سندھ میں روڈ چیکنگ کمیٹی تشکیل، یہ کام کیا کریگی؟
اشاعت کی تاریخ: 7th, February 2025 GMT
— فائل فوٹو
سندھ میں سڑکوں کی حفاظت کے قوانین پر عملدرآمد کے لیے ’روڈ چیکنگ کمیٹی‘ تشکیل دے دی گئی۔
ترجمان وزیرِ ٹرانسپورٹ کے مطابق یہ کمیٹی موٹر وہیکل قوانین ریگولیشنز 1965ء اور روڈ سیفٹی ایکٹ 1985ء کے تحت تشکیل دی گئی ہے، جو
موٹر وہیکل آرڈیننس، موٹر وہیکل رولز، تجارتی گاڑیوں، ڈمپرز اور واٹر ٹینکروں کی نگرانی کرے گی۔
روڈ چیکنگ کمیٹی کی صدارت سیکریٹری صوبائی ٹرانسپورٹ اتھارٹی سندھ کریں گے جبکہ سیکریٹری ریجنل ٹرانسپورٹ اتھارٹی، ٹریفک پولیس کے نمائندے سمیت دیگر افراد کمیٹی میں شامل ہوں گے۔
کراچی میں 24 گھنٹے کے دوران ڈمپر ڈرائیورز نے 5 شہریوں کی جان لے لیے۔
ترجمان کے مطابق یہ کمیٹی تجارتی گاڑیوں کے ضروری دستاویزات، اوور لوڈنگ، اوور اسپیڈنگ، رجسٹریشن بُک، روٹ پرمٹ اور فٹنس سرٹیفکیٹ چیک کرے گی۔
یہ کمیٹی دیگر ٹریفک خلاف ورزیوں کی روک تھام کے لیے بھی چیکنگ کرے گی۔
سندھ کے سینئر وزیر شرجیل انعام میمن نے کہا ہے کہ سڑکوں پر شہریوں کا تحفظ اور ان کی فلاح و بہبود حکومتِ سندھ کی اولین ترجیح ہے۔
شرجیل میمن نے کہا ہے کہ انسانی زندگیوں کو خطرے میں ڈالنے والی کسی بھی خلاف ورزی کو برداشت نہیں کریں گے، حکومتی اقدامات سے ٹریفک قوانین کی خلاف ورزیوں سے نمٹ کر سڑکوں کو زیادہ محفوظ بنانا ہے۔
.ذریعہ: Jang News
پڑھیں:
یوسف رضا گیلانی کا نئے عالمی سماجی معاہدے کی تشکیل کی ضرورت پر زور
چیئرمین سینیٹ یوسف رضا گیلانی نے ایک نئے عالمی سماجی معاہدے کی تشکیل کی ضرورت پر زور دیا ہے۔
سیول میں ’ورلڈ سمٹ 2025ء‘ سے خطاب میں یوسف رضا گیلانی نے کہا کہ عالمی اتحاد اور اخلاقی کثیرالجہتی کی فوری ضرورت ہے۔
انہوں نے استفسار کیا کہ کیا ہم بحرانوں پر بحث کرتے رہیں گے یا ان کا حل نکالیں گے؟ دنیا کو انصاف پر مبنی طرز حکمرانی کی جانب بڑھنا ہوگا۔
یوسف رضا گیلانی نے مزید کہا کہ ایک نئے عالمی سماجی معاہدے کی تشکیل کی ضرورت ہے، پاکستان کا 2030ء تک 60 فیصد توانائی قابل تجدید بنانے کا ہدف ہے۔
اُن کا کہنا تھا کہ موسمیاتی متاثرہ ممالک کےلیے قرضوں میں نرمی کی ضرورت ہے، پاکستان کا عالمی اخراج میں حصہ ایک فیصد سے بھی کم ہے مگر خطرات میں سرفہرست ہے۔
چیئرمین سینیٹ نے یہ بھی کہا کہ پارلیمانی سفارت کاری عالمی تقسیم کم کرسکتی ہے،ایک ہی ضرب سے مجسمہ نہیں تراشا جا سکتا۔
شمالی وزیرستان میں تیل و گیس کا نیا ذخیرہ دریافت