹرافی پاکستان میں ہو رہی ہے یہ بہت بڑی بات ہے۔ بابر اعظم کے ساتھ اوپننگ کرنے سے متعلق سوال پر فخر زمان کا کہنا تھا کہ بابر اعظم کے لیے نمبر معنی نہیں رکھتا، وہ آسانی سے رنز بنا لیتے ہیں۔
انہوں نے کہا کہ مجھے امید ہے بابر اعظم اوپننگ میں اچھا پرفارم کریں گے اور ان کے لیے چیزیں آسان کریں گے۔ فخر زمان کا مزید کہنا تھا کہ ان کی شروعات چیمپیئنز ٹرافی سے ہوئی تھی جو کہ بہت زبردست تھی اور کوشش کروں گا کہ 2025 میں کھیلی جانے والی چیمپیئنز ٹرافی پہلے والی سے بھی زیادہ یادگار رہے۔
یہ بھی پڑھیں: فخر زمان فارم میں آگئے، اوپنر بیٹسمین سوشل میڈیا پر وائرل کیوں ہورہے ہیں؟
فخر زمان نے کہا کہ ان کی کوشش ہو گی، وہ تمام میچز جیتیں۔ سب سے پہلا ٹارگٹ نیوزی لینڈ ہے۔ انہوں نے کہا کہ بھارت کے خلاف میڈیا ہائپ کی وجہ سے کھلاڑیوں پر زیادہ پریشر ہوتا ہے لیکن ہم وہ عام میچ کی طرح کھیلتے ہیں اس کے لیے کوئی اضافی ٹریننگ نہیں ہوتی۔
2017 چیمپیئنز ٹرافی کو یاد کرتے ہوئے انہوں نے کہا کہ اس وقت وہ جونیئر تھے تو سرفراز بھائی، شعیب ملک اور جنید خان سے بہت کچھ سیکھا۔ ایک سوال کے جواب میں فخر زمان نے کہا کہ اگر 90 میٹر سے لمبا چھکا لگایا جائے تو اس پر 2 اضافی رنز ملنے چاہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی چیمپیئنز ٹرافی 2025 پاکستانی کرکٹ ٹیم چیمپیئنز ٹرافی فخر زمان.ذریعہ: WE News
کلیدی لفظ: آئی سی سی چیمپیئنز ٹرافی 2025 پاکستانی کرکٹ ٹیم چیمپیئنز ٹرافی چیمپیئنز ٹرافی نے بتایا کہ نے کہا کہ انہوں نے کے لیے
پڑھیں:
چیمپیئنز ٹرافی سے قبل نیشنل اسٹیڈیم کراچی سے متعلق بڑی پیشرفت
کراچی:کراچی کا نیشنل اسٹیڈیم آئی سی سی چیمپیئنز ٹرافی کی میزبانی کے لیے تیار ہوگیا، نئی پانچ منزلہ عمارت مکمل طور پر تیار ہوگئی جبکہ ڈیجیٹل اسکرینز اور ایل ای ڈی لائٹس بھی لگا دی گئیں۔
آئی سی سی نے میگا ایونٹ کے لیے اسٹیڈیم کو موضوع قرار دے دیا، 11 فروری کو نیشنل اسٹیڈیم کی رنگا رنگ افتتاحی تقریب منعقد ہوگی۔
تزئین و آرائش اور تعمیر کے حوالے سے پروجیکٹ ڈائریکٹر بلال چوہان نے میڈیا بریفنگ میں کہا کہ غیر ملکی ادارے کے منظور شدہ ڈیزائن کے مطابق پہلے مرحلے میں نیشنل اسٹیڈیم میں اَپ گریڈیشن کے ساتھ تزئین و آرائش کا کام آخری مرحلہ مکمل ہوگیا، 1996 کے عالمی کپ کے بعد 8 ٹیموں کے بڑے ایونٹ کی میزبانی کے لیے پی سی بی کوشاں ہے، جدید طرز کی ایل ای ڈی لائٹس کی تنصیب کا عمل مکمل ہوگیا۔
انہوں نے کہا کہ دبئی کے راستے چین کے شہر شنگھائی سے آنے والی 22 بائی 23 فٹ کی چھوٹی ڈیجیٹل اسکرین کی انتخاب عالم انکلوژر کے سامنے تنصیب کے بعد امریکی ماہرین کی زیر نگرانی 80 بائی 30 فٹ کی بڑی اسکرین بھی وسیم اکرم انکلوثر کے سامنے نصب کر دی گئی، سندھ حکومت کے تعاون سے پیڈسٹرن برج کی تعمیر کا عمل زور و شور سے روز و شب جاری ہے، پی ایس بی کوچنگ سینٹر کے سامنے سر شاہ سلیمان روڈ پر بننے والا یہ پل اگلے چند روز میں پایہ تکمیل کو پہنچ جائے گا۔
پروجیکٹ ڈائریکٹر نے بتایا کہ 3 ارب 50 کروڑ روپے کے منصوبے کے پہلے مرحلے میں نئی عمارت کے گراؤنڈ فلور پر آئی سی سی کے اینٹی کرپشن اور اینٹی ڈوپنگ، فزیو کے علاوہ میچ آفیشلز کے کمرے تیار کر لیے گئے ہیں، پہلی منزل پر دونوں ڈریسنگ رومز بھی تیار ہو گئے، ڈائننگ ہالز بھی پایہ تکمیل کو پہنچ گئے، تیسرے اور چوتھے فلور پر جدید سہولیات سے آراستہ 24 ہاسپٹلٹی باکسز بھی مکمل ہو گئے تاہم چوتھی منزل پر چیئرمین باکسز اور ایڈمن بلاک کی تیاری کا عمل جاری ہے۔
انہوں نے بتایا کہ عمارت میں جدید طرز کی چاروں لفٹ نصب ہوگئی ہیں، گراؤنڈ فلور پر پیٹرنز انکلوژرز اور اہم شخصیات کے لیے گیلری بھی تیار ہوگئی ہے، ماجد خان اور ظہیر عباس کے نام سے منسوب وی وی آئی پی انکلوژر میں کرسیاں نصب کی جا رہی ہیں، نئی عمارت پویلین کہلائے گی جبکہ پرانی عمارت کو فار اینڈ کا نام دیا گیا ہے، گراؤنڈ کے اطراف میں 10 فٹ نوکیلے آہنی جنگلے کی تنصیب مکمل ہونے کو ہے، انتخاب عالم انکلوزر میں پہلے تماشائی سیڑھیوں پر بیٹھ کر میچ دیکھتے تھے، اب وہاں نشستیں لگائی جا رہی ہیں۔
مزید پڑھیں؛ قذافی اسٹیڈیم کا کل وزیراعظم کے ہاتھوں افتتاح، ورکرز کیلیے ظہرانہ
بلال چوہان کے مطابق آئی سی سی سے کار پارکنگ کے استعمال کی اجازت مل گئی تو 2700 کے بجائے 2200 گاڑیوں کی پارکنگ کا اہتمام کیا جائے گا، تماشائیوں کی سہولیات کے لیے 75 نئے واش روم تعمیر کیے گئے ہیں، پرانی عمارت کے ڈریسنگ رومز کو پلاٹینیم باکسز میں تبدیل کر دیا گیا ہے، اسٹیڈیم کی چھت کی دھلائی کی جائے گی، 3 ارب 50 کروڑ روپے کی لاگت سے نیشنل اسٹیڈیم کی تزئین و آرائش کا دوسرا اور تیسرا مرحلہ شروع ہونے کا فیصلہ پی سی بی کرے گا۔
پی سی بی کے چیئرمین محسن نقوی کی زیر صدارت گورننگ بورڈ کے اجلاس میں مجوزہ پلان کی منظوری کے بعد 22 اکتوبر 2024 سے پروجیکٹ شروع کیا گیا، مقررہ 90 دن سے قبل متعلقہ تعمیراتی اداروں کے تعاون سے ہدف کو مکمل کر لیا گیا، تاہم فنشنگ ورک باقی رہ گیا تھا۔ نئی عمارت میں مہمانوں کے لیے راہداری بھی بنا دی گئی ہے، عالمی اسٹیڈیمز کی طرح مرکزی عمارت سے کھلاڑیوں کے میدان میں آنے اور جانے کا جدید طرز کا راستہ بھی بنایا گیا ہے۔
نئی بلڈنگ کے اطراف میں وی وی آئی پی پویلین بنائے جا رہے ہیں، میچز کے موقع پر دونوں ٹیموں کے عقبی راستے سے داخل ہونے کا اہتمام ہوگا، ہر فلور کا الگ راستہ ہوگا، کیمروں کے لیے اسٹیل کے بھاری بھرکم اسٹینڈز بھی تیار ہوگئے، اسٹیڈیم کی مرکزی عمارت سے باہر اوول گراؤنڈ پر بھی پریکٹس سیشنز کے لیے فلڈ لائٹس کے دو پولز کی تنصیب کی جا رہی ہے، جدید ٹیکنالوجی سے مزین 3 تھری ڈی لوگو بھی لگائے جا رہے ہیں۔
تعمیراتی کام کے سبب 32 ہزار نشستوں والے اسٹیڈیم کی نشستی استعداد 28 ہزار رہ گئی ہے تاہم پویلین میں مزید 1200 افراد بھی بیٹھ کر میچ سے لطف اندوز ہو سکیں گے۔
چیئرمین پی سی بی کی جانب سے نیشنل اسٹیڈیم میں کام کرنے والے مزدوروں کو کرکٹ میچ دیکھنے کی دعوت دی جائے گی جبکہ ان کے لیے خصوصی لنچ کا بھی اہتمام کیا جائے گا۔
واضح رہے کہ آئی سی سی کے 5 رکنی وفد نے نیشنل اسٹیڈیم کے جاری تعمیراتی کام کا تفصیلی جائزہ لیا تھا، آئی سی سی چیمپیئنز ٹرافی سے قبل تین مراکز لاہور کے قذافی اسٹیڈیم، کراچی کے نیشنل اسٹیڈیم اور راولپنڈی کے پنڈی اسٹیڈیم کے میگا پروجیکٹس کے لیے پی سی بی نے مجموعی طور پر 12 ارب 80 کروڑ روپے کی رقم مختص کی تھی جبکہ آئی سی سی نے چیمپیئنز ٹرافی کی میزبانی کے لیے 7 کروڑ ڈالرز کے بجٹ کی منظوری دی تھی۔
یہ عمران خان سے ملاقات نہیں کراسکتے، ان سے مذاکرات کیا کریں؟ عمر ایوب کی حکومت پر تنقید